ახალი მეწყერსაშიში ზონა თბილისში - ვარაზისხევში, შესაძლოა, დეველოპერებს  მშენებლობა აეკრძალოთ

ახალი მეწყერსაშიში ზონა თბილისში - ვარაზისხევში, შესაძლოა, დეველოპერებს მშენებლობა აეკრძალოთ

access_time2018-05-23 10:00:00

ვარაზისხევში, ნინო ჟვანიას ქუჩის მიმდებარე ტერიტორიაზე დეველოპერებს შესაძლოა მშენებლობა აეკრძალოთ. ამის შესახებ „კომერსანტს“  ვაკის მაჟორიტარმა დეპუტატმა ბიძინა გეგიძემ  განუცხადა.


 როგორც გეგიძემ განაცხადა, ტერიტორიის კომპლექსური კვლევა დასრულებულია. დასკვნის თანახმად, სტიქიური მოვლენების თავიდან ასაცილებლად, მდინარე ვარაზისხევის მარჯვენა ფერდობზე მშენებლობები უნდა აიკრძალოს, ხოლო უკვე აშენებული შენობების დასაცავად სპეციალური, ფერდობის გასამაგრებელი, საინჟინრო ნაგებობები მოეწყოს.


 დეპუტატი აცხადებს, რომ  მეწყრული პროცესების გააქტიურების ალბათობა დიდია. მთის ფერდის ძირი უკვე მოჭრილია, რის გამოც, არსებობს მეწყრული პროცესების გააქტიურების დიდი ალბათობა. ხოლო მდინარის კალაპოტის მიმდებარე ტერიტორიაზე უხვნალექიანობის გამო დაძრული მეწყრის, ან ღვარცოფის განვითარების შედეგად მოსალოდნელია მდინარის კალაპოტის ჩახერგვა და წყლის ნაკადის გადმოსვლა არსებული ჯებირიდან.


 “გეოფიზიკური და ზოგად გეოლოგიური კვლევის შედეგად გამოვლინდა, რომ მდინარე ვარაზისხევის ხეობის ზედა წელში, მდინარის მარცხენა ფერდობზე მეწყრის საშიშროება არ არსებობს, მოსალოდნელია მხოლოდ მცირე მასშტაბის ქვათაცვენები. მარჯვენა ფერდზე არსებული გრუნტი კი არასტაბილურია”, – ასეთია დასკვნის ნაწილი.

 

ბიძინა გეგიძის განცხადებით,  აღნიშნული კვლევის ჩატარება ნინო ჟვანიას ქუჩაზე  მცხოვრებლების თხოვნით დაიწყო.  როგორც ადგილობრივები აცხადებენ, იქ არსებული მშენებლობები უსაფრთხოების ნორმების დაცვის გარეშე  მიმდინარეობდა.


 „აქედან გამომდინარე, მივმართე სეისმოლოგიის ეროვნულ სააგენტოს და გარემოს დაცვის სამინისტროში არსებულ სამსახურებს. შედგა ჯგუფი, ჩატარდა კვლევა  და მომზადდა დასკვნები. კვლევის პრეზენტაციები უკვე მოხდა. დაახლოებით 2 კვირაში საპარლამენტო ფორმატში საკითხის განხილვა დაიწყება, სადაც მიწვეულნი იქნებიან როგორც ადგილობრივი მუნიციპალიტეტის წარმომადგენლები, ისე აღნიშნულ ტერიტორიაზე  მშენებლობის განმახორციელებელი დეველოპერები. სწორედ ამ ფორმატში მოხდება რეკომენდაციების გაზიარება და საბოლოო გადაწყვეტილების მიღებაც,“-აცხადებს გეგიძე.


მისი განცხადებით, ამის შემდეგ ფრაქცია „ქართული ოცნება - დემოკრატიული საქართველო“  რეკომენდაციით მიმართვას  მუნიციპალიტეტს, შეაჩეროს თუ რა მშენებლობები. გეგიძის განცხადებით, კონკრეტულ ტერიტორიაზე შესაძლოა დროებით შეჩერება  საჭირო გახდეს იმ სამუშოების განსახორციელებლად, რაც უსაფრთხოების ნორმების დაცვისთვის აუცილებელია.



„ნალექის შემთხვევაში, დღეს არსებული კოლექტორი ვერ უზრუნველყოფს წყლის გატარებას, ასევე არის  მაღალი რისკის ფერდობი. ამიტომ, შემუშავდება რეკომენდაციები, თუ როგორ მოხდეს ამ ფერდობზე მშენებელობა ისე, რომ უსაფრთხოების ნორმები დაცული იყოს. დღეს არსებული ინჟინრული გადაწყვეტილებებით ეს ძალიან დიდი რისკის მატარებელია,“-აცხადებს გეგიძე.


