აშშ–ის მოქმედი და ყოფილი პრეზიდენტების სახლები, რომლებიც იყიდება

აშშ–ის მოქმედი და ყოფილი პრეზიდენტების სახლები, რომლებიც იყიდება

access_time2019-03-02 22:10:25

სახლები, რომლებიც ერთ დროს ამერიკის შეერთებული შტატების პრეზიდენტებს ეკუთვნოდათ, დღეს ნებისმიერი ადამიანისთვის ხელმისაწვდომია, რადგან თითოეული მათგანი იყიდება. 

ვირჯინიის შტატის ქალაქ მიდელბურგის მახლობლად მდებარე თანამედროვე რანჩო ჯონ კენედისა და მის ცოლს ეკუთვნოდა. ამ სახლის დიზაინი ყოფილი პირველ ლედის შემოქმედებაა და ოჯახი მას განტვირთვისა და უქმეების გასატარებლად იყენებდა, მაგრამ მხოლოდ სამი შაბათ-კვირა გაატარა იქ პრეზიდენტმა კენედიმ, რადგანაც იგი მალევე, 1963 წელს მოკლეს. რამდენიმე თვეში რანჩოც გაიყიდა. ოთხ–საძინებლიან სახლს სახელწოდება “Wexford” კენედის წინაპრების საცხოვრებელი ადგილის საპატივცემულოდ ეწოდა. ამჟამად, აღნიშნული ქონება 5.95 მილიონ აშშ დოლარად იყიდება, თუმცა თავდაპირველი ფასი შედარებით მაღალი - 2013 წელს 10.99 მლნ დოლარი იყო, ხოლო 2015 წელს - 7.95 მლნ დოლარი. 

ჯეკი კენედი-ონასისის ბავშვობისდროინდელი საზაფხულო ვილა 

კენედის ოჯახთან დაკავშირებული კიდევ ერთი სახლი – “Lasata” იყიდება, რომელიც ჰამპტონში მდებარეობს და რომელიც 1917 წელს, არქიტექტორ არტურ ჯექსონის პროექტით აშენდა. აღნიშნული სახლი განთქმულია იმით, რომ გასული საუკუნის 30–იან წლებში იგი ბუვიერების ოჯახის საზაფხულო რეზიდენციას წარმოადგენდა. ამავე ვილაში აქვს გატარებული ბავშვობის წლები ამერიკის პირველ ლედის ჟაკლინ კენედი ონასისს. ვილა შვიდ ჰექტარ მიწაზეა გაშენებული, აღმოსავლეთ ჰამპტონის სოფელში, ოკეანესთან ახლოს. იგი შედგება 10 საძინებლისგან. ტეროტორიაზე ასევე განლაგებულია: კერძო ავტოფარეხი, ორ–საძინებლიანი სახლი საკუთარი ბასეინით და ერთ–საძინებლიანი სტუმრისათვის განკუთვნილი სახლი. 

ბუვიერების ეს ვილა, ამჟამად, მოდის დიზაინერს რიდ კრაკოვს ეკუთვნის, თუმცა 38,995 მილიონ აშშ დოლარად იყიდება, სახლის მიმდებარე ტერიტორია კი 14.995 მლნ დოლარად არის შეფასებული. 

ჩესტერ არტურის საზაფხულო რეზიდენცია 

ჰამპტონი მხოლოდ ბუვიერების საყვარელ ადგილს როდი წარმოადგენდა. ჩესტერ არტური 1881 წელს გახდა ამერიკის 21-ე პრეზიდენტი, მას შემდეგ, რაც მისი წინამორბედი ჯეიმს გარფილდი მოკლეს. არტურიც სწორედ ჰემპტონში მდებარე თავის ე.წ. “საზაფხულო თეთრ სახლში“ ატარებდა უქმეებს. დიდი ხნის შემდეგ კი, ჰემპტონი ყველაზე მოდურ დასასვენებელ ადგილად იქცა. 

ჩესტერ არტურის სამ–სართულიანი სახლი 1796 წელს აშენდა და ახლახანს გარემონტდა. იგი 6 საძინებლისგან, ბუხრიანი ბიბლიოთეკისგან, სასადილო და მისაღები ოთახებისგან შედგება, რომლებიც ბაღს და ბასეინს გადაჰყურებს. ეს სახლი 14.2 მილიონ აშშ დოლარად იყიდება. 

