ავიაციის მარშალი სერ სტიუარტ ფიჩი: „თქვენი პროფესიონალიზმით, მამაცობით, თავგანწირვითა და ერთგულებით ყველა მოკავშირეზე დიდი შთაბეჭდილება მოახდინეთ“

ავიაციის მარშალი სერ სტიუარტ ფიჩი: „თქვენი პროფესიონალიზმით, მამაცობით, თავგანწირვითა და ერთგულებით ყველა მოკავშირეზე დიდი შთაბეჭდილება მოახდინეთ“

access_time2021-04-29 20:00:00

„საქართველოს თავდაცვის ძალების 30 წლის იუბილეზე, მინდა, მადლობა გადაგიხადოთ ალიანსის მიმართ მტკიცე ერთგულებისა და ნატოსთან უნიკალური, ხანგრძლივი პარტნიორობისთვის“, - განაცხადა ნატოს პირველმა სამხედრო პირმა ვაზიანში სიტყვით გამოსვლისას და აღნიშნა, რომ ალიანსის სამხედრო ხელმძღვანელობა ქართულ ჯარს პროფესიონალიზმისა და ერთგულებისთვის მაღალ შეფასებას აძლევს. ამის შესახებ ინფორმაციას საქართველოს თავდაცვის სამინისტროს პრესსამსახური ავრცელებს.



ნატოს სამხედრო კომიტეტის თავმჯდომარე, ავიაციის მარშალი სერ სტიუარტ ფიჩი საქართველოში სპეციალურად თავდაცვის ძალების 30 წლის იუბილეზე დასასწრებად ჩამოვიდა. 



სიტყვით გამოსვლისას მან ქართველი სამხედროების პროფესიონალიზმზე, მამაცობაზე, თავგანწირვასა და ერთგულებაზე გაამახვილა ყურადღება და განსაკუთრებით გამოყო საქართველოს წვლილი ავღანეთში ნატოს ეგიდით მიმდინარე „მტკიცე მხარდაჭერის“ მისიაში. „გამომდინარე იქიდან, რომ „მტკიცე მხარდაჭერის“ მისია დასასრულს უახლოვდება და ნატო ავღანეთში თავის შემდგომ მიდგომას განიხილავს, მინდა, ვაღიარო თქვენი წვლილი და მადლობა გადავუხადო საქართველოს. თქვენი მსხვერპლი - ჩვენი მსხვერპლია, თქვენი დანაკარგი - ჩვენი დანაკარგია. ამისთვის, პირადად გიხდით მადლობას თქვენ! მისიაში ყოფნის დროს თქვენ შეიძინეთ მეგობრები, დაიმსახურეთ ერის პატივისცემა და რაც ყველაზე მნიშვნელოვანია, თქვენი პროფესიონალიზმით, მამაცობით, თავგანწირვითა და ერთგულებით ყველა მოკავშირეზე დიდი შთაბეჭდილება მოახდინეთ. ეს ყველაფერი ჩემი თვალით ვნახე ავღანეთში მრავჯერ ვიზიტის დროს. თქვენ ეს ყველაფერი ღირსეული მიზეზით განახორციელეთ - დახმარება გაგეწიათ სხვებისთვის. ამ ქმედებით კი, სხვებს თქვენი გვერდში დგომის სურვილი გაუღვივეთ, დაიცვან თქვენი საკუთარი თავისუფლება და ტერიტორიული მთლიანობა. სამშობლოდან შორს ყოფნის მაგალითით სხვებს შთააგონეთ, რომ იდგნენ თქვენს გვერდით“, - განაცხადა ავაიციის მარშალმა სერ სტიუარტ ფიჩმა.





ნატოს სამხედრო კომიტეტის თავმჯდომარემ ნატო-საქართველოს მტკიცე პარტნიორობას გაუსვა ხაზი და კიდევ ერთხელ დაადასტურა ალიანსის დაპირება საქართველოს მიმართ. „ოც წელზე მეტია ნატო საქართველოს აქტიურად უჭერს მხარს დემოკრატიული და სტაბილური ქვეყნის ჩამოყალიბებაში, რომელსაც თანამედროვე, კარგად გაწვრთნილი თავდაცვის ძალები ეყოლება, რომელსაც შესწევს უნარი უზრუნველყოს უსაფრთხოება და წვლილი შეიტანოს გლობალურ მშვიდობასა და სტაბილურობაში“, - განაცხადა ავიაციის მარშალმა სერ სტიუარტ ფიჩმა სიტყვით გამოსვლისას. მან საქართველოსთან თანამშრომლობის კონტექსტში ნატო-საქართველოს განახლებული არსებითი პაკეტით გათვალისწინებულ დახმარებაზე გაამახვილა ყურადღება და აღნიშნა, რომ ალიანსის მხარდაჭერა საქართველოს თავდაცვის ძალების შესაძლებლობებს უფრო გააძლიერებს, კიდევ უფრო განავითარებს ნატოსთან ოპერატიულ ურთიერთთავსებადობას და ხელს შეუწყობს ქვეყნის წინსვლას ალიანსის წევრობისთვის.



