ბაიდენის ადმინისტრაციამ შესაძლოა, ყველანაირ სიგარეტში ნიკოტინის შემცირება მოითხოვოს

ბაიდენის ადმინისტრაციამ შესაძლოა, ყველანაირ სიგარეტში ნიკოტინის შემცირება მოითხოვოს

access_time2021-04-22 19:30:00

The Wall Street Journal წყაროზე დაყრდნობით წერს, რომ ჯო ბაიდენის ადმინისტრაციამ თამბაქოს კომპანიებს შესაძლოა, ყველანაირ სიგარეტში ნიკოტინის შემცველობის შემცირება მოთხოვოს. აშშ-ში გაყიდული სიგარეტები ნიკოტინის ისეთ დონეს უნდა შეიცავდეს, რომ მომხმარებელი მასზე დამოკიდებული არ გახადოს. გაზეთის ცნობით, თეთრი სახლის ადმინისტრაციაში ამ საკითხს თამბაქოს კიდევ ერთ საკითხთან ერთად განიხილავენ, რომელიც მენთოლიანი სიგარეტების აკრძალვას ეხება. ახლოვდება ვადა, როცა თეთრმა სახლმა მენთოლიანი სიგარეტების შესახებ თავისი გადაწყვეტილება უნდა გამოაცხადოს. საქმე ისაა, რომ 29 აპრილს აშშ-ს სურსათისა და წამლის ხარისხის სანიტარული ზედამხედველობის ადმინისტრაციამ (Food and Drug Administration - FDA) უნდა უპასუხოს მოქალაქეების პეტიციას მენთოლიანი სიგარეტის აკრძალვის შესახებ. ბაიდენის ადმინისტრაციაში აანალიზებენ, მენთოლიანი სიგარეტები აკრძალონ, თუ ყველა სიგარეტში ნიკოტინის შემცველობა შეამცირონ. არც იმას გამორიცხავენ, რომ ორივე გადაწყვეტილება მიიღონ.


თეთრი სახლის მიზანია, შემცირებულმა ნიკოტინმა სიგარეტზე ადამიანი დამოკიდებული ნაკლებად ან საერთოდ არ გახადოს და მწეველები ალტერნატიულ საშუალებებზე, ნიკოტინიან საღეჭ რეზიანზე, ყინულის აბებზე ან ელექტრონულ სიგარეტზე გადავიდნენ. მენთოლიანი სიგარეტების აკრძალვა კი ახალგაზრდებში დამწყები მწეველების რაოდენობას შეამცირებს, რადგან ამ ასაკში უმრავლესობა მოწევას მენთოლიანი სიგარეტით იწყებს.


ორივე ზომის მიღებას ჯერ კიდევ წინა პრეზიდენტის, დონალდ ტრამპის ადმინისტრაციაში ცდილობდნენ. 2017 წელს FDA-ს მაშინდელმა კომისარმა სკოტ გოტლიბმა პრეზიდენტ ტრამპს თამბაქოს პოლიტიკის მასშტაბური პროგრამა შესთავაზა, მაგრამ 2019 წელს მან FDA დატოვა და ორივე გეგმა გადაიდო.


FDA-ს მონაცემებით, აშშ-ში ყოველწლიურად 480 ათასი მწეველი იღუპება. ამერიკელი ზედამხედველები აცხადებენ, რომ მართალია, თავად ნიკოტინი კიბოს, გულის ან ფილტვის დაავადებას არ იწვევს, მაგრამ ის ადამიანებს სიგარეტზე დამოკიდებულს ხდის, რაც სიკვდილის მიზეზი ხება. FDA სიგარეტში ნიკოტინის დონის შემცირების საკითხს 1990-იანი წლებიდან განიხილავს და ამის განხორციელების გზებიც აქვს მოფიქრებული: ეს შესაძლებელია თამბაქოს მცენარის გენეტიკური მოდიფიცირებით ან წარმოების პროცესში თამბაქოს ფოთლებისგან ნიკოტონის მოშორებით. FDA-ს თამბაქოს პოლტიკაში სანქციების გატარების უფლებამოსილება 2009 წელს მიღებულმა კანონმა მიანიჭა, რომელიც თამბაქოს პროდუქციის ბრუნვაზე კონტროლს ითვალისწინებს.



2013 წელს FDA-ს მარეგულირებლებმა დაადგინეს, რომ ჯანმრთელობისთვის მენთოლიანი სიგარეტები, ჩვეულებრივთან შედარებით, უფრო რისკისშემცველია, რადგან მისგან გადაჩვევა გაცილებით რთულია.


აღსანიშნავია, რომ გასულ კვირას ახალი ზელანდია გამოვიდა ინიციატივით, სიგარეტებში ნიკოტინის დონის მკვეთრად შემცირებისა და მოწევის უფლების მქონე პირთა ასაკობრივი ზღვარის გაზრდის შესახებ.



