IBIS Budget-ის ბრენდის სასტუმრო  ივნისში გაიხსნება

IBIS Budget-ის ბრენდის სასტუმრო ივნისში გაიხსნება

access_time2020-02-26 17:40:26

თბილისში, ახვლედიანის ქუჩაზე IBIS Budget-ის ბრენდის სასტუმრო გაიხსნება ივნისში გაიხსნება. ამის შესახებ „კომერსანტს“ პროექტის განმახორციელებელი კომპანია „ბეტა ჯგუფის“ დირექტორმა გიორგი ჯოხაძემ განუცხადა. მისი განმარტებით, 158 ნომრიან სასტუმროს მშენებლობაზე 7 მილიონი დოლარის ინვესტიცია განხორციელდება.

 

ახვლედიანის ქუჩაზე მდებარე მიწის ნაკვეთი და მასზე განთავსებული შენობა-ნაგებობები სახელმწიფო ქონების ეროვნულმა სააგენტომ 2017 წლის აგვისტოში გაასხვისა. აუქციონის პირობების მიხედვით, მყიდველი ვალდებული იყო, უძრავ ქონებაზე განეხორციელებინა სულ მცირე 6 000 000 ლარის ინვესტიცია და ადგილზე სასტუმრო აეშენებინა. „ბეტა ჯგუფს“ ასევე დაევალა, თბილისის სახელმწიფო სამედიცინო უნივერსიტეტისათვის, ვაჟა ფშაველას N33-ში 2 630 000 ლარის ღირებულების, მინიმუმ 2900 კვ.მ. ფართის შენობის აშენება.


 


პროექტთან დაკავშირებით დამატებითი დეტალები „კომერსანტმა“ არქიტექტურის ვებ-გვერდზე გაარკვია. განმარტებით ბარათში ვკითხულობთ, რომ:


საპროექტო ტერიტორიის საერთო ფართით 1269 კვ.მ. ტერიტორიაზე მდებარეობდა XX საუკუნის I ნახევარში აშენებული სამ სართულიანი აგურის შენობა. ბოლო პერიოდამდე შენობა წარმოადგენდა თბილისის სახელმწიფო სამედიცინო უნივერსიტეტის კორპუსს, თუმცა ნაგებობა ავარიული იყო (არსებობს სსიპ ლევან სამხარაულის სახელობის სასამართლო ექსპერტიზის ეროვნული ბიუროს, 2015 წლის ივლისში შესრულებული ექსპერტიზის დასკვნა). უმაღლესი სასაწავლებლის უსაფრთხოების ნორმებიდან გამომდინარე შენობაში სასწავლო პროცესი შეჩერებული იყო.


როგორც ოფიციალური დოკუმენტიდან ირკვევა, პროექტის კონცეფცია მდგომარეობს, ისტორიულად ჩამოყალიბებულ გარემოში, თანამედროვე ქალაქგეგმარებითი პრინციპების გათვალისწინებით ახალი მოცულობის ფორმირებაში. პროექტი ითვალისწინებს არსებული განაშენიანების მასშტაბს. შეიქმნა უბნისთვის დამახასიათებელი არქიტექტურული აქცენტების მქონე გადაწყვეტა, რომელიც ესადაგება გარემოს და შორს დგას ფსევდოისტორიული პერიფრაზისაგან.


 


განმარტებით ბარათში ასევე წერია:



„საპროექტო შენობა იმეორებს ტერიტორიაზე ამჟამად არსებული ნაგებობის მოცულობას. არსებული სამ სართულიანი შენობის მაღალმა სართულებმა შესაძლებელი გახადა იგივე სიმაღლეში ოთხი სართულის მოწყობა.


შენობის იერსახეს აყალიბებს აგურის წყობით მოპირკეთებული ორი სართულისა და დაჟანგებული სპილენძის ტექსტურის მქონე კომპოზიტური პანელებით მოპირკეთებული ზედა ორი სართულის სინთეზი. შენობის ერთ-ერთი ფორმათშემქმნელი ელემენტია ვერტიკალური ფრთები, რომლებიც საინტერესო რითმით ზედა ორ სართულს მიუყვება და ქვედა, აგურით მოპირკეთებულ ფასადზე გამოკვეთილ პილიასტრებს ემთხვევა.


მიმინოშვილის ქუჩის მხრიდან მიწისპირა სართულზე მოწყობილია პორტეკოშერი, რაც იძლევა საშუალებას სასტუმროში მოსული ავტომობილები ისე შეჩერდნენ, რომ არ მოახდინონ ქუჩაზე მოძრაობის შეფერხება.



