AstraZeneca-ს ვაქცინა ევროკავშირს 870 მილიონი ევრო დაუჯდება

AstraZeneca-ს ვაქცინა ევროკავშირს 870 მილიონი ევრო დაუჯდება

access_time2021-02-22 11:30:00

ევროკომისია შვედურ-ბრიტანულ კომპანიას AstraZeneca-ს 870 მილიონ ევროს გადაუხდის 300 მილიონი დოზა ვაქცინისთვის. ამის შესახებ იტალიური პრესა ექსკლუზიურად წერს. კონტრაქტის დეტალების თანახმად, რომელიც ტელეკომპანია RAI-ის ჩაუვარდა ხელთ, ევროკავშირმა უკვე მიწოდებამდე გადაუხადა AstraZeneca-ს 336 მილიონი ევრო. კავშირის წევრ ქვეყნებს კი დამატებით 534 მილიონის გადახდა მოუწევთ, მას შემდეგ რაც კომპანია შეკვეთას შეასრულებს. აღნიშნული თანხა დაფარავს ვაქცინის მომზადებისა და წარმოების ყველა ეტაპს, მათ შორის ნედლეულის ღირებულებას და ვაქცინის რეგისტრაციის ხარჯებსაც ევროპის წამლის სააგენტოში.



ჟურნალისტების ინფორმაციით, ვაქცინის თითო დოზის ღირებულება 2,9 ევროა. ამასთან 1,12 ევროს იხდის ევროკავშირის ბიუჯეტი, ხოლო 1,78 ევროს ვაქცინის მიმღები ქვეყნები. თუმცა, ასეთი არაკომერციული ფასი იმოქმედებს მხოლოდ 2021 წლის ივლისამდე, რის შემდეგაც ფარმაცევტულ კომპანიას ფასის გაზრდა შეუძლია.



ცნობისთვის, AstraZeneca-სთან კონტრაქტს ევროკავშირმა გასული წლის 27 აგვისტოს მოაწერა ხელი. კონტრაქტით კავშირი იღებდა 300 მილიონ დოზას, დამატებით 100 მილიონის შესყიდვის შესაძლებლობით. პირველად ნავარაუდევი იყო, რომ პირველ 30-80 მილიონ დოზას ევროკავშირი მიიღებდა 2020 წლის ბოლომდე, თუმცა, ვადები არ იქნა დაცული სერტიფიცირების დაგვიანების გამო. მიწოდების კალენდრის მიხედვით იანვარში ევროკავშირს უნდა მიეღო 40 მილიონი დოზა, 30 მილიონი თებერვალში, 20 მილიონი მარტში, 80 მილიონი აპრილში, 40 მილიონი მაისში და 60 მილიონი ივნისში. 300 მილიონი დოზის მიწოდება სრულად უნდა მომხდარიყო მიმდინარე წლის პირველი ნახევრის დასრულებისთვის. ამასთან, კონტრაქტში არ არის გაწერილი არანაირი ჯარიმა ვადების დარღვევისთვის, თუმცა ევროკავშირს აქვს უფლება გაწყვიტოს კონტრაქტი. ამავდროულად ყველა ხარჯი „გვერდითი ეფექტის“ შემთხვევაში, შემკვეთის მხრებზე რჩება.




AstraZeneca-ს ვაქცინების ეფექტიანობა შეფასებულია 85%-ით. ამასთან, მისი მიღება თავიდან რეკომენდირებული იყო 55 წლამდე პირთათვის, თუმცა, შემდეგ ეს ასაკი გაიზარდა 65 წლამდე, მაგრამ რეკომენდირებულია, რომ ეს ადამიანები არ იყვნენ სერიოზული დაავადებების მატარებელი.




BPN.GE







თეგები:
ვაქცინა



„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up