ატლანტიკო - ბრიუსელში იციან, რომ მსოფლიო ბანკის თანახმად, საქართველოსთან შედარებით მხოლოდ დანიას აქვს ინვესტიციებისთვის უკეთესი გარემო?

ატლანტიკო - ბრიუსელში იციან, რომ მსოფლიო ბანკის თანახმად, საქართველოსთან შედარებით მხოლოდ დანიას აქვს ინვესტიციებისთვის უკეთესი გარემო?

access_time2020-07-01 13:11:16

ევროკავშირის წევრმა ქვეყნებმა, საფრანგეთის წინააღმდეგობის მიუხედავად, მწვანე შუქი აუნთო ალბანეთს საარჩევნო და სასამართლო რეფორმის გატარების პირობით, საქართველოს კი არა მხოლოდ ალბანეთთან შედარებით აქვს ბევრად უკეთესი შედეგები, არამედ კორუფციასთან ბრძოლის, კანონის უზენაესობის პატივისცემის თვალსაზრისით და ეკონომიკური მაჩვენებლებით, ევროკავშირის მასშტაბით “კლასში საუკეთესოა”,- გამოცემა ,,atlantico” სტატიას სახელწოდებით ,, ევროკავშირი ორმაგი სტანდარტების წინააღმდეგ“ აქვეყნებს.


ავტორი, ქრისტოფ-ალექსანდერ პეილარდი კითხვას სვამს, იციან თუ არა ბრიუსელში, რომ მსოფლიო ბანკის თანახმად, საქართველოსთან შედარებით მხოლოდ დანიას აქვს ინვესტიციებისთვის უკეთესი გარემო.


სტატიაში საუბარია საარჩევნო რეფორმაზე, რომელსაც საფრანგეთმა, ევროკავშირმა და ამერიკის შეერთებულმა შტატებმა დაუჭირა მხარი.


,,ევროკავშირი (EU) ახალ კრიზისს ებრძვის, რომელიც უპრეცედენტოა თავისი მოულოდნელობითა და ძალადობრივი ხასიათით. მიუხედავად იმისა, რომ ბევრმა არასწორად გააკრიტიკა ჯანდაცვის მიმართულებით დაგვიანებული რეაგირებისთვის და უგულებელყო მისი რეალური ძალა ამ სფეროში, ახლა, ეკონომიკური და ფინანსური კრიზისის დროს, სწორედ ევროკავშირი წარმოადგენს იმ საერთაშორისო ორგანიზაციას, რომელსაც ძირითადი პასუხისმგებლობები ეკისრება ეკონომიკურ სფეროში. მრავალი დამკვირვებელი კი თვლის, რომ გრძელვადიან პერიოდში მისი გადარჩენის საკითხი შეიძლება, კითხვის ნიშნის ქვეშ დადგეს. საბოლოო ჯამში, რომ განვმარტოთ, ევროკავშირს მისი წევრი სახელმწიფოები ქმნიან. ამ თვალსაზრისით, მას არ შეიძლება დაეკისროს პასუხისმგებლობა ფრანგულ-გერმანულ უთანხმოებაზე ბოლო ათი წლის განმავლობაში (გერმანიის ცალმხრივი გაყვანა ბირთვული ენერგიიდან, საბერძნეთის საქმეში დახმარების გაწევის ოპონირება სუვერენული კრიზისის დროს, მიგრაციის კრიზისი, Brexit-თან დაკავშირებით უთანხმოება), რაც მისი დასუსტების ერთ-ერთი მთავარი მიზეზია. ან რა შეიძლება ითქვას ევროპული სულის ეროზიაზე სახელმწიფოებისა და მთავრობის მეთაურთა მხრიდან, რომლებმაც, წინა თაობისგან განსხვავებით, იცოდნენ მე-20 საუკუნის ტრაგედიების შესახებ და ისიც, თუ როგორ ეფიქრათ მომავალზე? ნიშნავს ეს იმას, რომ ევროკავშირს ვერ გააკრიტიკებენ? ნამდვილად არა. ეს ის შემთხვევაა, როდესაც, სამართლიანი მოპყრობის თვალსაზრისით, იგი ორმაგ სტანდარტებს ექვემდებარება. ნება მიბოძეთ, ამის ორი მაგალითი მოვიყვანო. პირველი მაგალითი არის ევროზონის ბიუჯეტის საკითხი. ბევრს უკვირს ნიდერლანდების წინააღმდეგობა საბიუჯეტო ფედერალიზაციასთან დაკავშირებით.