სასტუმროში შესვლა ხდება მიმინოშვილის ქუჩის მხრიდან, პორტეკოშერის გავლით. მიწისპირა სართულზე განლაგებულია რეცეფცია, მოსაცდელი სივრცე, მენეჯერის კაბინეტი, ბარგის ოთახი, სასადილო, ღია კაფე და 18 სასტუმრო ნომერი. მიწისპირა სართულიდან გასვლა ხდება გამწვანებულ შიდა ეზოში, რომელის ფასადებიც ქუჩის ფასადების მსგავსად აგურითა და დაჟანგებული სპილენძის ტექსტურის მქონე კომპოზიტური პანელებით არის მოპირკეთებული.


სარდაფის სართულზე მდებარეობს მომსახურე პერსონალის გასახდელები საშხაპეებით, დასასვენებელი ოთახი, სამზარეულოს ბლოკი პერსონალის სასადილო, თეთრეულის სასაწყობე ბლოკი, ტექნიკური სათავსები, სახანძრო ტუმბოებისა და ავზების ოთახი და სხვა დამხმარე სათავსოები.


შენობის პირველი მეორე და მესამე სართულები ტიპიურია და თითოეულ მათგანზე განლაგებულია 40 სასტუმრო ნომერი, რომელთაგან სართულზე თითო შშმპ პირთათვის არის სრულად ადაფტირებული, თითო მისაწვდომია და თითოც დიდი, ექვს ადგილიანი საერთო ოთახია.


შენობის ბოლო სართულზე 20 სასტუმრო ნომერია. ჯამში სასტუმროს შენობაში 158 ნომერია. სასტუმრო და მისი ნომრები „IBIS Budget“ ბრენდის სტანდარტების შესაბამისად არის დაგეგმარებული.


ჩვენს მიერ შემოთავაზებული პროექტის პირობებში არ იზრდება მოძრაობის ინტენსიობა, ვინაიდან სასტუმროში მომსვლელთა რაოდენობა ბევრად მცირეა ვიდრე სასწავლებლის დატვირთვა. კერძოდ სამედიცინო უნივერსიტეტთან გადამოწმებული ინფორმაციით, არსებულ შენობაში სწავლობდა 537 სტუდენტი და მუშაობდა 58 პედაგოგი, სულ 595 ადამიანი, რაც თითქმის სამჯერ მეტია, ვიდრე 158 ნომრიანი სასტუმროს ვიზიტორების რაოდენობა მაღალი დატვირთვისას (158*1.5 ადამიანზე * 70% დატვირთულობაზე = 166 ადამიანს + სასტუმროს 40 თანამშრომელი, სულ 206 ადამიანი)“, ვკითხულობთ არიქტექტურის ვებ გვერდზე.


კომპანია „ბეტა ჯგუფი“, 2016 წლის ოქტომბერშია დაფუძნებული. კომპანიას თავდაპირველად 4 მეწილე ჰყავდა: თამაზ თავაძე 25 %, გიორგი ქარაზანიშვილი 25%, ბეჟან სამხარაძე 25% და ედიშერ მამალაძე 25 %. ცნობისათვის, ედიშერ მამალაძე, კომპანია საქკაბელის“ მმართველი პარტნიორიცაა. დირექტორად კი რეესტრის მონაცემებში გიორგი გოშხეთელიანი ფიქსირდებოდა. რეესტრის ბოლო მონაცემებით, კომპანიაში მფლობელები შეიცვალნენ. რეესტრის ბოლო მონაცემებით, 30%-ს ფლობს ნანა აროშიძე, 35% -ს შეზღუდული პასუხისმგებლობის საზოგადოება სიემსი, 17.5 %-ს  ბეჟან სამხარაძე ხოლო 17.5 %-ს  ედიშერ მამალაძე.


ბაჩო ადამია



თეგები:
IBIS Budget



მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი

 მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი
access_time2020-07-08 13:20:04
საერთაშორისო სავაჭრო პალატის საბჭოს თავმჯდომარე ფადი ასლი  განცხადებას ავრცელებს და ქვეყნის მოქალაქეებს მიმართავს. „კომერსანტი“ მას უცვლელად გთავაზობთ:  „ღია წერილი ქართველ ხალხს ჩემო თანამემამულენო, მე გწერთ დამწუხრებული გულით; ამ წლის მარტიდან მოყოლებული ათასობით თქვენგანმა დაკარგა სამსახური, დახურა ბიზნესი, დაიხრჩო ვალებში და ოჯახის შენახვის საშუალება აღარ გაქვთ. ეს ყველაფერი ხდება ვირუსის გამო, რომელიც უარეს შემთხვევაში მოსახლეობის 0.05%ს კლავს და მათთვის...

