ავტომობილების ექსპორტი 30–40–ჯერ შემცირდა – დილერების თქმით, რეექსპორტს დახმარება სახელმწიფო დონეზე სჭირდება

ავტომობილების ექსპორტი 30–40–ჯერ შემცირდა – დილერების თქმით, რეექსპორტს დახმარება სახელმწიფო დონეზე სჭირდება

access_time2016-11-03 12:30:16

 

ავტობიზნესი ისევ კრიზისშია. დილერების თქმით, აზერბაიჯანის მიერ „ევრო-4"-ის სტანდარტის დაწესების, ყაზახეთისა და სომხეთის ევრაზიულ კავშირში გაწევრიანების შემდგომ ავტომობილების ექსპორტის მაჩვენებელი მნიშვნელოვნად შემცირდა. შემდგომ საუბარი იყო ბაზრის დივერსიფიცირებაზე, კერძოდ, ავტომანქანების პაკისტანსა და ირანში გაყვანაზე, თუმცა ეს პროცესიც დროში გაიწელა. შედეგად, ავტომანქანების რეექსპორტი დღემდე მცირდება. 

 

 

სტატისტიკის ეროვნული სამსახურის მონაცემებით, 2015 წელს მსუბუქი ავტომობილების ექსპორტი 179,646.1 ათასი დოლარი იყო, ხოლო 2014 წელს 517,786.8 ათასი დოლარი, შედეგად 2015 წელს წინა წელთან შედარებით, ავტომობილების ექსპორტი 65,3%-ით შემცირდა. რაც შეეხება წლევანდენ წელს, საქსტატის ცნობით, იანვარ–სექტემბერში ავტომობილების ექსპორტმა 120,948.2 ათასი დოლარი შეადგინა. ამ მაჩვენებლების მიხედვით, თუ მომდევნო სამ თვეში რეექსპორტის ზრდის ტემპმა არ მოიმატა, წლის ბოლოს მისი საერთო რაოდენობა კიდევ უფრო შემცირდება.

 

 

რეექსპორტთან დაკავშირებულ პრობლემაზე საუბრობენ ავტოდილერები. კომპანია "რობანი მოტორსის" თანადამფუძნებელი, საავტომობილო სფეროს სპეციალისტი ელგუჯა ჯამაგიძე ფიქრობს, რომ პაკისტანისა და ირანის შემთხვევაში რეექსპორტი კონტაქტების დამყარების თვალსაზრისით რთული საკითხია. ჯამაგიძის თქმით, რეექსპორტს სახელმწიფო დონეზე სჭირდება დახმარება.

 

 


"ამჯერად რეექსპორტთან დაკავშირებით ფაქტობრივად, იგივე სიტიუაციაა, რაც რამდენიმე თვის ან ერთი წლის წინ იყო. რაც შეეხება პაკისტანსა და ირანში ავტომანქანების რეექსპორტს, გეტყვით, რომ ირანში მოთხოვნა ახალ მანქანებზეა. პაკისტანისა და ირანის შემთხვევაში რეექსპორტი კონტაქტების დამყარების თვალსაზრისით რთული საკითხია. შესაძლოა, ირანის ბაზარზე ნელ-ნელა გავიდეთ, თუმცა იგი ამჟამად ამინდს ვერ ქმნის. სხვა ბაზრებზე გასვლას რაც შეეხება, ამ ეტაპზე შეზღუდულები ვართ. რეექსპორტს სახელმწიფო დონეზე სჭირდება დახმარება. ჩვენ ადგილი არ უნდა დავკარგოთ და თავი სადმე უნდა დავიმკვიდროთ." - აღნიშნა ელგუჯა ჯამაგიძემ.

 

 

კავკასიის ბიზნეს ჯგუფის გენერალური დირექტორი გიორგი სურგულაძე "კომერსანტთან" საუბრისას აცხადებს, რომ რეექსპორტის თვალსაზრისით ქვეყანაში ამ ეტაპზე არაფერი შეცვლილა და დაახლოებით, 30-40-ჯერ არის რეექსპორტი შემცირებული.

