“ავერსი“, როგორც სოციალურად პასუხისმგებლიანი კომპანია, დღემდე ვერ ახერხებს დაავადებული ფიჭვებისგან “ინფექციური საავადმყოფოს“ ტერიტორიის გაწმენდას

“ავერსი“, როგორც სოციალურად პასუხისმგებლიანი კომპანია, დღემდე ვერ ახერხებს დაავადებული ფიჭვებისგან “ინფექციური საავადმყოფოს“ ტერიტორიის გაწმენდას

access_time2019-07-15 14:00:07


ფიჭვებზე გავრცელებული დაავადების გამო, ფაქტობრივად, თბილისში ამ სახეობის ჯანსაღი ხე აღარ არსებობს. დაავადების ყველაზე მასშტაბურ ცენტრად თავის დროზე მერია საბურთალოს ტერიტორიას ასახელებდა.  კერძოდ, ყოფილი ინფექციური საავადმყოფოს ეზოს და ე.წ. წითელ ბაღს. ამის შესახებ “კომერსანტი“  ჯერ კიდევ ერთი წლის წინ წერდა.  მართალია,  მერიამ დაავადებული ხეების ჭრა “წითელ ბაღში“ დაიწყო და ახალი ნარგავებიც გააშენა, მაგრამ ინფექციური საავადმყოფოს ტერიტორია დღემდე დაავადებული, გამხმარი ფიჭვებით არის სავსე, რაც ახალი დაავადების გავრცელების მთავარი წყაროა. მიზეზი, რის გამოც აქ ხეები არ იჭრება, არის ის, რომ ეს ტერიტორია კერძო კომპანიის საკუთრებაა —  ეს კომპანია კი “ავერსია“, რომელიც მოსახლეობის ჯანმრთელობაზე ზრუნავს. 



 


“კომერსანტი“ ბოლო ერთი თვის განმავლობაში რამდენჯერმე დაუკავშირდა „ავერსის“ პრესსამსახურს კითხვით —“ავერსი“, როგორც სოციალური პასუხისმგებლობის მქონე კომპანია, როდის აპირებენ დაავადებული ხეების მოჭრას და გეგმავენ თუ არა ახალი ნარგავების განაშენიანებას. თუმცა დაპირების მიუხედავად კითხვებზე პასუხი ამ დრომდე არ მიგვიღია.



გარემოს დაცვის საქალაქო სამსახურის უფროსმა გიგა გიგაშვილმა “კომერსანტს“ თითქმის ნახევარი წლის წინ განუცხადა, რომ კომპანიასთან ურთიერთთანამშრომლობის მემორანდუმი გააფორმა, რომელიც შერეულ პასუხისმგებლობას ითვალისწინებს. ეს ნიშნავს იმას, რომ მუნიციპალიტეტი და კერძო სექტორი ამ ტერიტორიების დასუფთავებას დაავადებული მცენარეებისგან და შემდეგომ მათ აღდგენას ერთობლივად გადაინაწილებენ. ასევე გადანაწილდება ხარჯები. 


ამის მიუხედავად ავერსს და თბილისის მერიას ხმობად ფიჭვებზე რეაგირება ამ დრომდე არ მოუხდენია.



გარემოს დაცვის საქალაქო სამსახურში ამჟამად „კომერსანტს“ განუცხადეს, რომ ავერსის კუთვნილ ტერიტორიაზე სანიტარული ღონისძიებებს კომპანია სექტემბრიდან დაიწყებს, ხოლო თბილისის მერია საავადმყოფოს ეზოში ხე-მცენარეებს დარგავს, ანუ  ბიუჯეტის თანხები ისევ კერძო კომპანიაში დაიხარჯება.


შეგახსენებთ, რომ ტერიტორია ავერსმა 2009 წელს იყიდა. დღემდე ამავე ტერიტორიაზეა სახელმწიფო კუთვნილებაში არსებული „ინფექციური პათოლოგიის შიდსისა და კლინიკური იმუნოლოგიის სამეცნიერო-პრაქტიკული ცენტრი“. სახელმწიფოს შენობები იჯარით აქვს აღებული, რაშიც 2012 წლიდან ქვეყნის ბიუჯეტიდან ყოველთვიურად დაახლოებით 40 000 ლარი ირიცხება.