შპს „ყვარლის ედემის“ ადმინისტრაციამ „ქართულ ოცნებას“ მარტში 65 000 ლარი შესწირა

შპს „ყვარლის ედემის“ ადმინისტრაციამ „ქართულ ოცნებას“  მარტში 65 000 ლარი შესწირა
access_time2020-07-08 13:01:37
შპს „ყვარლის ედემის“ მფლობელებმა და დირექტორმა 2020 წლის 20 და 23 მარტს „ქართულ ოცნებას” ჯამში 65,000 ლარი შესწირეს და რამდენიმე დღეში საქართველოს ტურიზმის ეროვნული ადმინისტრაციისგან გამარტივებული შესყიდვის გზით 277,300 ლარიანი კონტრაქტი მიიღეს. ამის შესახებ „საერთაშორისო გამჭირვალობა საქართველოს“ კვლევაშია აღნიშნული.  „სასტუმროს 2013-2019 წლებში 400,000 ლარის ღირებულების გამარტივებული სახელმწიფო შესყიდვის კონტრაქტები აქვს გაფორმებული, თუმცა აქამდე...

საზღვრების გახსნით ეკონომიკური ზრდა არ გვექნება, თუმცა, ეკონომიკური ვარდნა შეგვიმსუბუქდება

საზღვრების გახსნით ეკონომიკური ზრდა არ გვექნება, თუმცა, ეკონომიკური ვარდნა შეგვიმსუბუქდება
access_time2020-07-08 12:00:10
„საზღვრების გახსნით ეკონომიკური ზრდა არ გვექნება, რადგან ტურისტებიც დიდწილად შეიკავებენ თავს მოგზაურობისგან, თუმცა თუ ტურისტებს დავუშვებთ ეკონომიკური ვარდნა აუცილებლად შეგვიმსუბუქდება“,- ამის შესახებ კომერსანტს ბიზნესმენმა და ეკონომისტმა კონსტანტინე მოსიძემ განუცხადა.  მისი თქმით, დღეს ქვეყანაში შექმნილი ეპიდემიოლოგიური მდგომარეობა იძლევა შესაძლებლობას, რომ საზღვრები გახსნას და ფრენები აღდგეს.   „საზღვრების ჩაკეტვის გამო ჩვენს მოსახლეობას...

საქართველო გერმანიას, საფრანგეთს, ლატვიას, ლიეტუვასა და ესტონეთს საზღვრებს უხსნის

საქართველო გერმანიას, საფრანგეთს, ლატვიას, ლიეტუვასა და ესტონეთს საზღვრებს უხსნის
access_time2020-07-08 11:10:21
საქართველო ევროკავშირის რამდენიმე ქვეყანასთან საზღვრებს ხსნის.ამის შესახებ საქართველოს პრემიერ-მინისტრის მრჩეველმა ირაკლი ჩიქოვანმა დღეს განაცხადა. მისი განცხადებით, ეს ქვეყნებია:გერმანია, საფრანგეთი, ლატვია, ლიეტუვა და ესტონეთი. „ევროკავშირის მიერ საქართველოს 15 უსაფრთხო ქვეყნის სიაში შეყვანისა და მათთვის საზღვრების შესაძლო გახსნის შესახებ რეკომენდაციის გაცემის შემდეგ, მთავრობა, საზღვრების გახსნის თაობაზე, ევროკავშირის წევრ შესაბამის ქვეყნებთან ორმხრივ მოლაპარაკებებს...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-07 21:30:29
დღის Top-10 საინტერესო ამბავი 1.ტამანის პორტი საქართველოს კონკურენტი ვერ გახდება - ბათუ ქუთელია „ამ ხელისუფლების პირობებში ანაკლიის პორტი არ აშენდება იმ მარტივი მიზეზის გამო, რომ ეს არის გეოპოლიტიკური პროექტი.როგორც ჩანს, „ქართული ოცნების“ ხელისუფლებისთვის რუსული გეოპოლიტიკური ინტერესები უფრო ანგარიშგასაწევია...


მსგავსი სიახლეები

up