ავთანდილმა შეიძლება ავეჯის დიზაინის ხაზიც აამოქმედოს

ავთანდილმა შეიძლება ავეჯის დიზაინის ხაზიც აამოქმედოს

access_time2021-10-16 16:00:04

ქართველი დიზაინერი, ავთანდილ ცქვიტინიძე ავეჯის დიზაინით დაინტერესდა. როგორც სამოდელო სახლ „ავთანდილის“ დამფუძნებელი და დირექტორი ამბობს, ის ჯერჯერობით ძიებაშია და სამომავლო გეგმებზე დაზუსტებით ვერაფერს იტყვის, თუმცა არ გამორიცხავს, რომ მისმა გატაცებამ მომავალში კომერციული ხასიათი შეიძინოს.

„ჯერ ძიებაში ვარ, მაგრამ ძალიან მომწონს ეს პროცესი, იმიტომ რომ სხვა მასალასთან გაქვს შეხება, რომელიც რადიკალურად განსხვავდება ქსოვილის ფაქტურისგან. ვნახოთ, გადაიზრდება თუ არა ეს ჰობი კომერციულ საქმიანობაში. ყოველ შემთხვევაში, არც ტანსაცმლის დიზაინერობა დამიწყია, როგორც კომერციული პროექტი. ასე მოიტანა საქმის მიმართ ჩემმა გულწრფელმა მიდგომამ. როცა ამ მიმართულებით დავიწყე მუშაობა, არ იყო შუქი, იყო ომი და თითქოს ტანსაცმელზე არავინ ფიქრობდა. თუმცა, თურმე ამ შავ-ბნელ პერიოდში ხალხს მონატრებული ჰქონდა გაფერადება. სწორი თანხვდენა მოხდა, ბრენდიც ამიტომ არსებობს უკვე 25 წელია და წარმატებით ვითარდება“, – განაცხადა დიზაინერმა.

შეგახსენებთ, პანდემიის დაწყებამდე რამდენიმე თვით ადრე ავთანდილ ცქვიტინიძემ თბილისში, კერძოდ კი დიდ დიღომში 3-სართულიანი სამკერვალო ფაბრიკა გახსნა. როგორც დიზაინერი აღნიშნავს, შექმნილი ვითარებიდან გამომდინარე, მუშაობა შედარებით შენელებულ ტემპში გაგრძელდა. ცქვიტინიძის თქმით, ამჟამად ფაბრიკაში ზამთრის კოლექცია იქმნება, რომელიც ლოკალურ ბაზარზეა წარმოდგენილი. აღსანიშნავია, რომ ამ დროისთვის საქართველოს მასშტაბით „ავთანდილის“ ექვსი მაღაზიაა. ამის გარდა, კომპანიის პროდუქცია მსოფლიოს არაერთ ქვეყანაში იყიდება.

ქართველი დიზაინერის გაცხადებით, კორონავირუსის პანდემიამ საზღვარგარეთიდან მოთხოვნის გარკვეულწილად შემცირება გამოიწვია, თუმცა, ქვეყნის ფარგლებს გარეთ პროდუქციის გატანა სრულად არც ერთი მიმართულებით არ შეწყვეტილა. ცქვიტინიძის თქმით, „ავთანდილმა“ მილანის შოურუმიდან, რომელიც პროდუქციას მთელი მსოფლიოს მასშტაბით ანაწილებს, გაზაფხული-ზაფხულის კოლექციაზე შეკვეთები უკვე მიიღო და ამ ეტაპზე კომპანია სწორედ აღნიშნული შეკვეთების შესრულებას გეგმავს.

ავთანდილ ცქვიტინიძე პანდემიის დროს თანადგომისთვის ქართველ ხალხს განსაკუთრებულ მადლობას უხდის და აღნიშნავს, რომ ამ რთულ პერიოდში მათ მხარდაჭერას ყოველთვის გრძნობდა და გრძნობს.


„პანდემიის დაწყების შემდეგ დავრჩით მხოლოდ ქართველი მომხმარებლების იმედზე და კომპანია ერთი დღე არ გაჩერებულა, რისთვისაც ძალიან მადლიერი ვარ. ასევე, ბედნიერი ვარ, რომ ახალი და ახალი თაობა იცვამს და ატარებს „ავთანდილს“, რაც ჩემთვის ძალიან მნიშვნელოვანია, რადგან ეს განვითარებაში მეხმარება“, – განაცხადა დიზაინერმა.

