ახალი რეგულაციების ამოქმედების გამო, მომავალი წლიდან ახალაშენებულ ბინებში 1 კვადრატული მეტრის ფასი დაახლოებით 100-120 აშშ დოლარით ძვირდება

ახალი რეგულაციების ამოქმედების გამო, მომავალი წლიდან ახალაშენებულ ბინებში 1 კვადრატული მეტრის ფასი დაახლოებით 100-120 აშშ დოლარით ძვირდება

access_time2018-12-03 10:00:00

2019 წლის დასაწყისიდან ახალაშენებული ბინების ფასი, კვადრატულზე დაახლოებით, 100-120 აშშ დოლარით გაძვიდება. ამის შესახებ „კომერსანტს“ დეველოპერული კომპანია „არსის“  დირექტორმა   თორნიკე აბულაძემ განუცხადა.

 

საუბარია, მთავრობის 41-ე დადგენილებაზე, რომელიც 2017 წლის 1 იანვრიდან  ამოქმედდა. კონკრეტულად კი,შენობის უსაფრთხოების მოთხოვნებზე, როგორიცაა გასასვლელების სათანადოდ დაპროექტება, ხანძრისა თუ სხვა საფრთხეებისგან დაცვა, კიბეებისა თუ ლიფტების შესაბამისი წესების დაცვით მოწყობა და ა.შ.  აბულაძე აცხადებს, რომ აღნიშნული ტექნიკური რეგლამენტის ამოქმედების შედეგებს სამშენებლო-დეველოპერული ბიზნესი ახლა მიიღებს.

 

„აღნიშნული რეგულაციის გათვალისწინებით დამტკიცებული პროექტები, ახლა შემოდის გაყიდვებში. გაძვირების მიზეზიც ეს არის. ახლა ბაზარზე ძველი დამტკიცებული პროექტების ამოყიდვა ხდება და იწყება ახალი პროექტების რეალიზაცია, რომელიც  წინასთან შედარებით ძვირი ჯდება. აქამდე თუ გაყიდვებში 90 პროცენტი ძველი პროექტები იყო, ახლა სიტუაცია პირიქითაა. 2019 წლის პირველ კვარტალში ეს ძალიან საგრძნობი იქნება, რაც 1 კვადრატულ მეტრ ბინის ფართზე 100  დოლარიან გაძვირებას გამოიწვევს, თუმცა, იმის გამო, რომ სექტორში კიდევ სხვა პრობლემებია, დეველოპერები  ფასებს, კვადრატულზე  დაახლოებით, 120 დოლარამდე გაზრდიან , “-აღნიშნავს აბულაძე.

  

 

კონკრეტულად რა ტიპის პრობლემებია დეველოპერულ ბიზნესში, აბულაძე განმარტავს, რომ საუბარია,სამშენებლო ნებართვების გაჭიანურებულად დამტკიცებაზე. „ბიზნესი იჭედება გარკვეულ რეგულაციებში, თუმცა, ისიც უნდა აღინიშნოს, რომ ბიზნესი ყველაფერს მოერგება, რადგან გრძელვადიან პერსპექტივაში ეს დადებითი შედეგის მომტანია, “-აღნიშნავს აბულაძე.  მისი განმარტებით, ეს რეგულაცია ხარჯიანია, თუმცა, მისი ამოქმედება სწორია.

 


 

მომავალი წლიდან ბინების გაძვირებას პროგნოზირებს დეველოპერული კომპანია „რედკოს“ პროექტების მენეჯერი მალხაზ კუნელაურიც. მისი განმარტებით, ამის მიზეზია კომპლექსური  საკითხი, მათ შორის, მთავრობის 41-ე დადგენილება, ეკოლოგიური ექსპერტიზა, სატრანსპორტო კვლევა და ასე შემდეგ. „რამდენით შეიძლება გაძვირდეს, ეს დასათვლელია“- აცხადებს კუნელაური.



 

სამშენებლო კომპანია „ივერონის“ დამფუძნებელი არჩილ ჯაყელი განმარტავს, რომ მომავალი წლიდან, მშენებლობები ყველა შემთხვევაში გაძვირდება,თუმცა, რა  ოდენობით, უცნობია. მისი მტკიცებით, ფასში შევა როგორც გასასვლელების სათანადოდ დაპროექტება, ხანძრისა თუ სხვა საფრთხეებისგან დაცვა, კიბეებისა თუ ლიფტების შესაბამისი წესების დაცვით მოწყობის ხარჯები, ისე ეკოლოგიურ ექსპერტიზაზე და სატრანსპორტო კვლევაზე გასაწევი ხარჯი.




