არსებობს კომპანიები, რომლებიც თანამედროვე პირობებში ბიზნესს ეხმარებიან სხვადასხვა პროცესების აწყობაში, საბოლოო ჯამში კი ეხმარებიან ხარჯების და რესურსების ოპტიმიზაციაში. ქართულ ბაზარზე ასეთი კომპანიებია პირველი 24/7 აუთსორსინგლი ქოლ ცენტრი  K•Call და მარკეტინგული კომპანია Sales Partner Group. ამ ორი კომპანიის დამფუძნებელი, სერგო ავსაჯანიშვილი აღნიშნავს: „ჩვენი მიზანი არის ბიზნესის ხელშეწყობა, რათა მან ხარისხიანი სერვისი მიაწოდოს მომხმარებელს, გაზარდოს გაყიდვები და რაც მთავარია ეს ყველაფერი მისთვის იყოს ფინანსურად მომგებიანი. დღევანდელ პირობებში კიდევ უფრო მნიშვნელოვანია უწყვეტი კომუნიკაცია მომხმარებელთან, K•Call კი სწორედ ამას სთავაზობს ბიზნესს”.

Covid-19 ის პანდემიამ შეცვალა მთლიანად მსოფლიო და ეს ცვლილებები კიდევ დიდხანს გასტანს. შეიცვლა ბიზნეს გარემო და ბიზნეს პროცესებიც, ამ მდგომარეობაში გადარჩენის გზა აქვს მხოლოდ იმ კომპანიებს, რომლებიც საკუთარ ბიზნეს პროცესებს მოარგებენ არსებულ სიტუაციას, ხელს შეუწყობენ დისტანციური მომსახურების განვითარებას, ხოლო მარკეტინგულ სტრატეგიაში ძირითად აქცენტს გააკეთებენ ციფრულ აქტივობებზე.

თუმცა, ბიზნესებისთვის ადაპტაციის პროცესი მარტივი არ აღმოჩნდა, დამოუკიდებლად ახალ რეალობაზე გადაწყობა გამოწვევად იქცა. მთლიანი ბიზნეს პროცესის შეცვლა დაკავშირებულია ხარჯებთან, დამატებით დროით და ადამიანურ რესურსთან. თუმცა არის გამოსავალი და ეს გამოსავალი არის აუთსორსი.

როგროც აღინიშნა, სწორედ კომპანია  Sales Partner Group და K•Call, პირველი 24/7 აუთსორსინგული ქოლ ცენტრი საქართველოში, სთავაზობს გამოწვევების წინაშე მდგარ კომპანიებს ისეთი ბიზნეს პროცესების მართვას, როგორიც არის ქოლ ცენტრი, სოციალურ ქსელებში შემოსული შეტყობინებების მართვა, მარკეტინგი, გაყიდვები და სხვა; რაც მთავარია, მინიმალური დანახარჯებით.

„ქეი ქოლი არის ძალიან ძლიერი ინსტრუმენტი თანამედროვე პირობებში ბიზნეს პროცესების დისტანციური მართვის გასამარტივებლად. მისი რესურსი იძლევა საშუალებას მუდმივად კავშირზე იყოთ მომხმარებელთან, უპასუხოთ მის ზარებსა და ნებისმიერი არხიდან შემოსულ შეტყობინებებს, 24 საათის განმავლობაში, კვირაში 7 დღე“ - აღნიშნავს სერგო ავსაჯანიშვილი - „ამასთან, უნდა აღინიშნოს, რომ ქეი ქოლს აქვს სხვა შესაძლებლობებიც რაც ზრდის მის პოტენციალს დისტანცირებული ბიზნეს პროცესების მიმდინარეობისას: სატელეფონო და ჯვარედინი გაყიდვები, მონაცემთა ბაზების გენერირება, რაც მარკეტინგის ძლიერი იარაღია, მომხმარებელთა კმაყოფილების კვლევა და სხვა“.

გამოდის რომ ქეი ქოლი არის ძალიან დიდი შესაძლებლობა ბიზნესებისთვის, რომლის კომპანიის შიგნით ჩამოყალიბება დიდ რესურსს მოითხოვს, ხოლო მის მიერ შეთავაზებული სერვისების აუთსორსის სახით მიღება ამ ყველაფერს ძალიან მომგებიანს ხდის კომპანიებისთვის.

ქეი ქოლთან ერთად მნიშვნელოვანია ყურადღების გამახვილება Sales Partner Group-ზე რადგან ეს ორი კომპანია ერთი მთლიანობაა და ქმნის დიდ ძალას აუთსორსინგულ ბაზარზე.

„აუცილებლად უნდა აღვნიშნო, რომ K•Call ერთად ჩვენ გვაქვს Sales Partner Group, კომპანია რომელიც ბიზნესს სთავაზობს მარკეტინგულ სერვისებს, თუმცა ეს არ არის უბრალოდ მარკეტინგი, ეს არის მარკეტინგული დეპარტამენტი, რომელიც ქოლ ცენტრთან ერთად ქმნის გაყიდვების და ბიზნესის ზრდაზე ორიენტირებულ ძლიერ სისტემას“  - აღნიშნავს სერგო ავსაჯანიშვილი.

დღეს K•Call და Sales Partner Group  არა მხოლოდ ბიზნეს პროცესების აუთსორსზე გატანას სთავაზობს მომხმარებელს, არამედ პარტნიორობას, რჩევებს, მიმდინარე სისტემის ანალიზს, რაც არის მრავალ ფუნქციური და მრავალმხრივი შესაძლებლობების მქონე გადაწყვეტა ნებისმიერი სფეროსა და ზომის ბიზნესისთვის.