მზის ენერგიის ათვისება ყოველწლიურად იაფდება, შესაბამისად იზრდება მისი წილიც ელექტროენერგიის ჯამურ გენერაციაში. ავსტრალია 2027 წელს 10 გიგავატი სიმძლავრის მზის ელექტროსადგურის Australia–ASEAN Power Link - გახნას გეგმავს. წარმოებული ელექტროენერგია ექსპორტზე სინგაპურში გავა.
10 გიგავატის სიმძლავრე 7.7 ენგურჰესის ექვივალენტია, რაც თავის მხრვ 13.3 მლნ ცხენის ძალის ტოლია. პროექტი 20 მლრდ ავსტრალიური დოლარი ჯდება. 2020 წლის კურსით ეს თანხა $14.2 მლრდ-ს უდრის. პანელები ქვეყნის ჩრდილოეთ ნაწილში, თითქმის 2 ბათუმისხელა ტერიტორიაზე - 120 კვადრატულ კილომეტრზე განთავსდება. ფართობის გათვალისწინებით პანელების ფერმა კოსმოსიდანაც გამოჩნდება. ელექტროსადგური სინგაპურს 4500 კმ სიგრძის კაბელით დაუკავშირდება. კაბელის 85% ოკეანის ფსკერზე გავა.
მიუხედავად იმისა, რომ დედამიწამდე მზის ენერგიის მემილიარდედზე ნაკლები აღწევს, მისი მოცულობაც კი 1 წამში უფრო მეტია, ვიდრე მთელი პლანეტის მიერ მთელი წლის განმავლობაში მოხმარებული ყველა სახის ენერგია.
მზის ენერგიის ელექტროენერგიად გარდაქმნის პროცესი ჯერ კიდევ XIX საუკუნეში დაიწყო, თუმცა იაფი ნახშირისა და შემდგომ ნავთობის გაბატონების შედეგად ტექნოლოგიური წინსვლა 100 წელზე მეტი ხნით დაპაუზდა. XXI საუკუნესი კი პრაქტიკულად თავიდან გაცოცხლდა.თუ 2004 წელს მზის ელექტროსაგურების ჯამური გენერაცია 2.6 მლრდ კვტ/სთ-ს შეადგენდა, 15 წლის შემდეგ, 2019 წელს ის 27 600%-ით 720 მლრდ კვტ/სთ-მდე გაიზარდა. 2025 წლის საპროგნოზი გამომუშავება 1.94 ტტლნ კვტ/სთ-ს შეადგენს, 2030 წელს კი 3.268 ტრლნ კვტ/სთ-ს გენერაციაა ნავარაუდევი.
გიორგი ელიზბარაშვილი