ეს შეუთავსებლობა კონკრეტული მომენტიდან გამომდინარეობს: 2003 წელს, გერმანიისა და საფრანგეთის მიერ სტაბილურობისა და ზრდის პაქტის დაცვაზე უარის თქმა. კომისია, იმ დროიდან მოყოლებული ვერ ახერხებს, აიძულოს საფრანგეთს საბიუჯეტო ვალდებულებების შესრულება. „მცირე“ სახელმწიფოების მხრიდან დიდი ზეწოლის პირობებში და ევროპული წესებისა და სულისკვეთების საწინააღმდეგოდ მიმართული კომისიის ტოლერანტობის კითხვის ნიშნის ქვეშ დაყენების ფონზე, ჟან-კლოდ იუნკერმა განაცხადა, რომ „საფრანგეთი განსხვავებულია“. ამით, კომისიამ უდიდესი დარტყმა მიაყენა ევროპულ წყობას, რომლის ფედერალური არსი გულისხმობს ,,დიდი" სახელმწიფოების ძალაუფლების შემცირებას ,,პატარა" -ს მიმართ. უსამართლობისთვის საფუძვლის ჩაყრით ევროკავშირმა საკუთარ თავს სერიოზული ზიანი მიაყენა. მეორე მაგალითი არის გაფართოების საკითხი. ამ შემთხვევაშიც, ორმაგი სტანდარტი ძვირად დაუჯდა ევროკავშირს. გავიხსენოთ ის მიზეზები, რომელთა გამოც საბერძნეთი გაწევრიანდა ევროკავშირში 1981 წელს; ვალერი ჟისკარ-დ'ესტენმა შესანიშნავი ოსტატობით უგულებელყო ყველა ევროპული წესი და პირობა და განაცხადა, რომ ”ჩვენ არ ვთამაშობდით პლატონს მეორე დივიზიონში”. აქვე შეგვიძლია, აღვნიშნოთ ევროს ვალუტაზე გადასლა რამდენიმე ქვეყანაში - იტალია, საბერძნეთი - სადაც აშკარად არ აკმაყოფილებდნენ ევროზე გადასვლის კრიტერიუმებს და სამწუხარო შედეგები მოყვა.


გაფართოებასთან დაკავშირებით, ეს ორმაგი სტანდარტი არ გამქარალა. ამრიგად, წევრმა სახელმწიფოებმა, საფრანგეთის წინააღმდეგობის მიუხედავად, მწვანე შუქი მისცეს ალბანეთისა და ჩრდილოეთ მაკედონიის გაწევრიანებასთან დაკავშირებებით მოლაპარაკებების დაწყებას, თუმცა მრავალი პირობით. ალბანეთის შემთხვევაში, ეს მოიცავს საარჩევნო და სასამართლო რეფორმას და კორუფციის წინააღმდეგ უკეთეს ბრძოლას. დასაშვებია აქვე იმის აღნიშვნა, რომ კიდევ ერთი სახელმწიფო, საქართველო, ევროპეიზმისკენ მიიწევს, როგორც მმართველი ელიტის, ისე მოსახლეობის დონეზე? საქართველოს არა მხოლოდ ბევრად უკეთესი შედეგები აქვს ალბანეთსა და ჩრდილოეთ მაკედონიასთან შედარებით, არამედ, მეტწილად, ევროკავშირის ,,კლასში საუკეთესო," ერთი მხრივ, კორუფციასთან ბრძოლისა და კანონის უზენაესობის პატივისცემის თვალსაზრისით, ხოლო, მეორეს მხრივ, ეკონომიკის კუთხით. იციან ბრიუსელსა თუ კანცელარიებში, რომ მსოფლიო ბანკის თანახმად, ევროკავშირში მხოლოდ დანიაშია საწარმოსა და ინვესტიციებისთვის უკეთესი გარემო, საქართველოსთან შედარებით? რაც შეეხება დემოკრატიას, საარჩევნო რეფორმას, რომელიც ახლა განიხილება, მხარი დაუჭირეს საფრანგეთმა, ევროკავშირმა და აშშ-მ. ყოველივე ამის გათვალისწინებით, დასკვნა ერთია: ევროპული პროექტი არის ძალიან მყიფე, რომ წესებიდან და პრინციპებიდან ნებისმიერი სახის გრძელვადიან გადახრას გაუძლოს. გამონაკლისი კი უნდობლობის გაღვივებაა, რაც აშკარად ხელს უშლის მის წინსვლას”,- ნათქვამია სტატიაში.






თეგები:
ატლანტიკო



პირველად ბოლო 6 წელში რკინიგზას სატვირთო გადაზიდვით შემოსავალი გაეზარდა

პირველად ბოლო 6 წელში რკინიგზას სატვირთო გადაზიდვით შემოსავალი გაეზარდა
access_time2020-08-06 17:40:00
პირველად ბოლო 6 წლის განმავლობაში საქართველოს რკინიგზას ტვირთის გადაზიდვით მიღებული შემოსავალი გაეზარდა. სატვირთო გადაზიდვები სახელმწიფო კომპანიის შემოსავლის ყველაზე დიდ ნაწილს აგენერირებს. 2019 წელს რკინიგზამ ამ გზით 109.4 მლნ დოლარი მიიღო, რაც წლიურად 14%-ით გაზრდილი მაჩვენებელია. შემოსავლის ზრდაზე დადებითი გავლენა იქონია როგორც მშრალი, ასევე თხევადი ტვირთების გადაზიდვებმა. ჯამში რკინიგზამ გასულ წელს 174.2 მლნ დოლარის შემოსავალი...

