ახალგაზრდა მეწარმეები ღვინის ქართული ბაზრის სტერეოტიპების დანგრევას გეგმავენ

ახალგაზრდა მეწარმეები ღვინის ქართული ბაზრის სტერეოტიპების დანგრევას გეგმავენ

access_time2016-03-02 19:30:26

ბაზარზე გამოჩნდა ღვინის ახალი ბრენდი ,,იკანო”, რომელიც რამდენიმე თვეა, რაც ბოთლებში ჩამოისხა. გთავაზობთ ინტერვიუს კომპანია ,,იკანოს” წარმომადგენელ მათე აბესაძესთან.


- როდის შეიქმნა კომპანია?


- პირველად ღვინის ბაზარზე ,,იკანო” 2015 წელს გამოჩნდა. წლის ბოლოს კი დაიწყო დისტრიბუცია სუპერმარკეტებსა და ჰორეკაში. კომპანიის მენეჯმენტი დაკომპლექტებულია ახალგაზრდა კადრებით, რომლებიც ინოვაციურად უდგებიან ბიზნესის მართვას და ცდილობენ ღვინის ბაზრის განვითარებას.


საქართველოს ღვინის დიდი ისტორია აქვს, თუმცა გარემო ცვალებადია და მოითხოვს სიახლეებს, სწორედ ეს სიახლეა ,,იკანო”.


- რა არის კომპანიის მიზანი, რა სეგმენტზეა ,,იკანოს” ღვინო გათვლილი?


- როდესაც ბრენდი იქმნებოდა კვლევა ჩავატარეთ აღმოჩნდა, რომ საქართველოში წელიწადში 66 მლ. ლიტრ ღვინოს მოიხმარდნენ. აქედან, მხოლოდ 2 მლ. ლიტრ ბოთლის ღვინოს. გავარკვიეთ ისიც, რომ 18-დან 40 წლამდე ადამიანთა კატეგორია, რომლებიც ყველაზე მეტ ალკოჰოლს მოიხმარს, თითქმის არ სვამს ღვინოს.


ჩატარებული კვლევის მიხედვით მივხვდით, რომ კონკურენტულ ბაზარზე სრულიად განსხვავებული პროდუქტი უნდა შეგვექმნა, რომელიც 18-დან 40 წლამდე ადამიანთა კატეგორიას დააახლოვებდა ღვინოსთან.



ახალგაზრდების მთავარი პრობლემა იყო ის, რომ ღვინოს ბევრი სტერეოტიპი ჰქონდა. ჩვენ გადავწყვიტეთ ,,იკანოს” ღვინოს მოეშორებინა ყველა ის სტერეოტიპი, რომელიც ქართული ღვინის ბაზარზე არსებობს, ამიტომ გადავწყვიტეთ მაქსიმალურად გაგვემარტივებინა ურთიერთობა ღვინოსა და მომხმარებელს შორის.


 ~იკანოს” სიმარტივე იმაში მდგომარეობს, რომ ბოთლს საცობის მაგივრად ხრახნილიანი გასახსნელი აქვს, ასევე არის მხოლოდ ოთხი სახეობა, სახელად კი ყურძნის ჯიშების ნაცვლად ფერები ჰქვია _ წითელი, ლურჯი, ყვითელი და მწვანე ,,იკანო”.


- გაქვთ თუ არა ღვინო ექსპორტზე, ყურძენს ყიდულობთ თუ იმპორტს აწარმოებთ?


- ჯერ-ჯერობით ,,იკანოს” ექსპორტზე არ გასულა, მხოლოდ საქართველოში იყიდება. ყურძენი კი ადგილობრივია. გვაქვს საკუთარი ვენახები, ასევე ადგილობრივი ფერმერებისგანაც ვყიდულობთ.


- რა ჯიშის ყურძნისგან ამზადებთ ღვინოს?


- მარკეტინგულ კომუნიკაციაში ,,იკანო” ღვინის ტექნოლოგიაზე აქცენტს არ აკეთებს, ყურძნის ჯიშებზე და ა.შ. იმ დეტალებზე, რაც ხშირად აბნევს მომხმარებელს. დავუშვებთ გამონაკლისს და გეტყვით, რომ ოთხივე ,,იკანო” არის ქართული და ევროპული ჯიშების კუპაჟი და ევროპულადაა დაყენებული.



 წითელი ,,იკანო” საფერავი-კაბერნე, ლურჯი ,,იკანო” საფერავი-მერლო, ყვითელი, `იკანო” რქაწითელი-შარდონე, მწვანე ,,იკანო” ცოლიკოური-სოვინონ ბლანი. ,,იკანოს” ღვინო როგორც ქართული, ასევე უცხოური ყურძნის ჯიშებით იწარმოება.


- როგორ ფიქრობთ გაუწევს ,,იკანოს” ღვინო სხვა ღვინის კომპანიებს კონკურენციას?


- ,,იკანომ” მოახერხა და უკვე შექმნა ახალი კატეგორია ღვინის ბაზარზე. ჯერ-ჯერობით კონკურენტები არ გვყავს, თუმცა, ეჭვი გვაქვს მალე შემოვლენ კონკურენტი კომპანიებიც.


"იკანო" ძალიან ჰგავს თავის მომხმარებელს, მასთან ურთიერთობა მარტივია, ამიტომ მალე შეგვიყვარეს. ჩვენ ყველაფერს გავაკეთებთ იმისთვის, რომ ეს ურთიერთობა გრძელვადიანი და მტკიცე იყოს.


