„ახალი კანონპროექტით კომერციული ბანკების რეგულირებისას სებ-ის ფუნქციები განუსაზღვრელი ხდება“

„ახალი კანონპროექტით კომერციული ბანკების რეგულირებისას სებ-ის ფუნქციები განუსაზღვრელი ხდება“

access_time2019-12-27 10:45:24

პარლამენტმა ბანკების გაჯანსაღებისა და რეზოლუციის ჩარჩო დაამტკიცა. საკანონმდებლო ცვლილებების თანახმად, საქართველოს ეროვნულ ბანკს კომერციული ბანკების რეზოლუციის ფუნქცია დაემატა.

 

ეკონომიკის ექსპერტი ზვიად ხორგუაშვილი ახალი კანონპროექტის მიმართ სკეპტიკურად არის განწყობილი და აცხადებს, რომ ამ კანონით კომერციული ბანკების რეგულირებისას სებ-ის ფუნქციები განუსაზღვრელი ხდება. 

 

„ერთი შეხედვით შესაძლოა ვიღაცას მოეჩვენოს, რომ ეს კანონპროექტი ბაზარს დაცულობას შესძენს, თუმცა, სინამდვილეში ძალიან დიდი პრობლემაა. ამ კანონით კომერციული ბანკების რეგულირებისას სებ-ის ფუნქციები განუსაზღვრელი ხდება. აქამდე ეროვნულ ბანკს რაღაც კონკრეტული ვალდებულებები ჰქონდა, რაღაცეებში შეზღუდული იყო, მაგრამ ამ კანონპროექტით მისი ფუნქციები შეუზღუდავია. თუ  ჩათვლის, რომ კომერციულ ბანკს შესაძლოა შეექმნას პრობლემები, სებ-ს ყველაფრის უფლება ექნება, მათ შორის ბანკის დანაწევრების და გაყიდვის, თანამშრომლების გაშვების, დირექტორის შეცვლის, ხელფასების შემცირების ან გაზრდის და ა.შ. ამით სახელმწიფოს ფუნქციები და მოვალეობები განუსაზღვრელი ხდება“, - აცხადებს ზვიად ხორგუაშვილი.

 

რეზოლუციის მთავარი პრინციპის მიხედვით, აქციონერებმა და კრედიტორებმა არ უნდა იზარალონ იმაზე მეტად, ვიდრე ისინი იზარალებდნენ ლიკვიდაციის შემთხვევაში. გარდა ამისა, რეზოლუციის პროცესში დაზღვეული დეპოზიტების გარანტირებული დაცულობა და კრედიტორების დანაკარგების მინიმუმამდე დაყვანა ლიკვიდაციაზე უკეთ უზრუნველყოფს დეპოზიტორთა და კრედიტორთა დაცვას, რაც დადებითად იმოქმედებს ქვეყანაში არსებულ ბიზნეს და საინვესტიციო გარემოზე.

 


ზვიად ხორგუაშვილი მიიჩნევს, რომ მთავრობის მხრიდან ბაზარზე ასეთი ჩარევები ყოველთვის საფრთხეს წარმოადგენს. მითუმეტეს თუ საფინანსო სექტორს ეს არ სჭირდება, რადგან რეალურად მსგავსი კრიზისი 90-იანი წლების შემდეგ მათ არ შექმნიათ.

 

„მთავრობის მხრიდან ჩარევები ბაზარზე ყოველთვის საფრთხეს წარმოადგენს და საბოლოოდ არასტაბილურობას გამოიწვევს. გარდა ამისა, საქართველოში ფინანსური სტაბილურობის პრობლემა ანუ ისეთი სახით, რომ ბანკები გაკოტრებულიყვნენ 90-იანი წლების შემდეგ არასოდეს გვქონია. მსოფლიო ფინანსური კრიზისის დროსაც კი ისინი არ გაკოტრებულან, რადგან საკმაოდ თავისუფალი გარემო ჰქონდათ, ეს იყო ერთ-ერთი მიზეზი, რომ საქართველოს ფინანსური სექტორი ამ პრობლემებს გადაურჩა. შესაბამისად, გაურკვეველია რატომ შემოგვაქვს დამატებითი რეგულაციები იმისთვის, რომ რაღაც წარმოსახვით „მტერს“ ვებრძოლოთ“, - აცხადებს ზვიად ხორგუაშვილი.

 

მისივე თქმით, ასეთ შემთხვევაში კომერციული ბანკების ქმედებები ნაკლებად ფრთხილი იქნება, რადგან თუ მათ პრობლემა შეექმნებათ ეროვნული ბანკი მოაგვარებს, შესაბამისად საბანკო სექტორზე ეს ცუდად აისახება. ის ასევე აღნიშნავს, რომ ბანკებისთვის საერთო სტანდარტის მორგება მათ დააზარალებს.

 

„ბანკებს სხვადასხვა პოლიტიკა აქვთ და მათთვის ერთი და იგივე სტანდარტის მორგებით, ბევრი დაზარალდება. გარდა ამისა, საქართველოში 3 წლის წინ დეპოზიტების დაზღვევა, რომ შემოვიდა ამან არანაირი ფინანსური სტაბილურობის შედეგი არ მოიტანა, არც ლარი გაამყარა და არც ინფლაცია შემცირებულა. იგივე განმეორდება ახლაც, მთავრობა დეპოზიტების დაზღვევით მომხმარებელს პირიქით ცხოვრებას გაურთულებს, რადგან ეს დაზღვევა ბანკისთვის ხარჯია და შესაბამისად, ის მომხმარებელს დეპოზიტს გაუძვირებს. საერთო ჯამში, ეს გადაწყვეტილება არის „ღია კარის მტვრევა“, რადგან საბანკო სექტორს გაკოტრება არც ემუქრება და არც არსებობს ამის რისკი“, - განმარტავს ზვიად ხორგუაშვილი.

