ირაკლი ხმალაძე  განმარტავს, რატომ არ გამოასწორა 6 წლის განმავლობაში „ქართული ოცნების“ მთავრობამ  წინა ხელისუფლების დროს გაუქმებული რეგულაციები

ირაკლი ხმალაძე განმარტავს, რატომ არ გამოასწორა 6 წლის განმავლობაში „ქართული ოცნების“ მთავრობამ წინა ხელისუფლების დროს გაუქმებული რეგულაციები

access_time2019-01-18 18:00:30

თბილისის ვიცე-მერი ირაკლი ხმალაძე  განმარტავს, რატომ არ გამოასწორა 6 წლის განმავლობაში „ქართული ოცნების“ მთავრობამ  წინა ხელისუფლების დროს გაუქმებული რეგულაციები, რომელიც ექსპლუატაციას ეხებოდა.  მისი განცხადებით, 2009 წელს მოხდა კანონში ცვლილება, რომლის შედეგადაც მოხდა ამ სეგმენტის დარეგულირება. კერძოდ, დღეს ექსპლუატაცია მიუღებელ შენობაში შეიძლება შესახლება.


„ამის შემდეგ მივიღეთ ასეთი რეალობა, რომ დღეს რამდენიმე ათეული ათასი ოჯახი ექსპლუატაციაში მიუღებელ შენობაში ცხოვრობს. ეხლა ამ რეგულაციის შეტრიალება გამოიწვევს იმას, რომ ამდენი ოჯახი რეგულაციასთან წინააღმდეგობაში მოვა. ასე მარტივად შეტრიალება, რომ თუ „ნაციონალურმა მოძრაობამ“ გააუქმა, თქვენ რატომ არ აღადგინეთ, არ შეიძლება. შემიძლია ვთქვა, რომ ამ გაუქმებას მოჰყვა თავისი შედეგები. ათეულობით ათასი ოჯახი ცხოვრობს ექსპლუატაციაში მიუღებელ ბინებში. წარმოიდგინეთ ეს რომ კანონში ჩავწეროთ და უცებ ეს ხალხი უკანონო მაცხოვრებელი გავხადოთ, ეს როგორ უნდა გააკეთო? “-აღნიშნავს ხმალაძე.


საკითხი მას შემდეგ გააქტიურდა, რაც 2019 წლის 16 იანვარს თბილისში, ავთანდილის ქუჩაზე საცხოვრებელ კორპუსში აფეთქება მოხდა. თბილისის მერი კახა კალაძე 18 იანვარს, სპეციალურად გამართულ ბრიფინგზე ერთ-ერთი მედიასაშუალების მიერ გავრცელებულ ინფორმაციას გამოეხმაურა, სადაც დიდ დიღომში მომხდარი ტრაგედია შენობის ექსპლოატაციაში მიღების საკითხს და კორუფციულ სქემას დაუკავშირეს.


თბილისის მერმა  განმარტა, რომ შენობაში ბუნებრივი აირის ქსელების უსაფრთხოება, მოქმედი კანონმდებლობით, არავითარ კავშირში არ არის შენობის ექსპლოატაციაში მიღებასთან. რაც შეეხება კანონს, რომელიც განსაზღვრავს ექსპლუატაციაში მიუღებელ შენობებში ცხოვრების უფლებას, კალაძემ ბრიფინგზე „ არქიტექტურულ და სამშენებლო საქმიანობაზე სახელმწიფო ზედამხედველობის შესახებ“ კანონზე და იმ ნორმებზე ისაუბრა, რომელიც შენობა-ნაგებობის ექსპლუატაციაში მიღებამდე მასში ცხოვრების უფლებას გულისხმობს.


თბილისის მერის, კახა კალაძის განცხადებით, 2006 წელს, არქიტექტურულ-სამშენებლო საქმიანობაზე სახელმწიფო ზედამხედველობის შესახებ კანონში იყო მეხუთე მუხლი, რომლის მიხედვითაც, აკრძალული იყო იმ შენობა-ნაგებობაში შესვლა და ცხოვრება, რომელიც არ იყო ექსპლუატაციაში.



