ახალგაზრდობის სააგენტო

ახალგაზრდობის სააგენტო "ფლანგვის დეტექტორს" პასუხობს

access_time2020-10-15 11:24:31

როგორ მუშაობს მამუკა ბახტაძის დაფუძნებული „ახალგაზრდობის სააგენტო“, რომელიც სამ წელიწადში 14 მილიონი ლარით დაფინანსდა - ამ სათაურით რამდენიმე დღის წინ „კომერსანტმა“ გაავრცელა სტატია „ფლანგვის დეტექტორის“ ანალიზზე დაყრდნობით.


მონიტორინგის შედეგად  „ფლანგვის დეტქტორში“ გაარკვიეს, რომ “ახალგაზრდობის სააგენტოს” დაფინანსება და დასაქმებულთა რიცხვი წლიდან წლამდე მცირდება, თუმცა უმნიშვნელოდ მაინც იზრდება სახელფასო ბიუჯეტი.


მაშინ, როდესაც პარლამენტის წინ 3-თვიანი უწყვეტი ახალგაზრდული პროტესტი მიმდინარეობდა, 2019 წლის 26 აგვისტოს, მაშინდელმა პრემიერმინისტრმა, მამუკა ბახტაძემ, სსიპ “ახალგაზრდობის სააგენტო” თავიდან დააფუძნა და პროტესტს ალტერნატიული ახალგაზრდული მოძრაობით უპასუხა. არასამთავრობო ორგანიზაცია „ფლანგვის დეტქტორი“ დაინტერესდა, როგორ და რაზე იხარჯება საბიუჯეტო სახსრები.


ახალგაზრდობის სააგენტო „ფლანგვის დეტექტორს“ პასუხობს:

 

ახალგაზრდობის სააგენტო სულ ერთი წლისაა და 2019 წლის 26 აგვისტოს შეიქმნა, მანამდე არსებული 3 უწყების გაერთიანებით. სააგენტო არის ახალგაზრდული პოლიტიკის შემქნელი ორგანიზაცია (POLICY MAKER) და არა ინდივიდუალური პროექტების განმახორცელებელი უწყება. სწორედ იმისთვის, რომ ახალგაზრდული სფეროს გაჯანსაღება და განვითარება პრიორიტეტი გამხდარიყო, სააგენტო პირდაპირ პრემიერ მინისტრს დაექვემდებარა.  ძალიან მნიშვნელოვანია, რომ სააგენტოს ლეგიტიმაციის აყვანა სამთავრობო დონეზე ასევე პირდაპირ პასუხობს საქართველოს ევროკავშირთან ასოცირების ხელშეკრულების ფარგლებში (DCFTA) აღებულ ვალდებულებებს. ევროპის საბჭოს მინისტრთა კომიტეტის სხდომაზე (2019 წლის იანვარი), საქართველოს, როგორც ქვეყნის ერთ–ერთ პრიორიტეტად სწორედ ახალაგზრდობა განისაზღვრა.


ახალგაზრდობის სააგენტოს ხედვა ეფუძნება 2 საერთაშორისოდ აღიარებულ ფაქტორს:

•             ახალგაზრდობა ნებისმიერი სახელმწიფოს ადამიანური კაპიტალის მთავარი განახლებადი რესურსია


•             ახალგაზრდული ასაკი ადამიანის განვითარების ის მნიშვნელოვანი პერიოდია, რომლის დროსაც ხდება პიროვნების ჩამოყალიბება და მისი საზოგადოებაში ინტეგრირება.


სწორედ ამ ფაქტორების გათვალისწინებით, ევროკავშირის ქვეყნებში არსებობს ახალგაზრდობაზე პასუხისმგებელი სამთავრობო უწყებები, რომელთა პრაქტიკას იზიარებს სააგენტო. ამდენად ის მოსაზრება, რომ ეს უწყება ძველი დროის გადმონაშთია, დაუსაბუთებელია. მსგავსი მოდელი ევროპის წამყვან ქვეყნებში უკვე არაერთი ათწლეულია არსებობს. 


