ბელარუსმა დიქტატორმა ალექსანდრ ლუკაშენკომ თავისი მუქარის აღსრულება დაიწყო და ევროკავშირს ლტოლვილები მიუსია - განსაკუთრებით მძიმე მდგომარეობაში ლიეტუვა აღმოჩნდა, რომელმაც საგანგებო მდგომარეობა შემოიღო.
აი უკვე რამდენიმე დღეა, ლიეტუვას სასაზღვრო სამსახური ყოველდღიურად საზღვარზე ასობით ლტოლტილს აკავებს, რომლებიც ბელარუსის გავლით ევროკავშირში გადასვლას ცდილობრენ.
2021 წლის დასაწყისიდან ლიეტუვის და ბელარუსის საზღვაზე 1200-ზე მეტი უკანონო მიგრანტია დაკავებული და ეს მაშინ, როდესაც 2020 წლის ანალოგიურ პერიოდში - მხოლოდ 81.
ოფიციალური ვილნიუსი ამას ევროკავშირის წინაამღდეგ ლუკაშენკოს მიერ წარმოებული ჰიბრიდული ომის ნაწილად მიიჩნევს - წლის დასაწყისში მისნსკელი დიქტატორი ევროპას ღიად ემუქრებოდა, რომ ის საზღვარზე ნარკოტიკებს და მიგრანტებს აჩერდება, მაგრამ ეს ვითარება მალე შეიცვლებოდა.
სწორედ ამ შეცვლის პროცესს ვხედავთ ლიეტუვაში, რომელიც მიგრაციული კრიზისის ზღვარზეა.
ქვეყნის შინაგან საქმეთა მინისტრმა განაცხადა, რომ 3-მილიონიანი ქვეყნის ყველა რეგიონულ ხელისუფლებას შეძლებისდავგვარად მიგრანტების მიღება სთხოვა და მათგან პასუხს უახლოესი დღეების მანძილზე ელის.
ამ დროისთვის მიგრანტებს - ძირითადად ერაყიდან, ირანიდან, სირიიდან და აფრიკის ქვეყნებიდან ქალაქ პაბარდაში დაჩქარებულ რეჟიმში გახსნილ ლტოლვილთა ბანაკში ათავსებენ. ასევე იგეგმება კიდევ ერთი კარვების ქალაქის აშენება.
ლიეტუვას მთავრობა სიტუაციის გასაკონტროლებლად საჯარისო ნაწილების და მსროლელთა ასოციაციის წევრების მობილიზებას ცდილობს.
ვილნიუსის მერმა რემიგიუს შიმაშუსმა ლტოლვილების განთასებაზე უარი უკვე განაცხადა, რადგანაც მათ სათანადო საცხოვრებელ ადგილებს ვერ გამოუყოფს.
„ჩვენ მკაფიოდ უნდა აუხსნათ საერთაშორისო საზოგადოებას და პოტენციურ მიგრანტებს, რომ ლიეტუვა არაა ის ქვეყანა. რომელიც მათ კარებს გაუხსნის და ისინი აქ კარგად და ლაღად იცხოვრებენ“, - განაცხადა მერმა.
მისი თქმით, მიგრანტების შესაჩერებლად საგანგებო ზომებია მისაღები, წინაამდეგ შემთხვევაში მათი რაოდენობა ათობით ათასამდე გაიზრდება, ეს კი ლიეტუვას სრულფასოვანი ჰუმანიტარული კრიზისით ემუქრება.
ლიეტუვის წარმომადგენლები ასევე თურქეთში და ერაყში გამგზავრებას გეგმავენ ლტოლვილების უკან დაბრუნების საკითხის განსახილველად.
ასევე არსებობს ინფორმაცია, რომ მიგრანტების ბელარუსის ტერიტორიაზე აგროვებდნენ და ორგანიზებული ჯგუფებით ლიეტუვაში გადაჰყავდათ და ეს კაგრად დაგეგმილი სპეცოპერაციაა ევროკავშირის წინაამდეგ.
საზღვრების დაცვის ევროპული სააგენტო რამდენიმე ათეულ თანამშრომელს და ავტოტრანსპორტს ლიეტუვაში და ლატვიაში აგზავნის. სააგენტომ ევროკავშირის ქვეყნების მთავრობებს დამატებით პერსონალის გამოყოფას სთხოვს, რადგანაც პრობლემის მასშტაბებიდან გამომდინარე, დღეისთვის არსებული თანამშრომლების რაოდენობა საკმარისი არ არის.
სააგენტოს წარმომადგენელმა ბელარუსი პირდაპირ არ დაასახელა, თუმცა, გასაგებად მიანიშნა ლუკაშენკის რეჟიმზე.
„ჩვენ აშკარად ვხედავთ ტენდენციას, როდესაც ევროკავშირის ფარგლებს გარეთ გარკვეული ქვეყნები ლტოლვილების პრობლემას პოლიტიკურ იარაღად იყენებენ“, - განაცხადა მან.
faz.net
ლუკაშენკო