„იმ ადამიანებმა, ვინც დღეს გამოდიან და ცდილობენ პოლიტიკურ სპეკულაციებს, 2009 წელს შეიტანეს ცვლილება და ეს მეხუთე მუხლი საერთოდ ამოიღეს. ანუ დღეს კანონით ადამიანებს თავისუფლად შეუძლიათ იმ შენობა-ნაგებობებში შესვლა, რომელიც ექსპლუატაციაში არ არის მიღებული. ეს გააკეთა იმ პოლიტიკურმა ჯგუფმა, რომელიც არის რუსთავი ორის მფლობელი პარტია და დღეს ჩვენ გვდებს ბრალს, თითქოს ეს არის რაღაც კორუფციული სქემა. ჩვენ ვმოქმედებთ კანონის ფარგლებში.


ამ ხსნის განმავლობაში, რაც ეს ცვლილება განხორციელდა, ჩვენ რეალურად ვხედავთ, რომ ეს არის რეალური პრობლემა, გვყავს ათი ათასობით ოჯახი, გვაქვს ათასობით შენობა, რომელიც არ არის მიღებული ექსპლუატაციაში და იქ ჩვეულებრივად, წლების განმავლობაში ცხოვრობენ ადამიანები. ეს ხდება იმ ცვლილების შედეგად, რომელიც ზუსტად ნაციონალურმა მოძრაობამ განახორციელა. მათ ბევრი რეგულაცია აქვთ ამოღებული და შედეგი გვაქვს სახეზე - რა მდგომარეობაშია დედაქალაქი, დამსახურებაა ნაციონალური მოძრაობის, რომ გააუქმეს რეგულაციები, ამოიღეს კანონიდან მნიშვნელოვანი შემაფერხებელი რეგულაციები, რომელიც განსაზღვრული იყო ”-აღნიშნავს კალაძე.


დედაქალაქის დღევანდელ მერს თბილისის ყოფილმა მერმა გიგი უგულავამ უპასუხა.

ევროპული საქართველოს გენერალური მდივანის, გიგი უგულავას  განმარტებით, 2009 წელს საკანონმდებლო ცვლილებებით გაუქმდა ჯარიმები იმ ადამიანების მიმართ, რომლებიც ექსპლუატაციაში მიუღებელ შენობებში ცხოვრობდნენ. დედაქალაქში ათი ათასობით ასეთი ადამიანია, განსაკუთრებით კი დევნილები, რომლებიც ცხოვრობენ მათ შორის სახელწიფო საკუთრებაშიც და ვერ ირეგისტრირებენ ფართს, ამიტომ ვერ შეჰყავდათ კომუნალური სერვისები.


თუ მაინცდამაინც ეს კანონი არ ვარგოდა, 7 წელიწადია ქართული ოცნება ხელისუფლებაშია, 3 წელიწადი ბატონი ნარმანია მერი იყო და დღეს ენერგეტიკის მარეგულირებელ კომისიაშია ასტრონომიულ ხელფასზე დანიშნული. მასაც შეეძლო, თუ მაინცდამაინც ცვლილებაა საჭირო. მაგრამ აქ ცვლილება არ არის საჭირო, აქ პრობლემა არის იმაში, რომ ჩვენ გვყავს ხელისუფლება, რომლის ერთადერთი საბაზისო და ერთადერთი ინსტინქტი არის გაიშვიროს ხელი წინამორბედისკენ; გაიშვიროს ხელი ნებისმიერი ადამიანისკენ, ოღონდ კი თვითონ არ იყოს პასუხისმგებელი რამეზე. და როდესაც ხელისუფლება პასუხისმგებლობას არ იღებს არაფერზე, ის ხელისუფლება ვერასდროს მოგვიტანს ჩვენ სიკეთეს, ვერასდროს მოუტანს კახი კალაძე სიკეთეს თბილისელებს, იმიტომ, რომ ერთი დღეც კი ვერ გაძლო პოლიტიკური კინკლაობის და პოლიტიკური გადაბრალების გარეშე, - ამბობს უგულავა.


ავტორი: სოფო ქსოვრელი 







პრემიერი ამომრჩეველს გამოცხადებული ნდობისთვის მადლობას უხდის

პრემიერი ამომრჩეველს გამოცხადებული ნდობისთვის მადლობას უხდის
access_time2019-05-19 23:12:50
მინდა ყველას მივულოცო არჩევნების ძალიან მაღალი სტანდარტით ჩატარება, მინდა კიდევ ერთხელ ყველა დავარწმუნო, რომ ყველა ის პროექტი თუ იდეა, რომელიც ჩვენს საზოგადოებასთან შეთანხმდა, აუცილებლად გაკეთდება უმოკლეს ვადებში, - ამის შესახებ პრემიერ-მინისტრმა მამუკა ბახტაძემ რამდენიმე წუთის წინ გამართულ ბრიფინგზე განაცხადა. პრემიერმა ამომრჩეველს გამოცხადებული ნდობისთვის მადლობა გადაუხადა. „მინდა ყველას მივულოცო არჩევნების ძალიან მაღალი...

