ახალი აკრძალვები, რომელსაც ეროვნული ბანკის შესახებ კანონი ითვალისწინებს

ახალი აკრძალვები, რომელსაც ეროვნული ბანკის შესახებ კანონი ითვალისწინებს

access_time2017-10-05 19:32:16

"ეროვნული ბანკის შესახებ" ორგანულ კანონში შესატანი ცვლილებები პარლამენტის იურიდიულ საკითხთა კომიტეტმა განიხილა. როგორც მთავრობის საპარლამენტო მდივანმა შალვა თადუმაძემ განაცხადა, გასულ კვირას დარგობრივი ეკონომიკისა და ეკონომიკურ საკითხთა კომიტეტზე დეპუტატების მიერ გამოთქმული შენიშვნების ძირითადი ნაწილი გათვალისწინებულია.


მისი ინფორმაციით, კანონპროექტში აღარ იქნება ჩანაწერი, რომელიც სებ-ის საბჭოს წევრებისთვის ხელშეუხებლობის გარანტიებს ითვალისწინებს. გარდა ამისა, სავალუტო ჯიხურებისთვის მოსაკრებელი არ გაიზრდება.

"რაც შეეხება "საბანკო ჯგუფის“ ცნებას, რომელიც აღნიშნულ კანონპროექტში შემოდის, ძირითადი პრინციპი არის ის, რომ თუ აქამდე ეროვნული ბანკი ახორციელებდა კერძო ბანკებზე ზედამხედველობას, ეს ახლა საბანკო ჯგუფზეც გავრცელდება. საბანკო ჯგუფში იგულისხმება ყველა ის ფინანსური ინსტიტუტი, რომელიც რაიმე სახით ასოცირდება ბანკის დამფუძნებელთან, ან ბანკთან. შესაბამისად, ეროვნული ბანკი ყველა ამ იურიდიულ პირზე განახორციელებს ზედამხედველობას და იყო მოთხოვნა, რომ აღნიშნულ ჯგუფში ცალსახად დაგვეფიქსირებინა, რომ ყოფილიყო საინვესტიციო ფონდები. აღნიშნულ შენიშვნას ჩვენ არ ვითვალისწინებთ. დანარჩენი შენიშვნები გათვალისწინებულია", - განაცხადა თადუმაძემ.

კომიტეტის სხდომის დასრულების შემდეგ ჟურნალისტებისთვის განმარტება ეროვნული ბანკის ვიცე-პრეზიდენტმა მურთაზ კიკორიამ გააკეთა.


"საინვესტიციო ფონდებზე ზედამხედველობა ვრცელდება იმ ნაწილში, რაც გულისხმობს ინფორმაციის მიღება-დამუშავებას. თუმცა წინა კომიტეტზე საუბარი იყო ამ ჯგუფების მიერ სხვა, არასაფინანსო სფეროში ინვესტირების აკრძალვაზე, რომელზეც გავაკეთეთ განმარტება, რომ ეს არ არის ამ კანონის და ამ ეტაპის ამოცანა და ალბათ, სხვა დროს, სხვა ფორმატშია განსახილველი", - განაცხადა კიკორიამ და დასძინა, რომ „ეროვნული ბანკის შესახებ“ კანონში შესატანი ცვლილებები ფინანსური სექტორის განვითარებისა და უსაფრთხოების საკითხებს მოიცავს.

აღნიშნული კანონპროექტის განხილვა საფინანსო-საბიუჯეტო კომიტეტშიც იგეგმება.

 

bm.ge



საზმაუს შენობას აუქციონზე მესამედ 23 მლნ ლარის ფასდაკლებით გაიტანენ

საზმაუს შენობას აუქციონზე მესამედ 23 მლნ ლარის ფასდაკლებით გაიტანენ
access_time2020-08-03 15:15:25
საქართველოს საზოგადოებრივი მაუწყებლის ძველი შენობის გასაყიდად გამოცხადებული ელექტრონული აუქციონი კვლავ ვერ შედგა. ის 16 ივლისს დაიწყო და 31 ივლისს უშედეგოდ დასრულდა. ქონების საწყისი ფასი 110 343 600 ლარი იყო. შენობის გასაყიდად ახალი აუქციონი დღეს, 3 აგვისტოს გამოცხადდა. მაუწყებლის ფინანსების და ადმინისტრაციის ბლოკის დირექტორმა ნოდარ ჭიჭინაძემ აღნიშნა, რომ ქონების ფასი 10%-ით შეამცირეს ისევე, როგორც ეს პირველი აუქციონის დასრულების შემდეგ...

