აუდიტის სამსახური: სალომე ზურაბიშვილმა  არჩევნების მეორე ტურში 3 038 654 ლარის შემოსავალი მიიღო

აუდიტის სამსახური: სალომე ზურაბიშვილმა არჩევნების მეორე ტურში 3 038 654 ლარის შემოსავალი მიიღო

access_time2018-12-06 16:30:39

საქართველოს ახალარჩეულმა პრეზიდენტმა სალომე ზურაბიშვილმა არჩევნების მეორე ტურის პერიოდში, 15 ნოემბრიდან 28 ნოემბრის ჩათვლით, 3 038 654 ლარის ფულადი შემოსავალი მიიღო, ხოლო ამავე პერიოდში „ნაციონალურ მოძრაობას“ 1 131 989 ლარი აქვს მიღებული.


ამის შესახებ სახელმწიფო აუდიტის სამსახურის მიერ გამოქვეყნებულ ინფორმაციაშია ნათქვამი.


დოკუმენტის თანახმად, ზურაბიშვილმა აღნიშნულ პერიოდში, ფულადი შეწირულობის სახით, ჯამში 2 938 654 ლარი მიიღო, აქედან, ფიზიკური პირებისგან 2 168 654 ლარი, ხოლო იურიდიული პირებისგან 770 000 ლარი. გარდა ამისა, ზურაბიშვილს არაფულადი სახით მიღებული აქვს 406 069 ლარის შეწირულობა. აქედან, იურიდიული პირებისგან 334 236 ლარი, ხოლო ფიზიკური პირებისგან 71 833 ლარი.


ზურაბიშვილის მიერ შევსებული დეკლარაციიდან ირკვევა, რომ პრეზიდენტობის კანდიდატს აღნიშნულ პერიოდში 60-60 ათასი ლარი 15-მა პირა შესწირა.


შემომწირველებს შორის არიან ბიზნესმენები: ზურაბ აღნიაშვილი, დიანა რაჭველიშვილი, მამუკა ლობჟანიძე, ზაალ იაკობიძე, სერგო შუღაროვი, სერგო რუხაძე, ნოდარ მიქაბერიძე, ნაზი ლიპარტელიანი, მერი ჯაფარიძე, ალექსანდრე ბარათურია, გიორგი ჭყონია, ბესიკ მეტრეველი, გიორგი ჭელიძე და ლაურა ლარიონი და დავით მიმინოშვილი.



გარდა ამისა, სოლიდური შეწირულობები აქვთ გაკეთებული: ალექსანდრე მეგუთნიშვილს 51 832 ლარი, ალექსანდრე ამისულაშვილს 50 ათასი ლარი, თემურ კუჭუხიძეს - 40 ათასი ლარი, გელა ტყეშელაშვილს 45 ათასი ლარი, ირაკლი ბექაურს - 30 ათასი ლარი, თემურ კობახიძეს - 30 ათასი ლარი.


ამავე დოკუმენტის თანახმად, სალომე ზურაბიშვილს ფულადი შემოწირულობა მიღებული აქვს „ჯეო სენდისგან“ - 81 ათასი ლარი, „ჯეო კვარცისგან“ ორჯერ - 44 ათასი და 56 ათასი ლარიოს ოდენობით, ასევე, შპს „თანასგან“ 100 ათასი ლარი, „მილადა ინტერნეიშენელისგან“ 100 ათასი ლარი, „ემთიჯი ჯორჯიასგან“ 85 ათასი ლარი, „ტიფლისდისტილერისგან“ 100 ათასი ლარი, „ეიბისისგან“ 100 ათასი ლარი და „ჰელსისგან“ 50 ათასი ლარი.


რაც შეეხება „ნაციონალურ მოძრაობას“, 15-28 ნოემბრის საანგარიში პერიოდში, ფიზიკური პირებისგან ჯამში 667 895 ლარის შეწირულობა აქვს მიღებული, ხოლო 464 094 ლარის საბიუჯეტო დაფინანსება მიიღო.


