“ლარი “აქამბექებს” და ამ პროცესში გამკაცრებული მონეტალური პოლიტიკის წვლილიცაა”, – ამის შესახებ “ახალგაზრდა ფინანსისტთა და ბიზნესმენთა ასოციაცია” – აფბას ანალიტიკოსი, ბაჩანა ჯინჭარაძე აცხადებს.

“გაუმჯობესებული მაკროეკონომიკური პარამეტრების პარალალურად, ეროვნული ვალუტის გამყარებაში გამკაცრებულ მონეტალურ პოლიტიკასაც შეაქვს წვლილი.
ეროვნულმა ბანკმა 28 მარტს განაკვეთი +1 პროცენტით, 8.5-დან 9.5-მდე შეცვალა.
მართალია, სებ-ი ხელთარსებული ყველა ინსტრუმენტი, დეკლალირებულია როგორც ინფლაციის მოთოკვის საშუალება, მაგრამ იმპორტამოკიდებულ და მაღალდოლარიზებული ქვეყნის ეკონომიკაში, ყველა არხი, საიდანაც მიმოქცევაში ხვდება ვალუტა, ხშირშემთხვევაში ახდენს გავლენას კურსის სიმყარეზე.

მარტივად რომ ვთქვა, თუ ბალანსი დარღვევულია მიმოქცევაში არსებულ ლარსა და დოლარს შორის, მაშინ ვიღებთ სახეცვლილ კურსს.

ბალანსი შეიძლება დაირღვეს როგორც იმ ეკონომიკური პარამეტრების შემცირებით, რომლითაც ჩვენი ქვეყნის ეკონომიკაში უცხოური ფულადი ნაკადები შემოდის, ასევე არასწორი ფისკალური ან მონეტალური პოლიტიკით, მაგალითად ეკონომიკაში ზედმეტად ბევრი ლარის გაშვებით, ვიდრე ამის საშუალებას იმ მომენტში მიმოქცევაში არსებული უცხოური ვალუტა იძლევა.
მოკლედ, ლარი “აქამბექებს” და ამ პროცესში გამკაცრებული მონეტალური პოლიტიკის წვლილიცაა. თანაც, ივლისის თვიდან, უცხოური ვალუტით მოზიდული სახსრებისთვის მინიმალური სარეზერვო მოთხოვნების ნორმა ინდივიდუალურად, ცალკეული კომერციული ბანკისთვის, დეპოზიტების დოლარიზაციის მიხედვით განისაზღვრება, რამაც ეკონომიკაში წესით მეტი დოლარის გამოსვლა უნდა უზრუნველყოს”, – წერს სოციალურ ქსელში აფბას ანალიტიკოსი.