BPN.GE




თეგები:
ნიკოტინი



ირაკლი ნადარეიშვილი: „ყველა საკითხი, რასაც ბიზნესი აყენებს რეგულაციების შემსუბუქების თუ ვაქცინაციის კუთხით, საქართველოს მთავრობის დღის წესრიგშია და მიმდინარეობს აქტიური განხილვა

ირაკლი ნადარეიშვილი: „ყველა საკითხი, რასაც ბიზნესი აყენებს რეგულაციების შემსუბუქების თუ ვაქცინაციის კუთხით, საქართველოს მთავრობის დღის წესრიგშია და მიმდინარეობს აქტიური განხილვა
access_time2021-05-15 11:53:01
„ბიზნესთან აქტიური კომუნიკაცია წარმოადგენს საქართველოს მთავრობის პრიორიტეტს და პანდემიასთან დაკავშირებული გამოწვევების ფონზე განსაკუთრებით აქტუალურია, მათთან ერთად ვიმსჯელოთ როგორც რეგულაციების შემსუბუქების ან ეტაპობრივი მოხსნის, ასევე ვაქცინაციის და სხვა მნიშვნელოვან საკითხებზე, რათა დავიცვათ ბალანსი და ვიპოვოთ ისეთი შუალედი, რომ მაქსიმალურად დავიცვათ როგორც ბიზნესის, ასევე ჩვენი საზოგადოების ინტერესები და ეპიდემიოლოგების რეკომენდაციები - ამის შესახებ...

14 მაისი - რეგიონში ქართული ლარი და თურქული ლირა გამყარდა

14 მაისი - რეგიონში ქართული ლარი და თურქული ლირა გამყარდა
access_time2021-05-14 18:00:19
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 მაისის ვაჭრობის შედეგად (რომლის ოფიციალური კურსი 15 მაისისთვისაა) ეროვნული ვალუტა აშშ...

584 000 ლარიანი ჯარიმა ფულის გათეთრებისთვის - სებ-მა ბანკი და მისო დააჯარიმა

584 000 ლარიანი ჯარიმა ფულის გათეთრებისთვის - სებ-მა ბანკი და მისო დააჯარიმა
access_time2021-05-14 16:00:30
ეროვნულმა ბანკმა კომერციული ბანკი, მიკროსაფინანსო ორგანიზაცია, საგადახდო მომსახურების პროვაიდერი და ვალუტის გადამცვლელი პუნქტი (რაოდენობა უცნობია) ფულის გათეთრებისა და ტერორიზმის დაფინანსების აღკვეთის ხელშეწყობის შესახებ საქართველოს კანონმდებლობის დარღვევისათვის დააჯარიმა. ფულის გათეთრებისა...

ბაზარზე ზეითუნის ზეთის და ზეთისხილის 20-22% უკვე ქართულია - „ქართული ზეთისხილი“

ბაზარზე ზეითუნის ზეთის და ზეთისხილის 20-22% უკვე ქართულია - „ქართული ზეთისხილი“
access_time2021-05-14 17:00:56
,,კარგი მოვლის შემთხვევაში, 1 ჰექტრიდან 8-9 ათასი დოლარის შემოსავლის მიღება არის შესაძლებელი“ - ამის შესახებ ,,ბიზნესპრესნიუსთან“ საუბრისას ,,ქართული ზეთისხილის დამფუძნებელმა და მსოფლიო ზეთისხილის საბჭოს პრეზიდენტმა განაცხადა.   გიორგი სვანიძის თქმით, წელს გასულ წელთან შედარებით 2-ჯერ გაზრდილ მოსავალს ელოდებიან, ქართული ზეთისხილი კი რუსეთსა და ნიდერლანდებშიც გაიყიდება.   ,,წელს, საკმაოდ კარგი მოლოდინი გვაქვს მოსავლის კუთხით. დაახლოებით 2-ჯერ მეტს...

Los-Angeles times: ახალ ამერიკულ სანქციებს არასწორი სამიზნე აქვთ

Los-Angeles times: ახალ ამერიკულ სანქციებს არასწორი სამიზნე აქვთ
access_time2021-05-14 20:00:23
აშშ-ს საელჩომ მოსკოვში რუსეთის მოქალაქეებისთვის არასაემიგრაციო ვიზების გაცემა შეაჩერა. რუსები, რომლებსაც შტატებში ბიზნესისთვის ან სასწავლებლად წასვლა სურთ, ვიზების მიღება მესამე ქვეყნებში შეუძლიათ.   საკონსულო მომსახურეობის შეჩერება - ვაშინგტონს და მოსკოვს შორის სანქციების გაცვლის შედეგებია - პრინციპი „თვალი თვალის წილ“ დიპლომატიაშიც მოქმედებს.   ამერიკა უფრო შორს წავიდა და მოსკოვში თავის საელჩოში რუსეთის მოქალაქეების დასაქმება აკრძალა, რაც...


მსგავსი სიახლეები

up