სააგენტო საქართველოში აყალიბებს ახალგაზრდული სფეროს ეკოსისტემას, მათ შორის ევროსაბჭოსა და ევროკავშირის მხარდაჭერით, რაც გულისხმობს ახალგაზრდებისთვის ისეთი გარემოს შექმნას, სადაც ისინი შეძლებენ არაფორმალური განათლებით განივითარონ საკვანძო კომპეტენციები და შეძლონ კონკურენციის გაწევა შრომით ბაზარზე, ასევე აქტიურად იყონ ჩართული ქვეყნის ეკონომიკურ და სოციალურ ცხოვრებაში. ამისთვის სააეგენტოს შემუშავებული აქვს სამწლიანი, 10 სარეფორმო მიმართულების მქონე სამოქმედო გეგმა. ევროკავშირის DG NEAR-მა საქართველოს ახალგაზრდობის სააგენტოს ეკოსისტემის და სამწლიანი რეფორმის მოდელი აღიარა როგორც სამაგალითო და გამოითქვა სურვილი აღმოსავლეთ ევროპაში მისი გათვალისწინების.


სააგენტოს საქმინობა ღია და გამჭვირვალეა და ყველა განხორციელებული პროექტი რეფორმის კონკრეტულ მიმართულებას ემსახურება:

•             სააგენტოს სამწლიანი რეფორმა: https://www.facebook.com/109624013843429/videos/2276842342611128

•             რეგიონული ახალგაზრდული ორგანიზაციების გაძლიერება – სააგენტოს მილიონიანი ფონდი  https://www.facebook.com/109624013843429/videos/1453621624810424

•             ახალგაზრდების მონაწილეობრივი პოლიტიკა და მათი გადაწყვეტილებების მიღების პროცესში ჩართვა– ახალგაზრდული მრჩეველთა საბჭო  https://www.facebook.com/YouthAgencyGeorgia/photos/a.110931043712726/197073045098525/

•             მუნიციპლაიტეტების დონეზე ახლააგზრდული სფეროს ეკოსისტემის შექმნა: მუნიციპალური ახალგაზრდული საქმიანობა  https://www.facebook.com/109624013843429/videos/578833299460856

https://www.facebook.com/tvshowhashtag/videos/995562940863317/

•             ახალგაზრდული საქმიანობა – ახალგაზრდული მუშაკის ინსტიტუციონალიზაცია

https://www.facebook.com/109624013843429/videos/2804998963109630

https://www.facebook.com/watch/?v=1298458803837112

https://www.facebook.com/109624013843429/videos/2520027894903117

 

facebook-ის გვერდზე მუდმივად ვაქვეყნებთ ჩვენი პროექტების შესახებ ინფორმაციას და ყოველთვის მოხარული ვართ ვუპასუხოთ ნებისმიერ კითხვას.






დღის TOP 10 საინტერესო ამბავი

დღის TOP 10 საინტერესო ამბავი
access_time2021-01-22 21:00:57
დღის TOP 10 საინტერესო ამბავი: 1.თბილისში მუნიციპალური ტრანსპორტის აღდგენა მარტიდან იგეგმება უწყებათაშორისი საკოორდინაციო საბჭოს გადაწყვეტილებით, ბათუმში, ზუგდიდში, გორში, ფოთსა და თელავში...

“დღეს ფაქტობრივად შიმშილისთვის გაგვწირეს“ - მთის კურორტების სასტუმროები მთავრობის გადაწყვეტილებას აპროტესტებენ

“დღეს ფაქტობრივად  შიმშილისთვის გაგვწირეს“ - მთის კურორტების სასტუმროები მთავრობის გადაწყვეტილებას აპროტესტებენ
access_time2021-01-22 16:00:04
„ისეთი შთაბეჭდილება მრჩება, რომ  თითქოს როგორც ინდიელები ჰყავდათ რეზერვაციაში, ასე ვართ  მოქცეული, ოღონდ  იქ  ყველანაირად სოციალურად უზრუნველყოფილები იყვნენ. დღეს  ფაქტობრივად  გაგვწირეს  შიმშილისთვის,...