სიტყვით გამოსვლისას ნატოს სამხედრო კომიტეტის თავმჯდომარემ ნატოს რეაგირების ძალებში საქართველოს წვლილიც აღნიშნა. „საქართველოს მუდმივი ერთგულება ნატოში კიდევ ერთხელ ადასტურებს, თუ რამდენად მნიშვნელოვანია გლობალური სტაბილურობა და უსაფრთხოება ყველა ქვეყნისთვის. თქვენი მეზობელი ქვეყნების უსაფრთხოება და დაცულობა, ხელს უწყობს შენი ხალხის უსაფრთხოებისა და დაცულობის შენარჩუნებას“, - განაცხადა მან.



სიტყვით გამოსვლის ბოლოს ნატოს უმაღლესმა სამხედრო პირმა კიდევ ერთხელ დაადასტურა ჩრდილოატლანტიკური ალიანსის მხარდაჭერა საქართველოს დამოუკიდებლობის, სუვერენიტეტის, საერთაშორისოდ აღიარებულ საზღვრებში ქვეყნის ტერიტორიული მთლიანობისა და ალიანსში გაწევრიანების მიმართ და გამოსვლის ბოლოს აღნიშნა, რომ საქართველოს სახით კარგია მეგობრების ყოლა.







ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-07-30 21:00:51
დღის TOP 10 მნიშვნელოვანი ამბავი:   1. ორნიშნა ეკონომიკური ზრდა ივნისშიც გაგრძელდა ორნიშნა ეკონომიკური ზრდა გრძელდება. ივნისში მშპ გასული წლის ანალოგიურ მაჩვენებელთან შედარებით 18.7%-ით გაიზარდა.   2. ქართული არქიტექტურული პროექტი...

საგადასახადო შეღავათის მოთხოვნის ვადა 1–ელ აგვისტოს იწურება

საგადასახადო შეღავათის მოთხოვნის ვადა 1–ელ აგვისტოს იწურება
access_time2021-07-30 17:00:16
საქართველოს ფინანსთა სამინისტროს შემოსავლების სამსახური იურიდიულ პირებს შეგახსენებს, რომ გადასახადის გადამხდელს, რომელსაც აქვს მიმდინარე წლის 17 მაისის მდგომარეობით წარმოშობილი, აღიარებული ან არაღიარებული საგადასახადო დავალიანება, საქართველოს მთავრობის გადაწყვეტილებით, შესაძლებლობა ეძლევა, გადასახადის ძირითადი თანხის გადახდის პირობით სრულად შეიმციროს დარიცხული ჯარიმა-საურავები.  დღეის მონაცემებით, საგადასახადო შეთანხმების გაფორმების შესახებ, შემოსავლების სამსახურის მონაცემთა ბაზაში, ...

როგორი იქნება სპორტული მედიცინის ცენტრი, რომელიც თბილისში აშენდება

როგორი იქნება სპორტული მედიცინის ცენტრი, რომელიც თბილისში აშენდება
access_time2021-07-30 16:00:51
თბილისში სპორტული მედიცინის ცენტრის მშენებლობა იგეგმება, - ამის შესახებ jandacva.ge-ს სპორტული მედიცინის ასოციაციის ვიცე პრეზიდენტმა ხათუნა საგანელიძემ განუცხადა. მისი ინფორმაციით, ნიუ ვიჟენ უნივერსიტეტი სპორტული რეაბილიტაციის ცენტრს ააშენებს. მისი ინფორმაციით, დაწყებულია კონკრეტული მოლაპარაკებები სპორტული მედიცინის ცენტრების მშენებლობაზე, აღჭურვაზე, ექიმების და რეაბილიტოგების გადამზადებაზე. საგანელიძის განმარტებით, ამისთვის საჭიროა საკმაოდ დიდი...

პანდემიამდელ პერიოდთან შედარებით ეკონომიკური ზრდა 6,4%-ის დონეზეა

პანდემიამდელ პერიოდთან შედარებით ეკონომიკური ზრდა 6,4%-ის დონეზეა
access_time2021-07-31 10:00:13
ივნისში საქართველოს ეკონომიკა გაიზარდა არა მხოლოდ პანდემიური 2020 წლის ანალოგიურ პერიოდთან, არამედ 2019 წელთან შეადრებითაც.  ბიზნესგარემოს საგარეო ეკონომიკური კონიუნქტურის გაუმჯობესება,  წარმოების ზრდა და  რეკორდული ფინანსური ტრანზაქციები  უცხოეთიდან - ეს ის ფაქტორებია, რამაც წინა თვეში ეკონომიკა მაღალი ორნიშნა მაჩვენებლით გაზარდა.  2019 წელთან შედარებით, ზრდა 6,4%-ის დონეზეა. როგორც  სტატისტიკოსი სოსო არჩვაძე ,,კომერსანტთან“...


მსგავსი სიახლეები

up