გაზეთი "ბანკები და ფინანსები"




პროკრედიტ ბანკმა საკუთარი მზის ელექტროსადგური წარადგინა

პროკრედიტ ბანკმა  საკუთარი მზის ელექტროსადგური წარადგინა
access_time2020-07-02 10:40:14
პროკრედიტ ბანკმა მორიგი ინოვაციური მწვანე პროექტი დანერგა. თბილისის ცენტრში, ალექსანდრე ყაზბეგის #21, ბანკის სათაო ოფისის სახურავზე 500 კვ.მ ტერიტორიაზე განთავსებულმა მზის პანელებმა ელექტროენერგიის გამომუშავება უკვე დაიწყო.  განხორციელებული მწვანე ინვესტიციის შედეგად, დაგეგმილია წლიურად 130,000კვტ.სთ. სუფთა ენერგიის გამომუშავება, რითაც ბანკი მოხმარებული სრული ენერგიის 12%-ის ალერნატიულით  ჩანაცვლებას მოახდენს.   პროექტის ფარგლებში,...

წილების გარშემო 12 წლიანი დავა ჩემი ოჯახის გამარჯვებით დასრულდა - მაკა ასათიანი

წილების გარშემო 12 წლიანი დავა ჩემი ოჯახის გამარჯვებით დასრულდა - მაკა ასათიანი
access_time2020-07-02 10:25:38
„საქართველოში მერსედეს ბენცის წარმომადგენლობის“ წილების გარშემო მიმდინარე 12 წლიანი პროცესი უზენაეს სასამართლოში მაკა ასათიანის და მისი ოჯახის გამარჯვებით დასრულდა. ამასთან დაკავშირებით, მაკა ასათიანი განცხადებას ავრცელებს, რომელსაც „კომერსანტი“ უცვლელად გთავაზობთ: „საქართველოში მერსედეს ბენცის წარმომადგენლობის“ წილების გარშემო მიმდინარე 12 წლიანი პროცესი უზენაეს სასამართლოში ჩემი და ჩემი ოჯახის გამარჯვებით დასრულდა. ვფიქრობ, ეს მრავალწლიანი დავა...

Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს

Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს
access_time2020-07-01 16:45:56
უნგრული დაბალბიუჯეტური კომპანია Wizzair-ი ქუთაისის ბაზის მუშაობას დროებით აჩერებს - ამის შესახებ ინფორმაცია ცოტა ხნის წინ პრესკონფერენციაზე Wizz Air-ის კომუნიკაციების ხელმღვანელმა ანდრაშ რადომ დაადასტურა. მანვე აღნიშნა, რომ ბაზის აღდგენის თარიღი ჯერჯერობით უცნობია. „ჩვენ დროებით შევწყვიტეთ ქუთაისის ბაზის ფუნქციონირება, ჩვენ არ ვაუქმებთ ქუთაისის ბაზას. ამ დროისთვის სამომავლო გეგმების დაკონკრეტება რთული იქნება.  შევხედავთ გლობალურ სიტუაციას და ამის მერე მივიღებთ...

„თუ საპარტნიორო ფონდიდან გამოირიცხება რკინიგზის და ელექტროსისტემის ზარალი,ფონდის საქმიანობა მომგებიანია“ - ირაკლი იაშვილი

„თუ საპარტნიორო ფონდიდან გამოირიცხება რკინიგზის და ელექტროსისტემის ზარალი,ფონდის საქმიანობა მომგებიანია“ - ირაკლი იაშვილი
access_time2020-07-02 10:00:33
„საპარტნიორო ფონდთან დაკავშირებით საკითხი დგას ისე, რომ წამგებიანია და ბიუჯეტმა უნდა დააფინანსოს, რაც ასე არ არის, ბიუჯეტი არაფერს არ აძლევს, უნდა მოხდეს რეორგანიზება და სამართლებრივად სწორი ფორმა მიიღოს. დღეს არის არამოქნილი, რადგან სამეთვალყურეო საბჭოში მინისტრები არიან და გადაწყვეტილებებს ვერ იღებენ, ამიტომ გაუგებარი სიტუაციაა. ეს თუ არ გამოჯანსაღდა, ფონდი ვერც პროექტებს ვერ გააჯანსაღებს. ასე ხელაღებით იმის თქმა, როგორც სჩვევიათ ხოლმე, რომ უნდა გავაუქმოთ და არ არის საჭირო ორგანიზაცია,...

კომპანია „სოკარ ჯორჯია პეტროლეუმი“ დიზელის ფასის ცვლილებასთან დაკავშირებით განცხადებას ავრცელებს

კომპანია „სოკარ ჯორჯია პეტროლეუმი“ დიზელის ფასის ცვლილებასთან დაკავშირებით განცხადებას ავრცელებს
access_time2020-07-01 15:10:06
2020 წლის 1 ივლისიდან, კომპანიის „სოკარ ჯორჯია პეტროლეუმი“ ავტოგასამართი სადგურების ქსელში აგროდიზელის ფასმა 1,36 ლარი შეადგინა. აღნიშნული ფასი ქსელში, სავარაუდოდ, 10 ივლისამდე შენარჩუნდება. „სოკარ ჯორჯია პეტროლეუმი“ განმარტავს, რომ აგროდიზელის ფასის 20 თეთრით გაძვირების მიზეზი საერთაშორისო ბაზარზე ფასების მკვეთრი ზრდაა. კერძოდ, 2020 წლის ივნისის საშუალო საერთაშორისო ფასი ბაზარზე (პლაცი) არის 77%-ით მეტი 2020 წლის აპრილის საშუალო ფასთან შედარებით და 40% მეტი, ვიდრე 2020 წლის...


მსგავსი სიახლეები

up