დავის მედიატორის მიმართვა შპს „ჯორჯიან მანგანეზის“ ადმინისტრაციისა და გაფიცული დასაქმებულებისადმი

დავის მედიატორის მიმართვა შპს „ჯორჯიან მანგანეზის“ ადმინისტრაციისა და გაფიცული დასაქმებულებისადმი
access_time2019-05-19 21:53:45
შპს „ჯორჯიან მანგანეზი“ განცხადებას ავრცელებს, რომელშიც „ჯორჯიან მანგანეზი“ პასუხობს დავის მედიატორის მიმართვას. ინფორმაციაში აღნიშნულია, რომ კომპანია მზადაა, დასაქმებულებთან მოლაპარაკება აწარმოოს.   2019 წლის 18 მაისს, შპს ,,ჯორჯიან მანგანეზის“ ადმინისტრაციასა და გაფიცულ დასაქმებულებს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მიერ დანიშნულმა მედიატორმა მიმართა, კანონით სავალდებულო...

გია ხუხაშვილი - რა შედეგითაც არ უნდა დასრულდეს არჩევნები, სახელმწიფო მაინც წაგებულია

გია ხუხაშვილი - რა შედეგითაც არ უნდა დასრულდეს არჩევნები, სახელმწიფო მაინც წაგებულია
access_time2019-05-19 19:30:25
ეს ხომ მარაზმია, ამ ორ პოლუსიან შულერულ თამაშს გვაყურებინებენ, - ამის შესახებ „პალიტრანიუსის“ გადაცემაში „360 გრადუსში“ პოლიტოლოგმა გია ხუხაშვილმა განაცხადა და დღევანდელი საარჩევნო პროცესი შეაფასა ხუხაშვილის თქმით, რა შედეგითაც არ უნდა დასრულდეს არჩევნები, სახელმწიფო მაინც წაგებულია. „რა მნიშვნელობა აქვს, ვინ მოიგებს ამ არჩევნებს ზუდიდში?! სახელმწიფო ყველა შემთხვევაში წაგებულია. ახლა მხოლოდ იმაზე ვფიქრობთ, რამე უბედურება არ...

PwC – 2018 წელს ტოპ-მენეჯერების მხრიდან სამსახურის დატოვების რეკორდული რაოდენობა დაფიქსირდა

PwC – 2018 წელს ტოპ-მენეჯერების მხრიდან სამსახურის დატოვების რეკორდული რაოდენობა დაფიქსირდა
access_time2019-05-19 18:00:09
წამყვანი კომპანიების ტოპ-მენეჯერების მხრიდან სამსახურის დატოვების შემთხვევებმა 2018 წელს რეკორდულ მაჩვენებელს მიაღწია. ამის შესახებ აღნიშნულია PwC-ის კვლევაში -...

მერის რიგგარეშე არჩევნები 5 მუნიციპალიტეტში მიმდინარეობს

მერის რიგგარეშე არჩევნები 5 მუნიციპალიტეტში მიმდინარეობს
access_time2019-05-19 09:00:18
მერის რიგგარეშე არჩევნები ხუთ მუნიციპალიტეტში იმართება. დღეს მერებს აირჩევენ მარნეულში, ზესტაფონში, ჭიათურაში, ზუგდიდსა და ხულოში. მერების არჩევა საარჩევნო ბარიერის პირობებში ხდება და გამარჯვებულად ის კანდიდატი ჩაითვლება, ვინც ხმების 50%-ზე მეტს მიიღებს. მეორე ტურის დანიშვის შემთხვევაში კი, მისი გამართვის ბოლო ვადა 13 ივნისია. მარნეულში მერობის 15 კანდიდატია რეგისტრირებული: - “მოძრაობა სახელმწიფო ხალხისთვის” - ელენე გაბინაშვილი; “ევროპული საქართველო...


მსგავსი სიახლეები

up