აზიის განვითარების ბანკმა საქართველოს ურბანული გარემოს გაუმჯობესების სამუშაოების დასაწყებად 15 მილიონი აშშ დოლარი გამოყო

აზიის განვითარების ბანკმა საქართველოს ურბანული გარემოს გაუმჯობესების სამუშაოების დასაწყებად 15 მილიონი აშშ დოლარი გამოყო

access_time2019-12-03 22:00:07

აზიის განვითარების ბანკმა (ADB), მოსამზადებელი და საპროექტო სამუშაოების დასაფინანსებლად, 15 მილიონი აშშ დოლარის ოდენობის (ექვივალენტი ევროში) სესხი დაამტკიცა პროგრამისთვის, რომელიც საქართველოს ქალაქებს ინფრასტრუქტურისა და სერვისების გაუმჯობესებაში დაეხმარება.



აზიის განვითარების ბანკის ინფორმაციით, ეს გადაწყვეტილება ბანკის სტრატეგიის ნაწილია და განვითარებადი წევრი ქვეყნების ქალაქების მდგრად განვითარებას ისახავს მიზნად.



„ბოლო წლებში საქართველოს ეკონომიკური ზრდა არათანაბრად მიმდინარეობდა, რამაც სამუშაო ადგილების პოვნისა და ცხოვრების პირობების გაუმჯობესების მიზნით მოსახლეობის დიდი ნაწილის რაიონული ცენტრებიდან თბილისში მიგრაცია გამოიწვია. დღეს ეროვნული შიდა პროდუქტის 70% თბილისზე მოდის და დედაქალაქში ქვეყნის ურბანული მოსახლეობის ნახევარზე მეტი ცხოვრობს. აღნიშნული სესხი საქართველოს მთავრობას საშუალებას მისცემს დაიწყოს ტექნიკური მოკვლევითი ანალიზი, დაგეგმოს ინფრასტრუქტურული პროექტები და ჩაატაროს სხვა მოსამზადებელი სამუშაოები ADB-ის „საქართველოს ქალაქების მდგრადი განვითარების ინვესტირების“ პროგრამისთვის, რომლის დაწყება 2020 წლის მიწურულს იგეგმება. პროგრამის მიზანია საქართველოს ურბანული გარემოს ინფრასტრუქტურისა და მობილობის გაუმჯობესება და მდგრადი განვითარება განსაკუთრებით ხანდაზმული და შეზღუდული შესაძლებლობის მქონე მოსახლეობისთვის, ქალებისა და ბავშვებისთვის. ასევე პროგრამის მიზანია საქართველოს ტურისტული მიმზიდველობის გაზრდა, რასაც ADB ოთხ რეგიონულ ტურისტულ კლასტერში ინვესტირებით გეგმავს. ეს მოიცავს აღმოსავლეთ საქართველოში თელავის, გურჯაანისა და ახმეტის მუნიციპალიტეტებს, ინვესტიციებს ეკო და სათავგადასავლო ტურიზმის მიმართულებით ზუგდიდსა და მესტია-უშგულში და მეტ ინფრასტრუქტურულ განვითარებას დედაქალაქში. გასულ წელს საქართველოს 3.5 მილიონი ტურისტი ეწვია და 2028 წლისათვის ყოველწლიურად 6 მილიონზე მეტ ტურისტს ელოდებიან“, - აღნიშნულია აზიის განვითარების ბანკის ინფორმაციაში.



როგორც ADB-ის ცენტრალური და დასავლეთ აზიის ურბანული განვითარების სპეციალისტმა რამოლა ნაიკ სინგრუმ განაცხადა, “ქალაქების მდგრადი განვითარება და ინფრასტრუქტურის გაუმჯობესება მრავალმხრივი ეკონომიკური ზრდისთვის უმნიშვნელოვანესია.




„ქალაქების მდგრადი განვითარება და ინფრასტრუქტურის გაუმჯობესება მრავალმხრივი ეკონომიკური ზრდისთვის უმნიშვნელოვანესია და ის ასევე დაეხმარება ქვეყანას სრულად გამოიყენოს თავისი უნიკალური ტურისტული პოტენციალი,“- განაცხადა ADB-ის ცენტრალური და დასავლეთ აზიის ურბანული განვითარების სპეციალისტმა რამოლა ნაიკ სინგრუმ.



მისივე თქმით, „ეს სესხი მთავრობას საშუალებას მისცემს დაიწყოს უმნიშვნელოვანესი მოსამზადებელი სამუშაოები მისი მიზნების განხორციელებისთვის, რაც მოიცავს საქართველოს მდიდარი კულტურული და ისტორიული მემკვიდრეობის კონსერვაციას და მათზე წვდომის გაუმჯობესებას, ქვეყნის მცირე და საშუალო ბიზნესის განვითარებას და მოსახლეობის ცხოვრების ხარისხის გაზრდას.“



ADB საქართველოს მხარდამჭერია 2007 წლიდან და ის ქვეყნის ერთ-ერთი ყველაზე დიდი მრავალმხრივი პარტნიორია. ADB-ის მიერ საქართველოსთვის გაცემული სუვერენული და არასუვერენული სესხების საერთო მოცულობა 2.8 მილიარდ აშშ დოლარს შეადგენს.



ADB-ის მიზანია, ხელი შეუწყოს აზიისა და წყნარი ოკეანის რეგიონის წარმატებულ, მრავალმხრივ, მედეგ და მდგრად განვითარებას. ამავდროულად, ის კვლავაც აგრძელებს მუშაობას რეგიონში უკიდურესი სიღარიბის აღმოსაფხვრელად. 1966 წელს დაარსებული ორგანიზაცია აერთიანებს 68 ქვეყანას, მათ შორის 49 აზიის რეგიონიდანაა წარმოდგენილი. 2018 წელს ADB-ს მიერ გაცემული სესხებისა და გრანტების ჯამურმა მოცულობამ 21.6 მილიარდი აშშ დოლარი შეადგინა.