 მისივე განცხადებით, ამან შესაძლოა იქ არსებული მშენებლობები გააძვიროს. თუმცა, როგორც გეგიძე აცხადებს, თუ  მშენებელი კომპანია  სპეციალისტების მიერ  წარმოდგენილ რეკომენდაციებს არ გაითვალისწინებს, პასუხისმგებლობაც მათ დაეკისრებათ.


რომელი დეველოპერული კომპანიები ოპერირებენ აღნიშნულ ტერიტორიაზე და შეაჩერა თუ არა თბილისის მერიამ მდინარე ვარაზისხევის მარჯვენა  და მარცხენა ფერდობზე  არსებული მშენებლობები, ამის გარკვევა „კომერსანტმა“ მერიაში სცადა.  არქიტექტურის სამსახურში აცხადებენ, რომ კვლევის შედეგებს იცნობენ, შედეგად იმოქმედებენ გარემოს დაცვის სააგენტოს რეკომენდაციებით.

 

მათი ინფორმაციით, ამჟამად მდინარე ვარაზისხევის მარცხენა ფერდობზე მშენებლობას მხოლოდ ერთი კომპანია,  „ბალტიკ ინვესტმენტ ჯგუფი“  ახორციელებს და მისი შეჩერება არ მომხდარა. რაც შეეხება  მარჯვენა, უფრო საშიშ ზონას, არქიტექტურის სამსახურში ამბობენ, რომ აღნიშნულ ტერიტორიაზე  ამ დროისთვის არც მშენებლობა მიდის და არც ნებართვაა გაცემული.

 

საქართველოს მწვანეთა მოძრაობა - დედამიწის მეგობრების წარმომადგენლის ნინო ჩხობაძის ანცხადებით, ის დასკვნები რაც დაიდო, აბსოლუტურად ზუსტია. შედეგად, უნდა მოხდეს ფერდის გამაგრება და მხოლოდ ამის შემდეგ განვითარდეს ეს კონკრეტული ტერიტორია.


„არსებულ ტერიტორიაზე  მეწყერი  ისედაც არის, ახლა საუბარია იმაზე, რომ იქ არსებულმა  მშენებლობმა ფერდის დესტაბილიაცია გამოიწვია.  მეწყერის ჩამოწოლის საფრთხე ნამდვილად არსებობს,“-აცხადებს ცხობაძე.


ქალაქის ერთ-ერთ ცენტრალურ ნაწილში, ნინო ჟვანიას ქუჩაზე მიმდინარე მთის დემონტაჟს მოქალაქეები და არასამთავრობო ორგანიაციები დიდი ხანია აპროტესტებენ და მთავრობას რეაგირებისკენ მოუწოდებენ.



მათი შეფასებით, ნადგურდება მთაწმინდისა და კუს ტბის გამყოფი ქედი, ულამაზესი ადგილი დედაქალაქში.


ავტორი: სოფო ქსოვრელი 

 

 





საქართველოში, შეიძლება, რეგიონული დატვირთვის აშშ-ს კომერციული წარმომადგენლობა შეიქმნას - რა პერსპექტივებზე და მოლოდინებზე საუბრობენ ექსპერტები

საქართველოში, შეიძლება, რეგიონული დატვირთვის აშშ-ს კომერციული წარმომადგენლობა შეიქმნას - რა პერსპექტივებზე და მოლოდინებზე საუბრობენ ექსპერტები
access_time2019-06-18 09:00:10
 „იმისთვის, რომ საქართველო მიებას თავისუფალ ეკონომიკებს, მათ შორის ამერიკულ ეკონომიკას და ჰქონდეს პრეტენზია რეგიონში იყოს კონსოლიდატორი ამერიკული ეკონომიკური აქტივობების, ამას სჭირდება ინფრასტრუქტურულად, ინსტიტუციურად გამართული პოლიტიკური სისტემა და არა არაფორმალური მმართველობა,“- ასე აფასებს ატლანტიკური საბჭოს ვიცე პრეზიდენტი ბათუ ქუთელია საქართველოსა და აშშ-ს შორის გაფორმებულ შეთანხმებას, რომელის მიხედვითაც საქართველოში აშშ-ის კომერციული წარმომადგენლობის შექმნის პროცესი...