ავტორი: სოფო ქსოვრელი 

 

 





ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

საგადასახადო შეღავათის მოთხოვნის ვადა 1–ელ აგვისტოს იწურება

საგადასახადო შეღავათის მოთხოვნის ვადა 1–ელ აგვისტოს იწურება
access_time2021-07-30 17:00:16
საქართველოს ფინანსთა სამინისტროს შემოსავლების სამსახური იურიდიულ პირებს შეგახსენებს, რომ გადასახადის გადამხდელს, რომელსაც აქვს მიმდინარე წლის 17 მაისის მდგომარეობით წარმოშობილი, აღიარებული ან არაღიარებული საგადასახადო დავალიანება, საქართველოს მთავრობის გადაწყვეტილებით, შესაძლებლობა ეძლევა, გადასახადის ძირითადი თანხის გადახდის პირობით სრულად შეიმციროს დარიცხული ჯარიმა-საურავები.  დღეის მონაცემებით, საგადასახადო შეთანხმების გაფორმების შესახებ, შემოსავლების სამსახურის მონაცემთა ბაზაში, ...

როგორი იქნება სპორტული მედიცინის ცენტრი, რომელიც თბილისში აშენდება

როგორი იქნება სპორტული მედიცინის ცენტრი, რომელიც თბილისში აშენდება
access_time2021-07-30 16:00:51
თბილისში სპორტული მედიცინის ცენტრის მშენებლობა იგეგმება, - ამის შესახებ jandacva.ge-ს სპორტული მედიცინის ასოციაციის ვიცე პრეზიდენტმა ხათუნა საგანელიძემ განუცხადა. მისი ინფორმაციით, ნიუ ვიჟენ უნივერსიტეტი სპორტული რეაბილიტაციის ცენტრს ააშენებს. მისი ინფორმაციით, დაწყებულია კონკრეტული მოლაპარაკებები სპორტული მედიცინის ცენტრების მშენებლობაზე, აღჭურვაზე, ექიმების და რეაბილიტოგების გადამზადებაზე. საგანელიძის განმარტებით, ამისთვის საჭიროა საკმაოდ დიდი...

განათლების მინისტრი სასკოლო რეფორმაში ფინურ გამოცდილებას გაითვალისწინებს

განათლების მინისტრი სასკოლო რეფორმაში ფინურ გამოცდილებას გაითვალისწინებს
access_time2021-07-30 12:30:08
პრემიერ-მინისტრმა ირაკლი ღარიბაშვილმა განათლების მინისტრ მიხეილ ჩხენკელთან ერთად განათლების სისტემის 10 წლიანი განვითარების გეგმა წარადგინა. მიხეილ ჩხენკელის განცხედებით სკოლებში ესტონური და ფინური გამოცდილების გათვალისწინებით ინტენსიურად მიმდინარეობს მესამე თაობის ეროვნული სასწავლო გეგმის დანერგვის პროცესი, რომელიც 2024 წელს დასრულდება. განათლების მინისტრის განმარტებით სწავლების მეთოდოლოგიის შეცვლა მოსწავლეებში კრიტიკული აზროვნების განვითარებას შეუწყობს...

კომფორტის ფასი თბილისის პრემიუმ კლასის საცხოვრებელ კომპლექსებში

კომფორტის ფასი თბილისის პრემიუმ კლასის საცხოვრებელ კომპლექსებში
access_time2021-07-30 15:00:52
თბილისის პრემიუმ კლასის საცხოვრებელ კომპლექსში მობინადრეების ცხოვრების ხარჯი, კომუნალური გადასახადების გამოკლებით, 400-600 ლარს აღწევს. ამ თანხაში შედის საცხოვრებელი არეალის - სადარბაზოებისა და ეზოების, გამწვანების, ლიფტის, საცურაო აუზების, სასეირნო და სარბენი ბილიკების და სხვა შესაბამისი ინფრასტრუქტურის მოვლა-შენახვის ხარჯი. ამ პროცესს დეველოპერი დაქირავებული კომპანიების საშუალებით უზრუნველყოფს ან ასეთ ფირმებს თავად  ამხანაგობები ქირაობენ. მომსახურების...


მსგავსი სიახლეები

up