ახალი წლის ღამეს მთის კურორტებზე სასტუმროს ფასები 260 დოლარიდან 607 დოლარამდე იქნება

ახალი წლის ღამეს მთის კურორტებზე სასტუმროს ფასები 260 დოლარიდან 607 დოლარამდე იქნება

access_time2018-12-10 17:00:00

საქართველოში მთის კურორტების მოქმედი პრემიუმ კლასის სასტუმროები მომხმარებელს საახალწლო პაკეტებს უკვე სთავაზობენ. საახალწლო ღამის გატარება, ტრადიციულად, ჩვეულებრივი დღეებისგან განსხვავდება, რადგან ამ პერიოდში საფასო პოლიტიკა შედარებით მაღალია და მომსახურება უფრო მრავალფეროვანი.

 

„კომერსანტი“ დაინტერესდა, რა ღირს ახალი წლის გატარება, საქართველოს მთის კურორტების პრემიუმ კლასის სასტუმროებში და რას სთავაზობენ ისინი ქართველ თუ უცხოელ მომხმარებელს? როგორც აღმოჩნდა სასტუმროების უმეტესობა სრულად 100%-ით უკვე დაჯავშნილია.  ხოლო საშუალოდ სასტუმროში საახალწლო ღამის გატარება 260 დოლარიდან 607 დოლარამე მერყეობს. ახალ წელს ქართულ სასტუმროებში ყველაზე მეტი ტურისტი პოსტსაბჭოთა ქვეყნებიდან იქნება.

 

სასტუმრო „მარკო პოლოს“ გაყიდვების დირექტორმა ირაკლი მამფორიამ „კომერსანტთან“ საუბრისას განაცხადა, რომ  ჩვეულებრივთან შედარებით ახალ წელს „მარკო პოლოში“ ნომრის ფასი 30%-ით იზრდება. მისივე განცხადებით, ამ ეტაპზე სასტუმროს 100%-ი უკვე დაჯავშნილია.

 

„საახალწლოდ ნომრის ფასები 252 დოლარიდან იწყება და 607 დოლარამდე მერყეობს. მომხმარებლების 95% უცხოელები არიან და ამ მიმართულებით პოსტსაბჭოთა ქვეყნები ლიდერობენ. წინასაახალწლოდ დატვირთული პროგრამა გვექნება, რასაც მომხმარებელს სამომავლოდ გავაცნობთ,“ - განაცხადა ირაკლი მამფორიამ.

 


„რუმს ყაზბეგის“ მენეჯერის ტატა ჭუმბურიძის განცხადებით, ამ ეტაპზე სასტუმროს 80% უკვე დაჯავშნილია. ხოლო შარშანდელთან შედარებით „რუმს ყაზბეგში“ ფასებმა უცხოეთის მოქალაქეებისთვის დაახლოებით 400 დოლარით იმატა. მენეჯერის განცხადებით, ქართველებისგან განსხვავებით, უცხოელებს ნომერში მაღალი ფასის გადახდა შეუძლიათ.

 

„რუმსში ახალი წლის ღამეს ნომრის ფასი 300 დოლარიდან დაიწყება და მასში საახალწლო პროგრამაზე დასწრებაც შედის. ნომრის ფასები 600 დოლარამდე მერყეობს. ახალი წლის ღამეს პროგრამას ვგეგმავთ და ამას ჩვენთან მოსული სტუმარი იხილავს,“ - განმარტა „რუმს ყაზბეგის“ მენეჯერმა.

 

როგორც მესტიაში მდებარე სასტუმრო „თეთნულდის“ ადმიანისტრაციაში „კომერსანტს“ განუცხადეს, ახალი წლის დღეებში სასტუმროს 100%-ი უკვე დაჯავშნილია და ფასები 90 დოლარიდან -180 დოლარამდე მერყეობს. აღსანიშნავია ის ფაქტიც, რომ „თეთნულდში“ ებრაელები ჭარბობენ.  

 

რაც შეეხება გუდაურში  მდებარე სასტუმრო „ქუადრუმს“. სასტუმროს პროექტის ხელმძღვანელის ირაკლი ერისთავის განცხადებით, მათთან ფასები 80 დოლარიდან იწყება და 200 დოლარამდე მერყეობს, ხოლო საახალწლოდ აღნიშნული ფასები 25%-ით იზრდება.


„ჩვენთან ნომრები 100%-ით უკვე დაჯავშნილია. ფასების ზრდას რაც შეეხება, ეს საახალწლო პროგრამაზეცაა დამოკიდებული. წელს ყველაზე მეტ სტუმარს რუსეთიდან და უკრაინიდან ველოდებით,“ - აღნიშნა ირაკლი ერისთავმა.