აფხაზური ტურიზმის შუქ-ჩრდილები - ე.წ. ალკოტურისტებით გაზრდილი სტატისტიკა

აფხაზური ტურიზმის შუქ-ჩრდილები - ე.წ. ალკოტურისტებით გაზრდილი სტატისტიკა
access_time2019-06-17 20:00:07
რუსულ პრესაში გამოქვეყნდა ინფორმაცია, რომელიც წესით, უნდა ყოფილ ძალიან სასიხარულო აფხაზებისთვის - „აფხაზეთი  რუსეთის მოქალაქეებს შორის ყველაზე პოპულარული ტურისტული მიმართულებების რეიტინგში პირველ ადგილზე გავიდა. კერძოდ, 2019 წლის პირველ კვარტალში, აფხაზეთში ჩავიდა 803 000 რუსი ტურისტი, მაშინ როდესაც ფინეთში 731 000, ყაზახეთში 528 000, ჩინეთში 484 000, გერმანიაში -...

რატომ გვატყუებს მუდმივად ქართული ოცნება? - ნაწილი მეექვსე

რატომ გვატყუებს მუდმივად ქართული ოცნება? - ნაწილი მეექვსე
access_time2019-06-17 19:00:07
წინა ხელისუფლებასთან შედარებით, ეკონომიკაში მინიმუმ ორჯერ არის ტემპი გაზრდილი ყველა მიმართულებით, — ეს სიტყვები  პარტია „ქართული ოცნება - დემოკრატიული საქართველოს“ ლიდერმა  ბიძინა ივანიშვილმა მიმდინარე წლის 23 ოქტომბერს, სამი ტელეკომპანიის ჟურნალისტთან შეხვედრისას განაცხადა.  ფაქტ-მეტრმა შეისწავლა ივანიშვილის განცხადება,  როგორც ბევრი სხვა “ქართული ოცნების“ დაპირება და დაასკვნა, რომ  ეს განცხადება...

ივა ჭყონია: „იმპორტიორ კომპანიებს გეზ-ში დღგ-ს გადახდას მომენტალურად სთხოვენ - მარაზმში ვართ“

ივა ჭყონია: „იმპორტიორ კომპანიებს გეზ-ში დღგ-ს გადახდას მომენტალურად სთხოვენ - მარაზმში ვართ“
access_time2019-06-17 18:00:06
„იმპორტიორ კომპანიებს გაფორმების ეკონომიკურ ზონაში(გეზ-ი) დღგ-ს გადახდას მომენტალურად სთხოვენ,“— ამის შესახებ „კომერსანტს“ საქართველოს დისტრიბუტორთა ბიზნესასოციაციის პრეზიდენტმა ივა ჭყონიამ განუცხადა.   „2 თვეა უკვე, როდესაც ტვირთი გეზ-ში შემოდის, ყვითელ დერეფანში ხვდება. ეს ნიშნავს იმას, რომ კომპანიების უმრავლესობა, მნიშვნელობა არ აქვს “ოქროს სიაში“ არის თუ არა, იძულებულია თანხა მომენტალურად გადაიხადოს. აქამდე ჩვეულებრივ...

სერგეენკოს ჰქონდა როგორც ძალიან კარგი, ასევე არც ისე კარგი იდეები - ქრონიკული დაავადებების სამკურნალო მედიკამენტებით უზრუნველყოფის პროგრამის იდეა იყო ძალიან კარგი

 სერგეენკოს ჰქონდა როგორც  ძალიან კარგი, ასევე არც ისე კარგი იდეები - ქრონიკული დაავადებების სამკურნალო მედიკამენტებით უზრუნველყოფის პროგრამის იდეა იყო ძალიან კარგი
access_time2019-06-18 10:00:43
„ისეთი ექიმი კი არ არის, რომელსაც დიპლომი აქვს მხოლოდ, არამედ მას ნამუშევარი აქვს კლინიკაში და იცის რა არის მძიმე პაციენტის მოვლა და ღამისთენება,“ - ასე აფასებს დავით სერგეენკოს მიერ თანამდებობის დატოვების შესახებ გავრცელებულ ინფორმაციას მეან-გინეკოლოგი ზაზა სინაურიძე. როგორც ცნობილია, არაოფიციალური ინფორმაციით, ჯანდაცვის მინისტრი დავით სერგეენკო თანამდებობას ტოვებს და მის შემცვლელად საჩხერის კლინიკის დირექტორის ეკატერინე ტიკარაძის...


მსგავსი სიახლეები

up