ვარძიაში ახალი ეთნოგრაფიული სასტუმროს მშენებლობა იწყება.  როგორც პროექტის ავტორები განმარტავენ სასტუმრო გარემოზე მორგებული და ადგილმდებარეობით გათვალისწინებული იერსახის იქნება. 900 კვადრატულ მეტრზე განთავსებული სასტუმროს მშენებლობა 2021 წელს დასრულდება , ხოლო მისი საინვესტიციო მოცულობა  მილიონ ლარს შეადგენს. პროექტი არქიტექტურულ კომპანია Artytech-ს ეკუთვნის.

სასტუმროს მეპატრონე აკაკი ტაბატაძე აცხადებს,  ორ სართულიან სასტუმროში გათვალისწინებულია 20 ნომერი, რესტორანი და ეთნოგრაფიული მუზეუმი. მისი თქმით,სასტუმრო წარმოადგენს ერთგვარ მუზეუმსაც, რომელიც ასახულია ფასადის ცენტრალურ ნაწილში კოლონების სახით. როგორც იგი გვიყვება თითოეული კოლონა მოიცავს საქართველოს სხვადასხვა კუთხის ისტორიული ელემენტების ქვაზე ამოტვიფრულ იდენტობებს. აივნების ჭერზე გათვალისწინებულია დაჟანგული მეტალის მასალა ქართული დამწერლობის სიმბოლოებით. სასტუმროს მფლობელის განმარტებით, მუზეუმში მათ მიერ წლების მანძილზე შეძენილი და დაგროვებული ექსპონატები გამოიფინება.

„ვარძია ძალიან საინტერესო ადგილია როგორც ტურისტებისთვის , ასევე ადგილობრივებისთვის. ტერიტორია გვაძლეს იმის საშუალებას, რომ დროთა განმავლოაბში გავფართოვდეთ და სხვადასხვა საინტერესო მომსახურება შევთავაზოთ დამსვენებლებს. ვეცდებით, სასტუმროში არა მხოლოდ უცხოელებმა, არამედ ადგილობრივებმაც შეძლონ დასვენება, საამისოდ კი ფასები შესაბამისი იქნება“, - აღნიშნავს სასტუმროს მეპატრონე აკაკი ტაბატაძე.

პროექტის ავტორი, კომპანია Artytech-ის არქიტექტორი დადუნა შათაშვილი განმარტავს, რომ სასტუმროს კონცეფცია ტურისტებისთვის ადგილობრივი კულტურის გაცნობას ემსახურება და კულტურულ შემეცნებითი ტურის დანიშნულებას ასრულებს.

„ფასადი გადაწყვეტილია ქართულ ეთნიკურ სტილში. ვარძიის განაშენიანებისათვის დამახასიათებელი მოცულობებითა და ფასადური გადაწყვეტით. გამოყენებულია ადგილობრივი მასალები ქვა და ხე. არის თანამედროვე ელემენტის მცირე ჩანართი ვიტრაჟის სახით, რაც განაპირობებს  სიძველის და თანამედროვეობის საინტერესო  შეხამებას.

აღსანიშნავია, რომ საპროექტო სივრცე არ ხვდება იუნესკოს  კულტურული მემკვიდრეობის დაცვის არეალში. პროექტმა მოწონება დაიმსახურა როგორც ადგილობრივი, ასევე საერთაშორისო პროფესიონალების შეფასებით. აქვე მსურს დიდი მადლობა გადავუხადო საქართველოს კულტრურული მემკვიდრეობის დაცვის ეროვნულ სააგენტოს საბჭოზე მიღებული  კონსულტაციებისთვის“, - განმარტავს არქიტექტორი.

მარიამ მორგოშია