 

აღსანიშნავია, რომ რეზოლუციის ჩარჩო ფინანსური სექტორის შეფასების პროგრამის ფარგლებში, საერთაშორისო სავალუტო ფონდისა და მსოფლიო ბანკის რეკომენდაციების მიხედვით შემუშავდა, ხოლო საკანონმდებლო პაკეტზე მუშაობის პროცესში აქტიურად იყვნენ ჩართულნი საერთაშორისო სავალუტო ფონდის ექსპერტები. საკანონმდებლო პაკეტის შემუშავების პროცესი საბანკო სექტორის წარმომადგენლებთან ინტენსიური კონსულტაციების ფონზე მიმდინარეობდა.

 

ნინო თამაზაშვილი





დღის Top 10 საინტერესო ამბავი

დღის Top 10 საინტერესო ამბავი
access_time2021-06-18 21:00:37
დღის Top 10 საინტერესო ამბავი:     1. ბოლო 10 წელიწადში აშენებული ჰესების წილი გენერაციაში 19%-ს აჭარბებს     ენგურჰესის გამომუშავება რეაბილიტაციის შემდეგ, მაისში, გასული წლის ანალოგიურ პერიოდთან შედარებით, 98%-ით გაიზარდა და 404 მლნ კვტ/სთ-ს მიაღწია. ძირითადად მის ხარჯზე, 24%-ით 1.221...

18 ივნისი - რეგიონში ქართული ლარი და თურქული ლირა გაუფასურდა

18 ივნისი - რეგიონში ქართული ლარი და თურქული ლირა გაუფასურდა
access_time2021-06-18 18:00:43
18 ივნისის ვაჭრობის შედეგად სებ–ის მიერ დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 9 პუნქტით გამყარდა. შედარებისთვის, დაახლოებით 110 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 18 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.1681 ლარი გახდა (ეს კურსი 19 ივნისს შევა ძალაში). 18 ივნისს მოქმედი...

გარემოს დაცვის მინისტრის და საპარლამენტო სამუშაო ჯგუფის წევრების ვიზიტი „არემჯიში“

გარემოს დაცვის მინისტრის და საპარლამენტო სამუშაო ჯგუფის წევრების ვიზიტი „არემჯიში“
access_time2021-06-18 15:55:24
გარემოს დაცვისა და სოფლის მეურნეობის მინისტრი ლევან დავითაშვილი, საქართველოს პარლამენტის გარემოს დაცვის კომიტეტთან არსებული ქვემო ქართლის რეგიონში დაბინძურების შემსწავლელი სამუშაო ჯგუფის წევრებთან ერთად, („საყდრისის კომიტეტი “, „მწვანე პოლიტიკის საზოგადოებრივი და სამეცნიერო - კვლევითი პლატფორმები “) დაბა კაზრეთში „არემჯის “გარემოსდაცვითი პროგრამის ფარგლებში მიმდინარე სამუშაოებს გაეცნო. მინისტრმა რეგულარული მონიტორინგის ფარგლებში „არემჯი კოპერის“ #4 ფუჭი ქანების სანაყაროს...

საქართველოს რკინიგზა $500–მილიონიანი მწვანე ბონდების განთავსებით $140 მილიონს დაზოგავს

საქართველოს რკინიგზა $500–მილიონიანი მწვანე ბონდების განთავსებით $140 მილიონს დაზოგავს
access_time2021-06-18 15:18:53
საქართველოს რკინიგზამ ლონდონის საფონდო ბირჟაზე პარტნიორი საინვესტიციო ბანკების დახმარებით, 500 მილიონი დოლარის ნომინალური ღირებულების  მწვანე ობლიგაციები წარმატებით განათავსა. ამის შესახებ ინფორმაციას საქართველოს რკინიგზა ავრცელებს. კომპნიის ცნობით, საპროცენტო განაკვეთი 7 წლის ვადით 4%-ით განისაზღვრა.  „ახალი ობლიგაციებით...

Forbes: Google-ის თანადამფუძნებლის ყოფილი მეუღლე მილიარდერი გახდა

Forbes: Google-ის თანადამფუძნებლის ყოფილი მეუღლე მილიარდერი გახდა
access_time2021-06-18 20:00:07
Google-ის თანადამფუძნებლის სერგეი ბრინის მეუღლე ანა ვოიჟიტოვსკი მილიარდერი გახდა მას შემდეგ, რაც მისი კომპანია 23andMe, რომლის პროფილიცაა გენეტიკური ტესტირება, ბირჟაზე გავიდა.   ამ დროისთვის ის უკვე იყო მულტიმილიონერი - 2020 წელს მან ამერიკის ყველაზე მდიდარ self-made ქალ-მეწარმეებს შორის 49–ე ადგილი დაიკავა - ამ კატეგორიაში შედიან ქალები, რომლებიც თავისით და არა მეუღლეებთან გაშორებით ან მემკვიდრეობის მიღებით გამდიდრდნენ.   23andMe ბირჟაზე...


მსგავსი სიახლეები

up