 



 










 

ბაჩო ადამია





რა გამოწვევების წინაშე შეიძლება აღმოჩნდეს წელს რთველი?- „კომპანიები ნაკლებ ყურძენს ჩაიბარებენ“

რა გამოწვევების წინაშე შეიძლება აღმოჩნდეს წელს რთველი?- „კომპანიები ნაკლებ ყურძენს ჩაიბარებენ“
access_time2019-08-17 18:00:58
ღვინის ეროვნული სააგენტო ვარაუდობს, რომ წელს ღვინის მწარმოებლებმა, შესაძლოა, ნაკლები ყურძენი შეისყიდონ. სააგენტოს ხელმძღვანელი ლევან მეხუზლა ამ ვარაუდს ივნისის ბოლოს განვითარებული პოლიტიკური მოვლენებს უკავშირებს და ამბობს, რომ ეს იყო იმის მიზეზიც, რომ ქართული ღვინის ყველაზე დიდ ბაზარზე ექსპორტი შემცირდა.   შეგახსენებთ, 2019 წლის ივლისში საქართველოდან რუსეთში 3 550 264 ბოთლი ღვინის ექსპორტი განხორციელდა, რაც გასული წლის ანალოგიური პერიოდის მონაცემებზე (4 542 496) 21.8%–ით,...

ქვეშეთი-კობის მაგისტრალი - რუსული საფრთხე თუ სარგებელი საქართველოსთვის?

ქვეშეთი-კობის მაგისტრალი - რუსული საფრთხე თუ სარგებელი საქართველოსთვის?
access_time2019-08-17 20:00:57
რუსეთის მიერ ქვეშეთი-კობის ჩქაროსნული მაგისტრალის სამხედრო დანიშნულებით გამოყენების გამორიცხვა არ შეიძლება, თუმცა, სამხედრო საფრთხეზე მეტად, ეკონომიკური...

სამი პუტინი: მემკვიდრე, ოფიცერი, იმპერატორი

სამი პუტინი: მემკვიდრე, ოფიცერი, იმპერატორი
access_time2019-08-17 16:00:29
„ძალაუფლება რყვნის, ხოლო აბსოლუტური ძალაუფლება რყვნის აბსოლუტურად“.                                                                                        ...

„პოზიტიური მესიჯებით ცდილობენ დაასტაბილურონ ლარი. ადამიანები კი სხვა მდგომარეობას აწყდებიან ქუჩაში - საწვავის, პროდუქტის გაძვირებას..."

„პოზიტიური მესიჯებით ცდილობენ დაასტაბილურონ ლარი. ადამიანები კი სხვა მდგომარეობას აწყდებიან ქუჩაში - საწვავის, პროდუქტის გაძვირებას...
access_time2019-08-17 14:00:48
“როგორც არ უნდა ვისაუბროთ სხვადასხვა ფაქოტრებზე და შეცდომებზე, ერთი მნიშვნელოვანი ფაქტორი, რაც ლარის კურსის ვარდნას იწვევს არის ის, რომ ჩვენი ეკონომიკა არ იზრდება იმ დოზით, რა დოზითაც ლარს სჭირდება გასამყარებლად. ამის მაგალითად შეიძლება მოვიყვანოთ 2004-2012 წლები, როცა ლარი მყარდებოდა“, - ამბობს გია ჯანდიერი, „ახალი ეკონომიკური სკოლა - საქართველოს“ ვიცეპრეზიდენტი, რომელიც არც წინა ხელისუფლების შეცდომებზე საუბრისგან იკავებს თავს, თუმცა, თვლის, რომ მაშინდელი ეკონომიკური ზრდის ტემპი...

საქართველოში სასტუმროების ფასი 10%-ით დაეცა

საქართველოში სასტუმროების ფასი 10%-ით დაეცა
access_time2019-08-17 12:00:09
მიუხედავად მოლოდინებისა, რომ წელს, ზაფხულის სეზონზე ტურისტების შემოდინება შემცირდებოდა, რაც საქართველოს ეკონომიკაზე უარყოფითად აისახებოდა, ოფიციალური მონაცემებით, 2019 წლის მე-2 კვარტალში საერთაშორისო არარეზიდენტი მოგზაურების 2.2 მილიონი შემოსვლა დაფიქსირდა, რაც წინა წლის ანალოგიურ მაჩვენებლთან...


მსგავსი სიახლეები

up