„ჩიკორი“ ხეხილის ბაღების გაშენებას გეგმავს

„ჩიკორი“ ხეხილის ბაღების გაშენებას გეგმავს
access_time2020-08-03 16:30:23
კომპანია „ქარელის ხილი“, რომელიც ბაზარზე „ჩიკორის“ ბრენდით არის წარმოდგენილი, სამომავლოდ საკუთარი ბაღების გაშენებას გეგმავს, - განუცხადა „ბიზნესპარტნიორს“ კომპანიის დირექტორმა ანანო ბეჟანიშვილმა. მისი ინფორმაციით, ამ დროისთვის კომპანია ხილს ადგილობრივი ფერმერებისგან იბარებს, პროდუქციის 10% კი საკუთარი ბაღებიდან მიღებული მოსავალია. „ჩვენს საკუთრებაში არსებული ბაღებიდან მაქსიმალურ მოსავალს ვერ ვიღებთ, რადგან ხეხილი ჯერ პატარაა. რამდენიმე წელიწადში მათი მსხმოიარობა...

რე|ბანკი 1 წლის აღსანიშნავად განვადებაზე უპრეცედენტო აქციას აანონსებს

რე|ბანკი 1 წლის აღსანიშნავად განვადებაზე უპრეცედენტო აქციას აანონსებს
access_time2020-08-03 10:15:13
რე|ბანკი აგვისტოში 1 წლის ხდება. ბანკმა გასულ წელს მომხმარებლებს სრულიად ინოვაციური საბანკო პროდუქტი შესთავაზა – ტოპ|ქარდი, განვადების შოპინგ ბარათი. ეს რეალურად ეფექტური 0%-იანი განვადების ბარათია, თუკი მყიდველი რე|ბანკის პარტნიორების დაწესებულ ვადებს დაიცავს. ტოპ|ქარდის განვადებით სარგებლობა მხოლოდ რე|ბანკის პარტნიორ ობიექტებში არ არის შესაძლებელი. მომხმარებელს ასევე შეუძლია, 45 დღემდე უპროცენტო გადავადებით, ეფექტური 0%-დან, ივაჭროს ყველგან, მათ შორის, ადგილობრივ და...

საქართველოში უმუშევრობის დონე კორონავირუსის პანდემიის გამო 12%-ით გაიზარდა

საქართველოში უმუშევრობის დონე კორონავირუსის პანდემიის გამო 12%-ით გაიზარდა
access_time2020-08-03 17:40:10
თვითდასაქმებულებზე კომპენსაციის სახით ჯამურად 48 048 300 ლარი, ხოლო დასაქმებულებზე 68 771 800 ლარია გაცემული. ციფრებით ადასტურებს, რომ პანდემიამ, უმუშევრობის დონე 12%-ით გაზარდა. სპეციალისტები ,,რეზონანსთან“ აღნიშნავენ, რომ ეს არ არის სრული სურათი და რეალურად უფრო მძიმე ვითარებაა ქვეყანაში. დასაქმების ხელშეწყობის სახელმწიფო სააგენტოს ინფორმაციით, 31 ივლისის მდგომარეობით, ჯანდაცვის სამინისტროს სარეგისტრაციო პორტალის მეშვეობით სულ დარეგისტრირდა კომპენსაციის მიმღები...

Lufthansa-მ საქართველოს მიმართულებით რეგულარული ფრენები განაახლა

Lufthansa-მ საქართველოს მიმართულებით რეგულარული ფრენები განაახლა
access_time2020-08-03 13:15:58
3 აგვისტოს, გერმანულმა ავიაკომპანია Lufthansa-მ საქართველოს მიმართულებით რეგულარული ფრენები განაახლა. ამის შესახებ ინფორმაციას, თბილისისა და ბათუმის აეროპორტების მართველი კომპანია TAV Georgia ავრცელებს. მიუნხენიდან თბილისში 188 მგზავრი ჩამოფრინდა, ხოლო თბილისიდან მიუნხენის მიმართულებით 156 მგზავრი გაფრინდა.  აღსანიშნავია, რომ...


მსგავსი სიახლეები

up