„ავტობუსის მძღოლების ზეგანაკვეთური სამუშაო, მძღოლების მოთხოვნითაა განპირობებული“ - თბილისის სატრანსპორტო კომპანია

„ავტობუსის მძღოლების ზეგანაკვეთური სამუშაო, მძღოლების მოთხოვნითაა განპირობებული“ - თბილისის სატრანსპორტო კომპანია

access_time2020-02-20 17:00:17

სახელმწიფო აუდიტის სამსახურის ინფორმაციით, თბილისის სატრანსპორტო კომპანია ავტობუსების მძღოლებს ზეგანაკვეთურად ამუშავებს და ამით მოქალაქეებს საფრთხეს უქმნის. მონიტორინგი 2017 და 2018 წლების პერიოდს მოიცავს და აღნიშნულია, რომ უმრავლეს შემთხვევაში, დარღვეულია მძღოლების ზეგანაკვეთურად მუშაობის ზედა ზღვარიც (48სთ).

 

უმაღლეს აუდიტორულ  ორგანოში ამბობენ, რომ 2017 წელს კვირაში 48 საათზე მეტი ზეგანაკვეთური სამუშაო 6,499 დასაქმებულიდან 3,349-ს აუნაზღაურდა, ხოლო 2018 წელს – 6,649 დასაქმებულიდან − 3,446 პირს. აღსანიშნავია, რომ 2017 წელს კვირაში 48 საათზე მეტი იმუშავა ავტობუსის 1,398-დან 1,379- მა მძღოლმა, ხოლო 2018 წელს – 1,438-დან 1,420-მა მძღოლმა.

 

 უწყების ინფორმაციით გარდა იმისა, რომ ზეგანაკვეთურად მომუშავე მძღოლი საფრთხეს უქმნის როგორც საკუთარი თავს, ასევე მგზავრებს, ზეგანაკვეთური სამუშაოს დაფინანსება კომპანიისთვისაც ფინანსურად წამგებიანია .

 

კომპანიაში ადასტურებენ, რომ მძღოლებს ზეგანაკვეთურად ამუშავებენ, თუმცა აცხადებენ, რომ მათი სამუშაოს ანაზღაურებას შრომითი კოდექსის შესაბამისად ახორციელებენ. თბილისის სატრანსპორტო კომპანიის გენერალური დირექტორი, გიორგი შარკოვი „კომერსანტთან“ საუბარში განმარტავს, რომ გრაფიკი, რომლითაც დღეს კომპანიაში მუშაობენ, ავტობუსის მძღოლების მოთხოვნითაა დადგენილი. შარკოვის თქმით, თბილისის სატრანსპორტო კომპანია პრობლემის მოგვარებაზე უკვე მუშაობს და უახლოეს მომავალში მძღოლებს 8 საათიანი სამუშაო გრაფიკზე გადაიყვანს.


 

„ის დადგენილი სამუშაო გრაფიკი,რომელიც ავტობუსის მძღოლებს აქვთ, დღეს და გუშინ არ არის მიღებული, ეს მომდინარეობს წლების განმავლობაში. რეალურად, მძღოლს დღეგამოშვებით უწევს  15-16 საათი მუშაობა. აქედან გამომდინარე, ზეგანაკვეთური სამუშაოს თანხა მძღოლების გარკვეულ კატეგორიას ერიცხება. აღსანიშნავია, რომ სანამ აუდიტის სამსახური შემოვიდოდა, ჩვენ კონსულტაციები  საერთაშორისო ორგანიზაციებთან, საკონსულტაციო კომპანიებთან დაწყებული გვქონდა. ჩვენი და საზოგადოების ინტერესშია მძღოლი იყოს დასვენებული და ყურადღებიანი, ამიტომ ვაპირებთ უახლოეს მომავალში გავიდეთ, რვა საათიან სამუშაო გრაფიკზე. მინდა აღვნიშნო ის, რომ სამუშაო გრაფიკის ცვლილება არ არის მარტივი პროცესი. ამას სჭირდება გრაფიკზე ინფრასტრუქტურის მორგება. ავტობაზების მდგომარეობაზე ბევრი რამაა დამოკიდებული. სამწუხაროდ, მეორე ბაზა გვაქვს ახალი, დანარჩენი ორი გასარემონტებელია, თუმცა, უკვე დაწყებული გვაქვს პირველი ავტობაზის პროექტირება. წელს კომპლექსურად გვინდა გადავწყვიტოთ პრობლემა. ის გრაფიკი, რაც არის დიდ წილად მძღოლების მოთხოვნითაა განპირობებული. ზოგიერთ მათგანს ურჩევნია ერთი დღე იმუშაოს, თუნდაც 16 საათი და მეორე დღეს დაისვენოს და თავისი საქმე აკეთოს. ჩვენთვის პრიორიტეტია, რომ მძღოლი იყოს დასვენებული, რათა გაუთვალისწინებელი ინციდენტები თავიდან ავირიდოთ“,- განუცხადა გიორგი შარკოვმა „კომერსანტს“.

 

უმაღლესი აუდიტორული ორგანოში გასცემს რეკომენდაციას, რომ სატრანსპორტო კომპანიამ, მერიასთან შეთანხმებით, გაატაროს ქმედითი ღონისძიებები საწარმოში შრომის ორგანიზების სრულყოფის მიზნით, რაც მინიმუმამდე შეამცირებს ზეგანაკვეთური შრომის გამოყენების აუცილებლობას.

