ათ წელიწადში ნაღდი ფული არ იარსებებს - ტრადიციულ საბანკო სისტემას რყევები ელოდება

ათ წელიწადში ნაღდი ფული არ იარსებებს - ტრადიციულ საბანკო სისტემას რყევები ელოდება

access_time2016-03-08 16:00:17

მომდევნო 5 წლის განმავლობაში ფინანსები იმაზე ძლიერად შეიცვლება, ვიდრე წინა 30 წლის განმავლობაში – განაცხადა უმსხვილესი საგადასახადო სისტემის PayPal–ის გენერალურმა დირექტორმა დენ შულმანმა სესიაზე „ფინანსების ტრანსფორმაცია,“ რომელიც დავოსის ეკონომიკური ფორუმის ფარგლებში გაიმართა.


მას ეთანხმება საერთაშორისო სავალუტო ფონდის ხელმძღვანელი კრისტინ ლაგარდი.

 

„ვისაც შვილები ჰყავს, ამჩნევენ, რომ ისინი ბანკში არ დადიან – ბევრი მათგანი, შესაძლოა, არასდროს ყოფილა ბანკის განყოფილებაში, თუმცა ამასთანავე ახორციელებენ საბანკო ოპერაციებს სხვა არხებისა და აპლიკაციების გამოყენებით, რომლებიც ოპერაციონისტების მონაწილეობას არ საჭიროებს. ეს, რა თქმა უნდა, შეარყევს ბევრი ტრადიციული ბანკის ბიზნესს,“ –  განაცხადა ლაგარდმა.

 

კომპანიები იყენებენ ახალ ტექნოლოგიებს, რათა შეამცირონ ხარჯები და რისკების მართვა სრულყონ. The Economist–ის ინფორმაციით, ინვესტირებამ ამ დარგში, რომელმაც ფინტექის სახელწოდება მიიღო,  2014 წელს 12 მილიარდ დოლარს მიაღწია, რაც წინა წელთან შედარებით გაოთხმაგებული მაჩვენებელია.

 

ათ წელიწადში ნაღდი ფული არსებობას შეწყვეტს – ისინი საშინლად არაეფექტური და ძვირია და თამაშობენ მნიშვნელოვან როლს ჩრდილოვან ეკონომიკაში – ამის შესახებ Deutsche Bank–ის ხელმძღვანელმა ჯონ კრეინმა განაცხადა, და მას ყველა დაეთანხმა.


შულმანის თქმით, მსოფლიოში ფულადი ოპერაციების 85% ჯერ  კიდევ ნაღდი ფულის საშუალებით ხორციელდება, თუმცა მისივე განცხადებით, ფული სულ უფრო მეტად „ციფრულდება“, ჩეკები კი ქრება. მისივე აზრით, ამას პირველ რიგში, მობილური ტექნოლოგიები უწყობს ხელს. 

 

„მალე პლანეტის თითოეულ მოქალაქეს ექნება სმარტფონი, რომელიც შეიცავს მთელი საბანკო განყოფილების ფუნქციებს,“– დარწმუნებულია შულმანი. 


ვირტუალური ვალუტის სწრაფი ტემპებით განვითარება ლაგარდმაც აღნიშნა, თუმცა განაცხადა, რომ მათზე საფინანსო ოპერაციების საკმაოდ მცირე წილი მოდის. დღეს მსოფლიოში 7 მილიარდი დოლარის ღირებულების ვირტუალური ვალუტაა გამოშვებული, ისინი მოხმარებაში ძალიან მოსახერხებელია – მათი გამოყენება ამცირებს დანაახრჯებს, ხელს უწყობს ფინანსური მომსახურებების უფრო ფართედ გამოყენებას, მათ შორის იქ, სადაც ბანკები არ არიან.. 


ეპოქა big data


ინფორმაციის მოცულობა, რომელსაც ფინანსური კომპანიები იყენებენ, უზარმაზარი ტემპებით იზრდება – განაცხადა შულმანმა. 


„ალგორითმი ესაა ციფრული კომპანიების იარაღი, მათი საბრძოლო მასალა კი მონაცემებია. რაც უკეთესია ამ მონაცემების ხარისხი, მით უფრო ხარისხიან მომსახურებას ახორციელებენ ისინი,“ – განაცხადა მან.


Zurich Insurance–ის დირექტორთა საბჭოს თავმჯდომარე ტომ დე სვანი დარწმუნებულია, რომ  ერთერთი ფინანსური სფერო, რომელსაც big data ყველაზე მეტად შეცვლის, დაზღვევაა. 


Big data კარდინალურად ცვლის რისკის ცნებისადმი დამოკიდებულებას. სვანის თქმით, ფინანსური სამყარო ჯერ კიდევ ცდილობს კლიენტების ნდობის აღდგენას, რომელიც მსოფლიო ფინანსურმა კრიზისმა დაამსხვრია. ამ ვითარებაში, მისივე შეფასებით, რთული იქნება ადამიანების დარწმუნება, მიაწოდონ კორპორაციებს ახალი მონაცემები, რათა ახალი პროდუქტები შექმნან.


შულმანის შეფასებით, მომდევნო დიდი სტრესი ფინანსური ბაზრებისთვის იქნება არა რომელიმე ბაზრის ჩამოშლა, არამედ ჰაკერული შეტევა ფინანსურ სისტემაზე, რასაც ის ჯოჯოხეთს ადარებს და ამბობს, რომ ამ საფრთხეს არცერთი სტრეს–ტესტი არ ითვალისწინებს.