 

 

„რეექსპორტთან დაკავშირებით ამჟამად არასახარბიელო მდგომარეობაა. საქართველომ რეექსპორტის ფუნქცია დაკარგა, რადგან აზერბაიჯანმა კანონმდებლობა შეცვალა, რასაც საქართველო ვეღარ მოერგო. თუ მეზობელი ქვეყანა, რომელზეც რეექსპორტის თვალსაზრისით ჩვენ მიბმულები ვართ კანონმდებლობას ცვლის და „ევრო 4" სტანდარტი შემოაქვს, მაშინ საქართველომაც აუცილებლად უნდა განახორციელოს ეს. სხვა ბაზრების მოძიება არ მომხდარა და ამ კუთხით არანაირი ცვლილება არაა. ახალი ბაზრების მოძიებას ჯობია ის ბაზრები დავიბრუნოთ, რომლებიც ჩვენზე იყვნენ მობმულები," - განუმარტა „კომერსანტს" სურგულაძემ.

 

 

საქართველოს ტრანსპორტისა და გზების ასოციაციის პრეზიდენტი, ავტო ექსპერტი დავით მესხიშვილი აღნიშნავს, რომ ავტომობილებზე მოთხოვნა არა მხოლოდ რეექსპორტის თვალსაზრისით, არამედ შიდა ბაზარზეც დაიკლებს. მესხიშვილის თქმით, მარჯვენასაჭიანი ავტომობილების რეგისტრაციის აკრძალვით ავტომობილების ფასის 20-25%-ით გაიზრდება.

 

„სამწუხაროდ, სხვა ბაზრების მოძიება არ მომხდარა. ჩვენ რეგიონში რეექსპორტის თვალსაზრისით ლირედერები ვიყავით, მაგრამ ამჟამად ლიდერობა ხმამაღალი ნათქვამია. ვფიქრობ, რომ მომავალში ავტომობილებზე მოთხოვნა არა მხოლოდ რეექსპორტის თვალსაზრისით, არამედ შიდა ბაზარზეც დაიკლებს. ხოლო ეს ყველაფერი მოხდება იმიტომ, რომ იაფი მარჯვენასაჭიანი ავტომობილების რეგისტრაციის აკრძალვა იგეგმება. აქედან გამომდინარე ზოგადად ავტომობილების ფასი გაიზრდება და ჩემი აზრით, დაახლოებით 20-25% იქნება. უახლოეს მომავალში ჩვენთან „ევრო 4" -ი სტანდარტის დაწესება გარდაუვალია. 2018 წლის პირველი იანვრიდან ტექდათვალიერებას გარკვეული სტანდარტის დაწესებაც უნდა მოჰყვეს", - განაცხადა დავით მესხიშვილმა.

 

 

ავტორი: ლიკა გურაბანიძე



„დაუყოვნებლივ უნდა გადავადდეს ჯანდაცვის მინისტრის მიერ 520-ე დადგენილების ამოქმედება“

„დაუყოვნებლივ უნდა გადავადდეს ჯანდაცვის მინისტრის მიერ 520-ე დადგენილების ამოქმედება“
access_time2019-11-19 14:34:03
პარლამენტის დამოუკიდებელი დეპუტატი ლევან კობერიძე სოციალურ ქსელ „ფეისბუქში“ პოსტს აქვეყნებს, რომელსაც „კომერსანტი“ უცვლელად გთავაზობთ: „დაუყოვნებლივ უნდა გადავადდეს ჯანდაცვის მინისტრის მიერ 520-ე დადგენილების ამოქმედება ( ამოქმედება 21 ნოემბრიდან) , რადგან ის დიდი ალბათობით ქმნის რისკს დაკავშირებულს პაციენტის უფლებასთან მიიღოს ხარისხიანი სამედიცინო მომსახურეობა. - როგორც ჯანდაცვის კომიტეტის წევრი , ჯანდაცვის მინისტრის 520-ე დადგენილების გარშემო შექმნილ ვითარების...