 

 

 ბაჩო ადამია





„მეტრო ეიფორია ჰოტელ ბათუმის“ აქციები საქართველოს საფონდო ბირჟაზე დაილისტა

„მეტრო ეიფორია ჰოტელ ბათუმის“ აქციები საქართველოს საფონდო ბირჟაზე დაილისტა
access_time2020-08-13 14:10:52
საქართველოს საფონდო ბირჟაზე თურქი ბიზნესმენის გალიფ ოზთურქის სს  „მეტრო ეიფორია ჰოტელ ბათუმის“ აქციები დაილისტა. B კლასის აქციები (ISIN GE1100003932) დაშვებულ იქნა საქართველოს საფონდო ბირჟის B კატეგორიის ლისტინგში და სავაჭრო სისტემაში. აქციებს საბირჟო კოდი (ტიკერი) - MEHBB მიენიჭა. ბირჟაზე B ჯგუფის 54,476,929 ლარის ჯამური ნომინალური ღირებულების აქცია დაილისტა, თითოს ნომინალის ფასი 1 ლარია. კომპანიას ასევე გამოშვებული აქვს A კლასის 6 052 993 აქცია,...

„ოცნებასთან“ დაკავშირებულმა სასტუმროებმა მილიონები მიიღეს, მაშინ როცა სხვა სასტუმროები უსახსროდ დარჩნენ - გიორგი ვაშაძე

„ოცნებასთან“ დაკავშირებულმა სასტუმროებმა მილიონები მიიღეს, მაშინ როცა სხვა სასტუმროები უსახსროდ დარჩნენ - გიორგი ვაშაძე
access_time2020-08-13 15:20:10
„სტრატეგია აღმაშენებლის“ ლიდერმა გიორგი ვაშაძემ ტურიზმის ინდუსტრიაში არსებულ პრობლემებზე ისაუბრა და განაცხადა, რომ კრიზისის შედეგად უამრავ სასტუმროს დახურვა მოუწია, რის შედეგადაც ათასობის სამუშაო ადგილი დაიკარგა ქვეყნის მასშტაბით. ვაშაძის თქმით, კორონავირუსით შექმნილი კრიზისი „ქართულ ოცნებასთან“ დაახლოებული პარტნიორებისთვის კარგი ბიზნესი აღმოჩნდა, რომლებმაც, მხოლოდ 21 კომპანიისთვის 45 მილიონი ლარის ღირებულების ტენდერი გამოაცხადა, რომელთა მფლობელებიც მმართველი გუნდის...

BAG-ის გამოკითხული წევრების 72.2% მიიჩნევს, რომ არსებობს გარკვეული შემაფერხებელი ფაქტორები, რაც ხელს უშლის მათ ბიზნეს საქმიანობას

BAG-ის გამოკითხული წევრების 72.2% მიიჩნევს, რომ არსებობს გარკვეული შემაფერხებელი ფაქტორები, რაც ხელს უშლის მათ ბიზნეს საქმიანობას
access_time2020-08-13 11:59:16
მიმდინარე წლის მეორე კვარტლის ბოლოს ჩატარებული კვლევის თანახმად, საქართველოს ბიზნეს ასოციაციის გამოკითხული წევრების 72.2% განაცხადა, რომ არსებობს მათი ბიზნეს საქმიანობისთვის ხელისშემშლელი თუნდაც ერთი ფაქტორი. აღსანიშნავია, რომ ეს მაჩვენებელი შემცირებულია პირველი კვარტლის ბოლოს ჩატარებული კვლევასთან შედარებით, როდესაც საქმიანობისათვის ხელისშემშლელი ფაქტორების არსებობაზე გამოკითხულთა 86.5%  საუბრობდა. პირველი კვარტლის მაღალი მაჩვენებელი, სავარაუდოდ, COVID პანდემიით იყო განპირობებული, რაც...

პანდემიის გამო „ვითიბი“ ბანკს „ტოქსიკური“ სესხების ოდენობა გაეზარდა

პანდემიის გამო „ვითიბი“ ბანკს „ტოქსიკური“ სესხების ოდენობა გაეზარდა
access_time2020-08-13 12:00:22
ბანკების ფინანსური ანგარიშგებების 2020 წლის II კვარტლის მონაცემების მიხედვით, „ვითიბი ბანკი ჯორჯიას“ ზარალი სესხების შესაძლოა დანაკარგების მიხედვით წინა წლის ანალოგიურ პერიოდთან შედარებით თითქმის 6-ჯერ გაიზარდა. აღსანიშნავია, რომ მიმდინარე წლის 6 თვეში ეს მონაცემი 37,890,502 ლარი იყო, ხოლო 2019 წლის შესაბამის პერიოდში 6,920,718 ლარი. 2020 წლის II კვარტლის ფინანსური მაჩვენებლების მიხედვით, „ვითიბი“ ბანკის ზარალმა 26,095,611 ლარი შეადგინა, მაშინ როდესაც...

გიორგი გახარია - ავტომობილების განბაჟება 2021 წლის მარტამდე გადავადდება

გიორგი გახარია - ავტომობილების განბაჟება 2021 წლის მარტამდე გადავადდება
access_time2020-08-13 11:25:08
უმჯობესი იქნება, რომ ავტომობილების განბაჟება გადავავადოთ 2021 წლის მარტამდე, - ამის შესახებ საქართველოს პრემიერ-მინისტრმა გიორგი გახარიამ, მთავრობის სხდომაზე განაცხადა. მთავრობის მეთაურმა შესაბამისი დავალება მისცა ფინანსთა სამინისტროს და აღნიშნა, რომ ავტოიმპორტიორების მხრიდან რამდენჯერმე იყო შესაბამისი მომართვა და მთავრობამ აღნიშნული ნაბიჯი ერთხელ უკვე გადადგა. „კრიზისის ზემოქმედება, როგორც ჩანს და არა მხოლოდ საქართველოსი, არამედ...


მსგავსი სიახლეები

up