 

ავტორი: ლიკა გურაბანიძე






Deutche welle: ევროპაში ქართულ ღვინოზე მოთხოვნა იზრდება

Deutche welle: ევროპაში ქართულ ღვინოზე მოთხოვნა იზრდება
access_time2019-06-27 14:00:09
ქართული ღვინის ხარისხი ბოლო წლებში მკვეთრად გაუარესდა - ამტკიცებს როსპოტრებნადზორი, თუმცა ავსტრიელი და გერმანელი მეღვინეები ამას ვერ ამჩნევენ - ალბათ იმიტომ, რომ ყიდულობენ ყველაზე ხარისხიან ქართულ ღვინოს ევროპული ბაზრისთვის. მოთხოვნა კი სწრაფად იზრდება. „არც ჩვენ, არც მაკონტროლებელ ორგანოებს არ გვაქვს არავითარი პრობლემები ქართულ ღვინოსთან დაკავშირებით,“ - ამბობს ჰამბურგში მდებარე მაღაზია GeoVino-ს თანამფლობელი ანდრე...

გია ხუხაშვილი: ხელისუფლება აღმოჩნდა პოლიტიკურ ბუნკერში, ახალი პოლიტიკური კლასი კი ამოდის ზედაპირზე

გია ხუხაშვილი: ხელისუფლება აღმოჩნდა პოლიტიკურ ბუნკერში, ახალი პოლიტიკური კლასი კი ამოდის ზედაპირზე
access_time2019-06-27 12:30:59
რუსთაველის გამზირზე, პარლამენტის წინ მიმდინარე აქციების პარალელურად, რამდენიმე დღის განმავლობაში ხელისუფლება აანონსებდა, რომ დღეს ქვეყნის პრემიერ-მინისტრი საკანონმდებლო ტრიბუნიდან მთავრობის საქმიანობის ყოველწლიურ ანგარიშს მოგვასმენინებდა. ასევე დაანონსებულია, რომ ხვალ საკანონმდებლო ორგანოში მივა შს მინისტრი გიორგი გახარია. რამდენად სწორად გეგმავს ხელისუფლება პოლიტიკურ ნაბიჯებს და რამდენად...

Bloomberg-ზე 1 დოლარი 2,86 ლარი გახდა - ლარის გაუფასურება გრძელდება

Bloomberg-ზე 1 დოლარი 2,86 ლარი გახდა - ლარის გაუფასურება  გრძელდება
access_time2019-06-27 12:23:14
Bloomberg-ის სავაჭრო პლატფორმაზე 12:00 საათისთვის 1 აშშ დოლარი 2.8603 ლარად ივაჭრებოდა. ეროვნული ბანკის მიერ გუშინ დადგენილი კურსით, 1 აშშ დოლარის ოფიციალური ღირებულება დღეს, 2.8470 ლარია. რაც შეეხება ევროს, მისი კურსი 3.2356 ლარია. ეროვნული ბანკი ახალ კურსს დღეს 17:00 საათზე გამოაქვეყნებს. შეგახსენებთ, რომ ბოლო რამდენიმე დღეა ეროვნული ვალუტა უფასურდება. მეტიც, ორი დღეა ლარი გაუფასურების...

სებ-ის განცხადება ლარის გაუფასურებაზე - საქართველოში მოქმედებს მცურავი გაცვლითი კურსის რეჟიმი

სებ-ის განცხადება ლარის გაუფასურებაზე - საქართველოში მოქმედებს მცურავი გაცვლითი კურსის რეჟიმი
access_time2019-06-27 11:50:53
საქართველოს ეროვნული ბანკი ლარის გაუფასურებასთანდ აკავშირებით განცხადებას ავრცელებს. ინფორმაციას „კომერსანტი უცვლელად გთავაზობთ: “საზოგადოებისთვის ცნობილია, რომ საქართველოში მოქმედებს მცურავი გაცვლითი კურსის რეჟიმი. სავალუტო კურსზე გავლენას ახდენს სხვადასხვა შიდა და გარე ფაქტორი, მათ შორის მოლოდინები. შესაბამისად, ინფორმაცია რუსეთიდან ტურისტული ნაკადების მოსალოდნელი შემცირების...

“ჩვენი მოლოდინი იყო, რომ საქართველოში წელს 1.7 მლნ-ზე მეტი რუსი ტურისტი შემოვიდოდა, მათი დანახარჯები კი 2.5 მლრდ ლარი იქნებოდა“

“ჩვენი მოლოდინი იყო, რომ საქართველოში წელს  1.7 მლნ-ზე მეტი რუსი ტურისტი შემოვიდოდა, მათი დანახარჯები კი 2.5 მლრდ ლარი იქნებოდა“
access_time2019-06-27 10:00:54
„ჩვენი მოლოდინი იყო, რომ წლის ბოლომდე საქართველოში ტურისტული მიზნებით 1.7 მილიონზე მეტი რუსეთის მოქალაქე შემოვიდოდა, მათი დანახარჯები კი 2.5 მილიარდი ლარი იქნებოდა. ბუნებრივია, დღეს ჩვენ ვდგავართ გამოწვევის წინაშე. ჩვენი როლი და ფუნქცია არის ის, რომ შევასუსტოთ ეს დარტყმა და დანაკარგი.“ რადიო კომერსანტის გადაცემაში „მთავარი ფაქტორი“ ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელი...


მსგავსი სიახლეები

up