მიხეილ დაუშვილი - კლინიკებისთვის ტარიფების გათანაბრების საკითხზე შუალედურ, დაბალანსებულ მოდელზე უნდა შევჯერდეთ

მიხეილ დაუშვილი - კლინიკებისთვის ტარიფების გათანაბრების საკითხზე შუალედურ, დაბალანსებულ მოდელზე უნდა შევჯერდეთ
access_time2019-11-19 14:10:33
„უნდა შევჯერდეთ შუალედურ, დაბალანსებულ მოდელზე, რომელშიც ბიზნესის ინტერესები მაქსიმალურად იქნება დაცული“, – ამის შესახებ ბიზნესომბუდსმენმა, მიხეილ დაუშვილმა განაცხადა საყოველთაო ჯანდაცვის პროგრამის ფარგლებში გასაწევ სერვისებზე კლინიკებისთვის ტარიფების გათანაბრების გადაწყვეტილებასთან დაკავშირებით. ამასთან, მისი თქმით, სახელმწიფო რეგულაციებს გარკვეული მიზნებით იღებს, ხშირ შემთხვევაში, ეს არის მომხმარებლებისა და მოქალაქეების უფლებების...

კომერციულ ბანკებში დოლარის ფასმა 3 ლარს გადააჭარბა

კომერციულ ბანკებში დოლარის ფასმა 3 ლარს გადააჭარბა
access_time2019-11-19 14:20:50
კომერციულ ბანკებში ეროვნული ვალუტის ღირებულება 3 ლარს აჭარბებს.დღევანდელი მონაცემებით, TBC ბანკის ვალუტის გაცვლის სისტემაში ერთი აშშ დოლარის ღირებულება 3.0030 ლარია, საქართველოს ბანკში კი ერთი დოლარის ფასი ამ დროისათვის 3,0020 ლარი. ეროვნული ბანკის ოფიციალური კურსით, დოლარის ფასი 2.9736 ლარია. აღსანიშნავია, რომ ეროვნული ვალუტა დოლართან მიმართებით გუშინ 0.13 თეთრით...

საქართველოში დიზელის საწვავზე „ევრო 5“ სტანდარტის ამოქმედება 2021 წლამდე გადავადდა

საქართველოში დიზელის საწვავზე „ევრო 5“ სტანდარტის ამოქმედება 2021 წლამდე გადავადდა
access_time2019-11-19 13:24:14
საქართველოში დიზელის საწვავზე „ევრო 5“ სტანდარტის ამოქმედება 2021 წლამდე გადავადდა. ამის შესახებ მთავრობის დადგენილება გამოიცა.ახალი სტანდარტის ამოქმედება 2020 წლის პირველი იანვრიდან იგეგმებოდა. თუმცა, ბიზნესგაერთიანებები დადგენილების გადავადებას ითხოვდნენ. სპეციალისტები ამბობდნენ, რომ „ევრო 5“-ის ამოქმედების შემდეგ, საწვავის მიწოდებას საქართველოში აზერბაიჯანი ვეღარ შეძლებდა და დიზელის შემოტანა მხოლოდ რუსეთიდან იქნებოდა შესაძლებელი. ამასთან,...

კახა ოქრიაშვილის ინიციატივა მთავრობას-„ბიზნესომბუდსმენი პრემიერს ბიზნესის წარმომადგენლებმა უნდა წარუდგინონ“

კახა ოქრიაშვილის ინიციატივა მთავრობას-„ბიზნესომბუდსმენი  პრემიერს  ბიზნესის წარმომადგენლებმა უნდა წარუდგინონ“
access_time2019-11-19 12:54:38
ბიზნესმენი და  დეპუტატი კახა ოქრიაშვილი ინიციატივით გამოდის და  აცხადებს, რომ ბიზნესომბუდსმენი  პრემიერს  ბიზნესის წარმომადგენლებმა უნდა წარუდგინონ, რის შემდეგაც  შერჩეული კანდიდატის  აღნიშნულ პოსტზე დაამტკიცება მოხდება. „ბიზნესომბუდსმენი არ უნდა იყოს პრემიერის დანიშნული, ან შეიძლება იყოს, მაგრამ აუცილებელია კანდრიდატურები ბიზნესასოციაციებმა მიაწოდონ. იმედი მაქვს, რომ ახალი კადრი იქნება ბიზნესისა და სამართლიანობის დამცავი....


მსგავსი სიახლეები

up