ავთანდილ ცქვიტინიძემ მოდის ინდუსტრიაში მოღვაწეობა 1990-იანი წლებიდან დაიწყო. მან პირველი ჩვენება 1995 წელს, თბილისში გამართულ მოდის ფესტივალ „ამაზე“ მოაწყო. ცქვიტინიძემ 2000 წელს სამოდელო სახლი „ავთანდილი“ დააფუძნა. დიზაინერს მონაწილეობა მიღებული აქვს მსოფლიოს არაერთ ქვეყანაში, მათ შორის რუსეთში, უკრაინაში, საბერძნეთში, აზერბაიჯანში, ყაზახეთში სხვადასხვა წელს ჩატარებულ მოდის კვირეულებში, ასევე, აშშ-ის ქალაქ ნიუ-იორკსა და საფრანგეთის დედაქალაქ პარიზში გამართულ გამოფენებში.


წყარო: 





სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით!

სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით!
access_time2021-12-07 09:55:26
სილქფესტი 7 დეკემბერს ულიმიტო პირობებს...

„დიდგორელის“ მონაწილეთა პირველი კონფერენცია

„დიდგორელის“  მონაწილეთა პირველი კონფერენცია
access_time2021-12-06 17:50:47
საქართველოს პარლამენტის ეროვნულ ბიბლიოთეკაში, საგანმანათლებლო პროექტ  „დიდგორელის“ ორგანიზებითა და  არემჯის მხარდაჭერით,  ოკუპირებულ აფხაზეთში არსებული კულტურული მემკვიდრეობის ძეგლების შესახებ მოსწავლეთა კონფერენცია გაიმართა. მოსწავლეთა კონფერენციაში მონაწილეობა თბილისის, ზუგდიდის, მესტიის, მარნეულის ახალციხის, გარდაბნის და თეთრიწყაროს სკოლების ოცამდე მოსწავლემ მიიღო. მოსწავლეებმა, პროექტ ,,დიდგორელის’’ ავტორებთან და...

ლარის კურსი ყველა ძირითად ვალუტებთან მიმართებით გამყარდა

ლარის კურსი ყველა ძირითად ვალუტებთან მიმართებით გამყარდა
access_time2021-12-06 18:00:16
6 დეკემბრის ვაჭრობის შედეგად ლარი აშშ დოლართან მიმართებაში 2.43 თეთრით 3.0967-მდე გამყარდა. Bloomberg-ის პლატფორმაზე დღის ბოლოს კურსმა 3.0900 შეადგინა. საერთაშორისო ვალუტებიდან ლარი ევროსთან 3.09 თეთრით 3.4993-მდე, ბრიტანულ ფუნტთან 4.10 თეთრით 4.1037-მდე, აზერბაიჯანულ მანათთან 1.60 თეთრით 1.8215-მდე, ლარი თურქულ ლირასთან 0.44 თეთრით 0.2247-მდე, 1000 სომხურ დრამთან 5.06 თეთრით 6.2921-მდე, ხოლო 100 რუსულ რუბლთან 4.26 თეთრით...

„ავერსი“ საკუთარი ტერიტორიის დაბრუნებას აპირებს – ინფექციურის ახალ შენობაში არაფერი ხდება

„ავერსი“ საკუთარი ტერიტორიის დაბრუნებას აპირებს – ინფექციურის ახალ შენობაში არაფერი ხდება
access_time2021-12-06 18:30:16
ინფექციური კლინიკა ახალ შენობაში, დიდი ალბათობით, არც წელს გადავა. ამის შესახებ jandacva.ge-ს  „ავერსში“ განუცხადეს, რომელსაც ის ტერიტორია ეკუთვნის, სადაც ინფექციური საავადმყოფოა განთავსებული. „ავერსი ფარმას“ დირექტორის ირაკლი ფურცელაძის განცხადებით,  ახალ შენობაში, რომელიც ინფექციურ საავადმყოფოს სახელმწიფომ 2020 წლის მაისში შეუძინა და რომელიც თეთრი კარკასის მდგომარეობაშია, „კარიც კი არავის შეუღია“ და იქ ამ ხნის განმავლობაში არანაირი...

საქართველო 12,5%, ევროზონა 4,9%, აზია 2,2% - ინფლაციის ანტირეკორდი მსოფლიოში

საქართველო 12,5%, ევროზონა 4,9%, აზია 2,2% - ინფლაციის ანტირეკორდი მსოფლიოში
access_time2021-12-07 10:00:58
„ინფლაცია არ არის მხოლოდ საქართველოს გამოწვევა, ეს არის მსოფლიოს უმრავლესი ქვეყნების გამოწვევა. აშშ-ში 6.2% ინფლაცია, გერმანიაშიც ბოლო 30 წლის განმავლობაში ძალიან მაღალი ინფლაციაა და ნუ წარმოვაჩენთ ამას როგორც მხოლოდ საქართველოს პრობლემას, ეს არის გლობალური პრობლემა, რომელიც პანდემიამ და მასთან დაკავშირებულმა მოვლენებმა მოიტანა“, - ამის შესახებ საქართველოს ეროვნული ბანკის (სებ) პრეზიდენტმა კობა გვენეტაძემ განაცხადა. საქართველოს კანონმდებლობით ინფლაციაზე...


მსგავსი სიახლეები

up