ევროკავშირმა, აშშ-მ, კანადამ და ბრიტანეთმა ბელარუსის წინაამღდეგ ერთობილი სანქციები შემოიღეს.

აკრძალვები ბელარუსის ეკონომიკის ყველა ძირითად სექტორს შეეხება, მათ შორის კალიუმის სასუქების და ნავთობპროდუქტების ექსპორტს, ასევე თამბაქოს მრეწველობას და ფინანსურ სექტორს.

სულ სანქციები 86 კომპანიას და ფიზიკურ პირს შეეხება. მათი ვინაობა ჯერ უცნობია და დეტალური ინფორმაცია მოგვიანებით გამოქვეყნდება. თუმცა, ბევრი რამ უკვე დღესაც ცნობილია.

სანქციების დარტყმის ქვეშ მოხვდნენ ძალოვანი სტრუქტურების ხელმძღანელები, ლუკაშენკოს გარემოცვის მაღალჩინოსნები, თავად მინსკელი დიქტატორის შვილი დმიტრი და მისი რძალი ლილია.

შეზღუდვები ახევე ცნობილ რუს ბიზნესმენ მიხაილ გუცერიევს შეეხება, რომელიც ნავთობკომპანიას ფლობს და ლუკაშენკოსთან აქტიურად თანამშრომლობს. მას ასევე ბრალდება, რომ  2020 წლის სექტემბერში ბელარუსის ტელევიზიის თანამშრომელთა გაფიცვის დროს, სწორედ გუცერიევმა ჩამოიყვანა მოსკოვიდან ჟურნალისტები, რომლებმაც გაფიცულები ჩაანაცვლეს.

სანქციების ქსეშ მოხვდა ბელარუსის მრეწველობის დიდი ნაწილი - მინსკის ავტოქარხანა, ბრიანსკის ავტოქარხანა, ნავთობგადამამუშებელი საწარმოები ННКდა  ЛОГЕКС, კომპანია Сохра, რომელსაც ექსპორტზე ბელარუსული სატვირთო მანქანები, ტრაქტორები, სხვა მძიმე სამშენებლო ტექნიკის და სამშენებლო მასალები გაჰქონდა.

სანქციები ასევე შეეხო ბელაერონავიგაციას-ს, რომელმაც  Ryanair-ის თვითმფრინავი მინსკში იძულებით დასვა.

ეს სანქციების უკვე მეოთხე პაკეტია 2020 წლის აგვისტოში ჩატარებული საპარლამენტო არჩევნების შემდეგ, რომლის შედეგების ლეგიტიმურობას არც ოპოზიცია, და არც საერთაშორისო საზოგადოება არ ცნობს.

აშშ-მ, ბრიტანეთმა და კანადამ ახალი შეზღუდვები უკვე ოფიციალურად დაამტკიცეს, ევროკავშირი კი გადაწვეტილებას  24-25 ივნისის სამიტზე მიიღებს.

ევროკავშირი, რუსეთის შემდეგ, ბელარუსის მეორე უმსხვილესი სავაჭრო პარტნიორია - ევროკომისიის ინფორმაციით, 2020 წელს ბელარუსულმა ექსპორტმა ევროკავშირში $7 მლრდ შეადგინა, ეს კი ქვეყნის მშპ-ის თითქმის 12%-ს უდრის.

ვალუტის 93% ბელარუსში სამრეწველო საწარმოებს შეაქვთ - კონცერნ ბელნეფტექიმ-ის ექსპორტმა 4,2, ხოლო კალიუმის მთავარი მწარმოებლის ბელარუსკალიუმ-ის  - $2,4 მლრდ შეადგინა.

გერმანიის საგარეო საქმეთა მინისტრმა ჰაიკო მაასმა განაცხადა, რომ სექტორალური სანქციები ბელარუსის წინაამღდეგ გაძლიერდება და ამაჟამად ევროკავშირის მიზანია ლუკაშენკოს რეჟიმის ფინანსური გამოფიტვა.

ავსტრიის საგარეო საქმეთა მინისტრმა ალექსანდერ შალენბერგმა განაცხადა, რომ ევროკავშირის საგარეო საქმეთა მინისტრთა საბჭო სექტორალური სანქციების გამკაცრებას და გაფართოვებას მხარს მომავალშიც დაუჭერს.  ამ ეტაპზე ასევე განიხილება ბელარუსისთვის იარაღისა და სათვალთვალო აღჭურვილობის მიწოდების აკრძალვა,

წყარო: bbc.com