IPN.GE 






2020 წლისთვის ბათუმში სამი ახალი ინოვაციების ცენტრი გაიხსნება

2020 წლისთვის ბათუმში სამი ახალი ინოვაციების ცენტრი გაიხსნება
access_time2019-12-08 10:00:01
საქართველოს ინოვაციების და ტექნოლოგიების სააგენტოს თავმჯდომარემ, ავთანდილ კასრაძემ, რადიო კომერსანტის გადაცემაში „მთავარი ფაქტორი" სააგენტოს 2020 წლის გეგმებზე ისაუბრა.   "2020 წლისთვის სამი ახალი ინოვაციების ცენტრი გაიხსნება ბათუმში, კასპსა და გურჯაანში. 2020 წელსვე დასრულდება სამუშაოები, მნიშვნელოვანია რეგიონების ჩართვა ამ ეკოსისტემაში, განსაკუთრებით ბათუმის. გვეყოლება 40 ახალი სტარტაპი, რომელიც 100 ათასი ლარით დაფინანსდება და 10 სტარტაპი 650 ათას ლარიანი საგრანტო...

საპენსიო სააგენტოში ლევან სურგულაძის გადადგომის შესახებ ინფორმაციას არ ადასტურებენ

საპენსიო სააგენტოში ლევან სურგულაძის გადადგომის შესახებ  ინფორმაციას არ ადასტურებენ
access_time2019-12-07 20:32:24
საპენსიო სააგენტოში არ ადასტურებენ მედიაში გავრცელებულ ინფორმაციას ლევან სურგულაძის გადადგომის შესახებ ინფორმაციას. როგორც კომერსანტს უწყებაში განუცხადეს,  საპენსიო სააგენტოს დირექტორი ლევან სურგულაძე განმარტებას სავარაუდოდ ორშაბათს გააკეთებს. კურიერის ინფორმაციით, საპენსიო სააგენტოს ხელმძღვანელი თანამდებობას ტოვებს. ლევან სურგულაძეს განცხადება გადადგომის შესახებ უკვე დაწერილი აქვს და ოფიციალურად ამის თაობაზე მალე საჯაროდ...

Washington Post: დონალდ ტრამპის მოსამსახურეები არალეგალი იმიგრანტები იყვნენ

Washington Post: დონალდ ტრამპის მოსამსახურეები არალეგალი იმიგრანტები იყვნენ
access_time2019-12-07 20:00:18
  აშშ-ს დღევანდელი პრეზიდენტი დონალდ ტრამპი ცნობილია თავისი ანტიმიგრანტული განცხადებებით, თუმცა, როგორც ამბობს მისი ოჯახის 2 ყოფილი მოსამსახურე, ტრამპის სახლში და მისი კომპანიის გოლფ-კლუბებში ძირითადად მუშაობდნენ სწორედ არალეგალი-მიგრანტები,   ერთ-ერთი მათ შორის არის კოსტა-რიკელი  სანდრა დიასი.   ტრამპის სახლში შესვლის წინ მას უნდა დაეცვა რამდენიმე წესი - პირველი რიგში, ის უნდა ყოფილიყო უჩინარი. ტრამპის პირადი მოსამსახურე...

ალექსანდრ ლუკაშენკო - ბელორუსია არ შექმნის ერთიან პარლამენტს რუსეთთან

ალექსანდრ ლუკაშენკო - ბელორუსია არ შექმნის ერთიან პარლამენტს რუსეთთან
access_time2019-12-07 16:00:09
  „ბელორუსია არასდროს არ შევა რუსეთის შემადგენლობაში და არ შექმნის ერთიან პარლამენტს. ჩვენ ამას არასდროს არ განვიხილავდით. დაიმახსოვრეთ - მე არ ვარ ბიჭუნა, რომელიც იყო პრეზიდენტი 3-4-5 წელი, და მე არ მსურს ხაზი გადავუსვა ყველაფერს, რასაც მივაღწიეთ ერთად - სუვერენულ დამოუკიდებელ სახელწიფოს. ჩვენ მას არ გადავაგდებთ და არ ვაჩუქებთ არავის. ჩემ დროს ეს არ მოხდება. ეს ჩვენი ქვეყანაა, დამოუკიდებელი და სუვერენული. ამით უნდა ვიამაყოთ“,  - განაცხადა ბელორუსიის პრეზიდენტმა...

მომავალ წელს 3000 IT სპეციალისტის გადამზადება იგეგმება

მომავალ წელს 3000 IT სპეციალისტის გადამზადება იგეგმება
access_time2019-12-07 14:00:30
ინოვაციებისა და ტექნოლოგიების სააგენტოს (GITA) ხელმძღვანელის ავთანდილ კასრაძის თქმით, მსოფლიო ბანკის მხარდაჭერით 3000 IT სპეციალისტი გადამზადდება. ავთანდილ კასრაძემ, რადიო კომერსანტის გადაცემაში „მთავარი ფაქტორი“ სტარტაპის სტატუსის მინიჭების სამართლებრივ ასპექტებზეც ისაუბრა.  „მომავალ წელს ვგეგმავთ 3 ათასი IT სპეციალისტის გადამზადებას. როცა ცოდნის ექსპორტზე ევსაუბრობთ, ხაზი უნდა გავუსვათ იმას,რომ საინფორმაციო ტექნოლოგიები არის ის მთავარი მიმართულება, რომლითაც შეგვიძლია რომ...


მსგავსი სიახლეები

up