კერძოდ, დეკლარაციიდან ირკვევა, რომ 15-28 ნოემბრის პერიოდში „ნაციონალურ მოძრაობას“ სოლიდური თანხები, 60-60 ათასი ლარი სამმა პირმა შესწირა: დავით იმედაშვილმა, გელა ჩხეიძემ და მედეა აბაშიძემ (59994 ლარი). 40 ათასი ლარი აქვს პარტიისთვის შეწირული შოთა მალაშხიას, 45 ათასი ლარი ხატია დეკანოიძეს, ხოლო დავით სააკაშვილს 43 ათასი ლარი. 30 ათასი ლარი - პაატა ლეჟავას, 22 ათასი ლარი - ლევან მოსეშვილს, 20-20 ათასი გიორგი მღებრიშვილს, ივანე წერეთელს, პაპუნა პაპავას, გია აფაქიძეს და ნანა ბექაურს, 10 ათასი ლარი - კოტე იოსელიანს.


აუდიტის სამსახური მეორე ტურში მონაწილე პოლიტიკური სუბიექტების ხარჯების შესახებ ინფორმაციასაც აქვეყნებს, რომლის თანახმადაც, სალომე ზურაბიშვილს მეორე ტურის პერიოდში, 15 ნოემბრიდან 28 ნოემბრის ჩათვლით, 3 260 810 ლარის ხოლო „ნაციონალურ მოძრაობას“ 1 257 752 ლარის ხარჯი ჰქონდა.


აუდიტის სამსახურის ინფორმაციით, ყველაზე დიდი თანხა პოლიტიკურმა სუბიექტებმა რეკლამაში დახარჯეს.


კერძოდ, შევსებული დეკლარაციიდან ირკვევა, რომ სალომე ზურაბიშვილს, 15-28 ნოემბრის პერიოდში სატელევიზიო რეკლამაში 2 512 549 ლარი, ბეჭდურ რეკლამაში - 123 329 ლარი, ხოლო ინტერნეტრეკლამაში - 90 990 ლარი აქვს დახარჯული. ამასთან, დეკლარაციაში აღნიშნულია, რომ ამავე პერიოდში ზურაბიშვილმა 70 919 ლარი ღონისძიებაში, ხოლო 78 957 ლარი კვლევაში დახარჯა. გარდა ამისა, 15-28 ნოემბრის პერიოდში ზურაბიშვილმა შრომის ანაზღაურებაზე 21 875 ლარი გასცა, მივლინებებში 1345 ლარი დახარჯა, ოფისის ხარჯებმა 136 609 ლარი შეადგინა. გარდა ამისა, 29 924 ლარი მცირე ღირებულების აქსესუარებზე (მაისურები, კეპები, ქუდები, დროშები და ა.შ.) აქვს დახარჯული.


რაც შეეხება „ნაციონალურ მოძრაობას“, დეკლარაციიდან ირკვევა, რომ მეორე ტურის პერიოდში, რეკლამის ხარჯი ჯამში 916 579 ლარი ჰქონდა, აქედან, სატელევიზო რეკლამაზე 821 750 ლარი, ხოლო ინტერნეტრეკლამაზე 12 235 ლარი დახარჯა. გარე რეკლამაზე კი, 79 856 ლარი ჰქონდა დახარჯული. პარტიამ შრომის ანაზღაურებისთვის 285 577 ლარი გასცა, ოფისის ხარჯები კი, 10 960 ლარი ჰქონდა.






რუსეთის ტუროპერატორების ასოციაცია - რუსი ტურისტები მაინც ჩამოდიან საქართველოში

რუსეთის ტუროპერატორების ასოციაცია - რუსი ტურისტები მაინც ჩამოდიან საქართველოში
access_time2019-06-26 18:30:58
რუსეთის მოქალაქეების უმრავლესობა, ვინც გეგმავდა ამ ზაფხულს საქართველოში ჩასვლას, არ აუქმებს შეკვეთილ ტურებს - იუწყება რუსეთის ტუროპერატორების ასოციაცია. „ნეგატიური პროგნოზების მიუხედავად, შექმნილი სიტუაცია არაა კრიტიკული. ტურების გაუქმების მაჩვენებელი მინიმალურია,“ - განაცხადეს ასოციაციაში. როგორც აღმოჩნდა, რუს ტურისტებს არ აშინებთ საავიაციო მიმოსვლის აკრძალვის - ასოციაციის მონაცემებით, ამჟამად საქართველოში წამსვლელები ჯავშნიან ბილეთებს...