პრეზიდენტ ობამას ვილა “მართას ვენახებში” 

ეს აშშ–ის ყოფილი პრეზიდენტის ბარაკ ობამას საზაფხულო რეზიდენცია გახლავთ, რომელსაც წყვილი საკმაოდ ხშირად იყენებდა ოჯახური შეკრებებისთვის. სახლიდან იშლება სამხრეთ სანაპიროს პანორამული ხედი. აღსანიშნავია ისიც, რომ 9 ჰექტარ მიწაზე განლაგებულ ვილაში მისასვლელად ცალკე გზა არის გაყვანილი. ვილა აღჭურვილია თანამედროვე გათბობის სისტემით, აქვე შეხვდებით უშველებელ აუზს, კალათბურთის მოედანს, ტერასებს, უზარმაზარ ვერანდას და ორსაძინებლიან კერძო კოტეჯს, რომელიც სტუმრებისთვისაა განკუთვნილი. 2015 წელს ვილა 22.5 მილიონ აშშ დოლარად იყო შეფასებული. ამჯამად კი, 19.125 მილიონ დოლარად იყიდება. 

სახლი, სადაც დონალდ ტრამპა ბავშვობა გაატარა 

დონალდ ტრამპის ბავშვობისდროინდელი სახლი ქალაქ ნიუ იორკის დაბა ქუინსში მდებარეობს. იგი ტრამპის მამამ, ამახანაგობა “Jamaica Estates”-ის დახმარებით, 1940 წელს ააშენა. სწორედ ამ სახლის მისამართია მითითებული ამერიკის ამჟამინდელი პრეზიდენტის დაბადების მოწმობაში. მოგვიანებით ტრამპების ოჯახი, შედარებით მოზრდილ ბინაში გადავიდა, მაშინ დონალდი 4 წლის იყო. დაბა ქუინსში მდებარე ბინა ამჟამად აუქციონზეა გატანილი და თავის მომავალ მფლობელს ელოდება. 

ივანკა ტრამპის პენტჰაუსი 

ივანკა ტრამპზე არაერთი ჭორი გავრცელებულა იმის შესახებ, რომ მას პირველი ლედის ფუნქციები ჰქონდა შეთავსებული მამის, დონალდ ტრამპის საპრეზიდენტო კამპანიაში. ივანკას მეუღლე ჯარედ კუშნერი კი პრეზიდენტის მთავარი მრჩეველია. წყვილი ამჟამად, მანჰეტენზე მდებარე, მათ საკუთრებაში არსებულ პენტჰაუსს 4.1 მილიონ აშშ დოლარად ყიდის. 2004 წელს ამ სახლის ღირებულება 1.52 მილიონ ამერიკულ დოლარს შეადგენდა. მოგვიანებით კი, იგი იმ შპს-ს სახელზე ირიცხებოდა, რომელსაც ივანკა ტრამპი 2015 წლიდან ფლობს. 




bm.ge

თეგები:
აშშ



გარდაბანში უახლესი ტექნოლოგიებით აღჭურვილი თბოელექტროსადგური გაიხსნა

გარდაბანში უახლესი ტექნოლოგიებით აღჭურვილი თბოელექტროსადგური გაიხსნა
access_time2020-01-17 13:00:43
გარდაბანში უახლესი ტექნოლოგიებით აღჭურვილი, 230 მეგავატი დადგმული სიმძლავრის მქონე „გარდაბნის თბოელექტროსადგური 2“  გაიხსნა.  მაღალი ეფექტიანობითა და გარემოს დაცვითი ტექნოლოგიით გამორჩეული ობიექტი საქართველოს ნავთობისა და გაზის კორპორაციის  180 მილიონამდე აშშ დოლარის ინვესტიციით  აშენდა. თბოელექტროსადგურის სამშენებლო ფაზა 2018 წლის თებერვლიდან 2019 წლის დეკემბრამდე გრძელდებოდა და ელექტროენერგიის გენერაციას მიმდინარე წლის ზამთრის...