შულმანი ამბობს, რომ ჩვენ მივდივართ ახალი სამყაროსკენ, რომელიც გულისხმობს ახალ აზროვნებას, და მაშასადამე, ფინანსური სფეროს რეგულირების ცვლილებას.

 

აუწყობს თუ არა მსოფლიო ფინანსურ ტენდენციებს საქართველოს საბანკო და ტექნოლოგიური სექტორები და  რას ფიქრობენ „ნაღდი ფულის გარეშე ცვოვრების“ პერსპექტივაზე ქართველი ბიზნესმენები, ბანკირები და სხვადასხვა პროფესიის წარმომადგენლები? თემის გაგრძელებას დაელოდეთ commersant.ge-ზე.



უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს

უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
access_time2020-05-25 10:30:54
უძრავი ქონების პლატფორმა Livo-ს გადაწყვეტილებით, 2 თვის განმავლობაში, ნებისმიერი  მსურველი სამშენებლო კომპანია კვალიფიციურ, ინდივიდუალურ კონსულტაციას სრულიად უსასყიდლოდ მიიღებს. კომპანიებს კონსულტაციას ლივოს წარმომადგენლები  საცხოვრებელი უძრავი ქონების გაყიდვების სტრატეგიის დაგეგმვის მიმართულებით გაუწევენ. მომსახურებით რამდენიმე პარტნიორმა სამშენებლო კომპანიამ უკვე ისარგებლა. ლივოს კონსულტაციის შედეგად, არსებული გამოწვევის ფონზე,...

„საკმაოდ პესიმისტური პროგნოზი გვაქვს, ალბათ, რესტორნების დიდი ნაწილი ასეთ რეგულაციებს ვერ გაუძლებს“

 „საკმაოდ პესიმისტური პროგნოზი გვაქვს, ალბათ, რესტორნების დიდი ნაწილი ასეთ რეგულაციებს ვერ გაუძლებს“
access_time2020-05-24 19:00:27
„საკმაოდ პესიმისტური პროგნოზი გვაქვს. ალბათ, რესტორნების დიდი ნაწილი ასეთ რეგულაციებს ვერ გაუძლებს“,- ამის შესახებ საქართველოს რესტორატორთა ასოციაციის პრეზიდენტმა კოტე გაბრიჩიძემ „ბიზნესპრესნიუსთან“ საუბრისას განაცხადა. აღნიშულით ის covid19-თან დაკავშირებით მიღებულ...

საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება

საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება
access_time2020-05-24 10:00:55
საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება. შესაბამისი გადაწყვეტილება საქართველოს მთავრობის N322 დადგენილებაშია ასახული.  ჩერდება: სარკინიგზო ტრანსპორტით მგზავრთა გადაყვანა, გარდა სამომსახურეო სარკინიგზო მიმოსვლისა, რომლის ფარგლებში სატვირთო გადაზიდვების შეუფერხებლად წარმოების მიზნით ხდება სს „საქართველოს რკინიგზის“ მიერ შემუშავებული გრაფიკით თანამშრომლების გადაადგილება/გადაყვანა საცხოვრებელი...

ქართულ ეთერზეთს უკვე ევროპაშიც ყიდიან

ქართულ ეთერზეთს უკვე ევროპაშიც ყიდიან
access_time2020-05-24 18:00:45
წლების განმავლობაში საქართველოში მრეწველობის ისეთი მნიშვნელოვანი დარგიც განადგურდა, როგორიც ეთერზეთების წარმოებაა, არადა, ევროპის ბაზარზე ამ პროდუქციაზე დიდი მოთხოვნაა. მას იყენებენ პარფიუმერიაში, მედიცინაში, კულინარიასა თუ ქიმიურ მრეწველობაში. თავის დროზე საბჭოთა კავშირი რამდენიმე სახეობის ეთერზეთს სწორედ საქართველოდან გზავნიდა....

ფრანგები თვეში საშუალოდ 5.9 მლრდ ევროს ზოგავდნენ, მარტში ეს მაჩვენებელი 19,6 მლრდ. ევრომდე გაიზარდა - პანდემიის შემდეგ ფრანგები ცხოვრების წესს ცვლიან

ფრანგები თვეში საშუალოდ 5.9 მლრდ ევროს ზოგავდნენ, მარტში ეს მაჩვენებელი 19,6 მლრდ. ევრომდე გაიზარდა - პანდემიის შემდეგ ფრანგები ცხოვრების წესს ცვლიან
access_time2020-05-24 20:00:33
  გასულ კვირას საფრანგეთში იზოლაციის რეჟიმიდან გასვლა დაიწყო - მოქალაქეებს მოხმარების და გადაადგილების გაცილებით მეტი შესაძლებლობები გაუჩნდა.   თუმცა, კვლევების თანახმად, ფრანგები სამომხმარებლო ქცევის შეცვლას და მეტ ფულის დაზოგვას გეგმავენ. პრიორიტეტების იცვლება - ზოგი მეტად ადგილობრივი საქონლის შეძენას, ზოგი ჰიპერმარკეტებში ვაჭრობაზე უარის თქმას, ზოგი ონლაინ-ყიდვების გააქტიურებას, ზოგი - ჯანმრთელობაზე დანახარჯების ზრდას აპირებს.   ეს...


მსგავსი სიახლეები

up