„ახლა ხომ შეიძლებოდა, დაეკეტათ მოლები და გაეხსნათ ბაზრობები“ - ლილო მოლი

„ახლა ხომ შეიძლებოდა, დაეკეტათ მოლები და გაეხსნათ ბაზრობები“ - ლილო მოლი
access_time2021-01-22 17:00:04
„ლილო მოლის“ პრეზიდენტი ლევან გაგუა „ბიზნესპარტნიორთან“ შეზღუდვების მოხსნასთან დაკავშირებით მთავრობის გადაწყვეტილებას ეხმაურება და აცხადებს, რომ მათთვის 15 თებერვლამდე გახსნის გადავადება მოულოდნელი იყო. როგორც გაგუა განმარტავს, სავაჭრო სივრცეში, რითეილში ეს მდგომარეობა 2 თვეზე მეტია გრძელდება, საუბარია, ბაზრობების არათანაბარ პირობებში ჩაყენებაზე. „მძიმე ვითარებაა. რითეილის სფეროში გარკვეულ კატეგორიას ეძლევა უკვე მეორედ გახნის, არსებობის საშუალება,...

საავტომობილო ბენზინისა და დიზელის საწვავის მოქმედ ხარისხობრივ ნორმებში საკონტროლო კომპონენტების დამატება მნიშვნელოვანი ნაბიჯია ეკოლოგიური ვითარების გასაუმჯობესებლად - შავლეგ მიშველაძე

საავტომობილო ბენზინისა და დიზელის საწვავის მოქმედ ხარისხობრივ ნორმებში საკონტროლო კომპონენტების დამატება მნიშვნელოვანი ნაბიჯია ეკოლოგიური ვითარების გასაუმჯობესებლად - შავლეგ მიშველაძე
access_time2021-01-22 13:20:14
საქართველოს ბიზნეს ასოციაციის ნავთობის, ნავთობპროდუქტებისა და გაზის კომიტეტი, საავტომობილო ბენზინისა და დიზელის საწვავის მოქმედ ხარისხობრივ ნორმებში საკონტროლო კომპონენტების დამატების თაობაზე მიღებულ გადაწყვეტილებას ეხმიანება.„ეს არის კიდევ ერთი წინგადადგმული, გონივრული და მნიშვნელოვანი ნაბიჯი სახელმწიფოს მხრიდან. უკანასკნელ პერიოდში, ხელისუფლების მიერ ნავთობპროდუქტების სექტორში ინიცირებული და განხორციელებული პოზიტიური ცვლილებები უდაოდ არის...

ეს საკოორდინაციო კი არა, მავნებლების საბჭოა, რომელიც ადგენს მარცხნივ უფრო უკეთ გადაიჩეხება ეს ქვეყანა, თუ მარჯვნივ - რესტორატორთა ასოციაცია

ეს საკოორდინაციო კი არა, მავნებლების საბჭოა, რომელიც ადგენს მარცხნივ უფრო უკეთ გადაიჩეხება ეს ქვეყანა, თუ მარჯვნივ - რესტორატორთა ასოციაცია
access_time2021-01-22 15:10:00
1-ლი მარტიდან გახსნას აზრი აღარ ექნება, რადგან ბიზნესი ამ დროს უკვე აღარ იარსებებს - ამის შესახებ რესტორატორთა ასოციაციის დამფუძნებელმა კოტე გაბრიჩიძემ ,,ბიზნესპრესნიუსთან“ განაცხადა. მისი თქმით, საკოორდინაციო საბჭოს მოქმედებები აბსოლუტურად ალოგიკურია. ,,ეს საკოორდინაციო კი არა, მავნებლების საბჭოა, რომელიც ადგენს მარცხნივ უფრო უკეთ გადაიჩეხება ეს ქვეყანა, თუ მარჯვნივ. დღეს გაირკვა, რომ ამაზე მსჯელობენ და დღეიდან ეს ჩემთვის მავნებლების საბჭოა და მხოლოდ ასე...


მსგავსი სიახლეები

up