საქართველოს ბიზნეს ასოციაციის განცხადება - ასოციაციის წევრები სრულად ვიზიარებთ ქართული საზოგადოების გულწრფელ და სამართლიან პროტესტს

საქართველოს ბიზნეს ასოციაციის განცხადება -  ასოციაციის წევრები სრულად ვიზიარებთ ქართული საზოგადოების გულწრფელ და სამართლიან პროტესტს
access_time2019-06-26 16:45:37
საქართველოს ბიზნეს ასოციაცია, როგორც ყველაზე მსხვილი ბიზნეს გაერთიანება, რომელიც სამოცდაათზე მეტ მსხვილ კომპანიას აერთიანებს, ბოლო დროს საქართველოში განვითარებულ მოვლენებს ასოციაციის რიგით მეექვსე ყრილობაზე მიღებული განცხადებით გამოეხმაურა. ასოციაციის მე-6 ყრილობა 25 ივნისს გაიმართა, სადაც სხვა საკითხებთან ერთად ასოციაციის სამეთვალყურეო საბჭოსა და სხვა მმართველი ორგანოების წევრები იქნენ...

როგორ უყურებენ ქართულ-რუსული ურთიერთობების გამწვავებას აფხაზეთში

როგორ უყურებენ ქართულ-რუსული  ურთიერთობების  გამწვავებას აფხაზეთში
access_time2019-06-26 20:00:15
რუსეთ და საქართველოს შორის მორიგი გამწვავება  დიდ ინტერესს იწვევს აფხაზურ საზოგადოებაში და ალბათ ფარისევლობა იქნება იმის თქმა, რომ ეს ამბავი ვინმეს ეწყინა. სოციალური ქსელების მომხმარებელთა დიდი ნაწილის დამოკიდებულება ამ მოვლენებისადმი შეიძლება შეფასდეს როგორც „დაიმსახურეს და მიიღეს“. - წერს ekhokavkaza.  (მასალაში მოხსენიებულ აფხაზეთის რესპუბლიკას ან აფხაზეთის ხელისუფლებას „კომერსანტი“ რადიკალურად ემიჯნება. მასალას გთავაზობთ უცვლელად...

„საქართველოს ბიზნეს ასოციაციაში“ რადიკალური ცვლილებები იგეგმება -„გვსურს პარლამენტში ჩვენი წარმომადგენლობა გვყვავდეს“

„საქართველოს ბიზნეს ასოციაციაში“ რადიკალური ცვლილებები იგეგმება -„გვსურს პარლამენტში  ჩვენი წარმომადგენლობა გვყვავდეს“
access_time2019-06-26 16:00:06
„საქართველოს ბიზნეს ასოციაციაში“ ბევრი რამე შეიცვლება“- ასეთ განცხადებას „საქართველოს ბიზნეს ასოციაციის“ უკვე პირველი ვიცე-პრეზიდენტი ლაშა პაპაშვილი „კომერსანტთან“ აკეთებს. მისი ინფორმაციით, ასოციაციაში გუნდი მთლიანად შეიცვალა, არჩეულია “საქართველოს ბიზნეს ასოციაციის პრეზიდენტი“ — სოსო ფხაკაძე, ასევე ახალი აღმასრულებელი დირექტორი -ლევან ვეფხვაძე, მეორე ვიცე-პრეზიდენეტი -არჩილ კონცელიძე. როგორც პაპაშვილი განმარტავს, ასოციაცია...

სომხეთი ცდილობს გახდეს რუსეთ და საქართველოს შორის ტრანზიტის ცენტრი - ერევანიდან თბილისამდე და პირიქით ავტობუსები უფასო იქნება

სომხეთი ცდილობს გახდეს რუსეთ და საქართველოს შორის ტრანზიტის ცენტრი - ერევანიდან თბილისამდე და პირიქით ავტობუსები უფასო იქნება
access_time2019-06-26 15:00:58
რუსეთსა და საქართველოს შორის ბოლოდროინდელი დაძაბულობის შემდეგ, სომხეთი ცდილობს გახდეს რუსეთსა და საქართველოს შორის ავიამიმოსვლის ტრანზიტის ცენტრი. ქვეყნის სამოქალაქო ავიაციის სამმართველოს სტეპან პაიასლიანის თქმით, ავიაკომპანიებს შორის უკვე დაიწყო შესაძლებელი ვარიანტების განხილვა. „მაგალითად, შეიძლება რუსეთიდან თვითმფრინავით ჩასვლა ერევანში, იქედან კი უფასო ავტობუსით თბილისამდე და პირიქით. ასევე...


მსგავსი სიახლეები

up