AIRBALTIC-მა თბილისის მიმართულებით რეგულარული ფრენები განაახლა

AIRBALTIC-მა თბილისის მიმართულებით რეგულარული ფრენები განაახლა
access_time2020-08-06 16:00:25
6 აგვისტოს, ლატვიურმა ავიაკომპანია airBaltic თბილისის მიმართულებით რეგულარული ფრენები განაახლა. ინფორმაციას თბილისისა და ბათუმის საერთაშორისო აეროპორტების ოპერატორი კომპანია TAV Georgia ავრცელებს. რიგიდან თბილისში 126 მგზავრი ჩამოფრინდა, ხოლო თბილისიდან რიგის მიმართულებით 141 მგზავრი გაფრინდა. აეროპორტში მოსულ მგზავრებს, ტავის ბრენდირებული პირბადეები დაურიგდათ. 20 აგვისტომდე ფრენები კვირაში ერთი სიხშირით შესრულდება:✔️ რიგა - თბილისი | ყოველ...

პირველი ბრენდირებული ქართული ქვევრის ლუდი ამერიკისა და იაპონიის ბაზარზე

პირველი ბრენდირებული ქართული ქვევრის ლუდი ამერიკისა და იაპონიის ბაზარზე
access_time2020-08-06 16:30:15
ქვევრის ლუდის გამოჩენამ არამარტო ქართულ, არამედ საერთაშორისო ბაზარზე დიდი დაინტერესება გამოიწვია. როგორია დამზადების ტექნოლოგია, როგორ ხვდება ლუდი ქვევრში, რამდენად მაღალია მომხმარებლების დაინტერესება და რა პოზიცია უჭირავს ქვევრის ლუდს საერთაშორისო ბაზარზე – ამ დეტალების გასარკვევად „კომერსანტი“ მწარმოებელი კომპანიის Gotsa Wines-ის მფლობელს ბექა გოცაძეს დაუკავშირდა. „როგორც მეღვინეობაში მთავარი არის ყურძენი და ვენახი, ისე ლუდში მთავარია ალაოდა...

Die Welt: ამერიკა ეკონომიკურ კატასტროფას განიცდის

Die Welt: ამერიკა ეკონომიკურ კატასტროფას განიცდის
access_time2020-08-06 19:50:38
ბოლო თვეებში ამერიკა ეკონომიკურ კატასტროფას განიცდის, 5 წლიანი უწყვეტი ზრდის შედეგები მე-2 კვარტალში დაინგრა, როდესაც ქვეყნის მშპ, ინვესტიციების და შიდა მოხმარების ვარდნის გამო 9,5%-ით დაეცა. 2020 წლის მე-2 კვარტალი ეკონომიკური თვალსაზრისით, ბოლო 75 წლის მანძილზე ყველაზე საშინელი იყო. ამის კარგი მაგალითია ნიუ-იორკი, სადაც მარტის დასაწყისიდან 2800 საწარმო დაიხურა, ხოლო 240 000 მცირე ოჯახური კომპანიიდან (ყავახანები, სილამაზის სალონები, პატარა...

მთავრობა მოქალაქეებს კომუნალურ გადასახადებს ნოემბრის, დეკემბრის, იანვრისა და თებერვალის თვეშიც აუნაზღაურებს

მთავრობა მოქალაქეებს კომუნალურ გადასახადებს ნოემბრის, დეკემბრის, იანვრისა და თებერვალის თვეშიც აუნაზღაურებს
access_time2020-08-06 11:30:25
იმისთვის, რომ ჩვენი მოქალაქეების ოჯახების შემოსავლების კლება, ან სამუშაო ადგილების დაკარგვა დავაკომპენსიროთ, მთავრობამ მიიღო გადაწყვეტილება, კომუნალური გადასახადების მხარდაჭერის თვალსაზრისით გაგრძელდეს ეს პროგრამა ზამთრის 4 თვის განმავლობაში - ნოემბერი, დეკემბერი, იანვარი, თებერვალი, - ამის შესახებ საქართველოს პრემიერ-მინისტრმა გიორგი გახარიამ, მთავრობის სხდომაზე, ანტიკრიზისული გეგმის მე-3 ეტაპზე საუბრისას განაცხადა. როგორც მან განმარტა, პრინციპი იქნება იგივე და 200 კვ...


მსგავსი სიახლეები

up