მთავრობის ადმინისტრაცია სამთო კურორტებზე წყალგაყვანილობის პრობლემას აღიარებს

მთავრობის ადმინისტრაცია სამთო კურორტებზე წყალგაყვანილობის პრობლემას აღიარებს
access_time2020-01-17 17:00:50
ზამთრის კურორტებს წელს რთული სეზონი ჰქონდათ. უჩვეულოდ თბილი და უთოვლო ზამთრის გამო,საქართველოს სამთო კურორტები  ტურისტების შემცირებულ რაოდენობას მასპინძლობენ. თოვლის გარდა, მთის კურორტები სხვა გამოწვევის წინაშეც იდგნენ, უწყლობის გამო, ბაკურიანსა და გუდაურში ტურისტები ან არ ჩადიოდნენ ან უკვე დაჯავშნილ სასტუმროებს ტოვებდნენ. კერძო სექტორის თქმით, უწყლოდ დარჩენილ კურორტზე ზამთრის სეზონი...

ვანის ღვინის ქარხანა „არგონავტები“ სავარაუდოდ, 2021 წელს გაიხსნება

ვანის ღვინის ქარხანა „არგონავტები“ სავარაუდოდ, 2021 წელს გაიხსნება
access_time2020-01-17 15:35:47
ბიზნესმენმა, „ჯიდიჯი ჯგუფის“ დამფუძნებელმა  ბეჟან წაქაძემ  ვანში, ღვინის ქარხანა „არგონავტების“ გახსნა 1 წლით გადადო. ამის შესახებ „კომერსანტს“ თავად ბიზნსმენმა განუცხადა. მისი ინფორმაციით,ქარხანა 2021 წელს გახსნება,შესაბამისად, ყურძენს მომავალი წლის ოქტომბერში მიიღებს. მიზეზი, რის გამოც პროექტის განხორციელება დროებით გადაიდო, ადგილზე არსებული სამუშოებია.  „როდესაც ეს ქარხანა ვიყიდე, მეგონა, რომ სხვა მოცემულობა დამხვდებოდა. როგორც აღმოჩნდა,...

იტალიელები ქუთაისში ჩამოვიდნენ – „გვინდა, კარგი კლუბი შევქმნათ“

იტალიელები ქუთაისში ჩამოვიდნენ – „გვინდა, კარგი კლუბი შევქმნათ“
access_time2020-01-17 14:40:38
ქუთაისში ფაბიო მანინი და იტალიელი ბიზნესმენების ჯგუფი იმყოფებიან, რომლებსაც ქუთაისის „ტორპედოს“ საკუთრებაში აყვანა სურთ.ქუთაისელ გულშემატკივართა კლუბმა „ჩვენ ვართ ტორპედო“-მ იტალიელი ბიზნესმენის მიერ შეხვედრის შემდეგ გაკეთებული კომენტარი გაავრცელა. „ქუთაისში იმისთვის ვარ, რომ ვიყიდო და ვმართო ქუთაისის „ტორპედო”. ამ საკითხს ქუთაისის მერიასთან განვიხილავ. ველოდებით, რომ ეს შეთანხმება, რაც შეიძლება მალე დავასრულოთ. მანამდე კი სპონსორის ვალდებულებები დავაზუსტეთ, რაც ჩვენ...

„ჯანდაცვის ახალი რეფორმა, სწორი თუ მცდარი ნაბიჯები“

„ჯანდაცვის ახალი რეფორმა, სწორი თუ მცდარი ნაბიჯები“
access_time2020-01-17 13:59:43
„ჯანდაცვის ახალი რეფორმა, სწორი თუ მცდარი ნაბიჯები”- ამ სახელწოდებით KAS EPRC ეკონომიკურმა არენამ გამოქვეყნა კვლევა, რომელიც ეძღვნება საქართველოში მიმდინარე ჯანდაცვის რეფორმას. დოკუმენტი ზოგადად მიმოიხილავს საქართველოს ჯანდაცვის სისტემას, ჰოსპიტალურ სექტორში განხორციელებულ ცვლილებს. კვლევის მნიშვნელოვანი ნაწილი დაეთმო საყოველთაო ჯანდაცვის სისტემის უპირატესობებს და  ნაკლოვანებებს. ყურადღება ასევე გამახვილებულია 520-ე დადგენილებაზე, რომელიც საყოველთაო ჯანდაცვის პროგრამის ფარგლებში...


მსგავსი სიახლეები

up