აშშ-ში უსაფრთხო მგზავრობის აღდგენისთვის სამუშაო ჯგუფები შეიქმნება

აშშ-ში უსაფრთხო მგზავრობის აღდგენისთვის სამუშაო ჯგუფები შეიქმნება

access_time2021-06-09 14:30:00

ბაიდენის ადმინისტრაცია კანადასთან, მექსიკასთან, ევროკავშირთან და დიდ ბრიტანეთთან ერთად სამუშაო ჯგუფებს შექმნის, რომ 15-თვიანი პანდემიური შეზღუდვების შემდეგ ორმხრივი მგზავრობა უსაფრთხოდ აღადგინოს. ინფორმაციას სააგენტო Reuters-ი ავრცელებს.


სააგენტოს ცნობით, მსოფლიოს ძირითადი ქვეყნებიდან აშშ-ში ჩასვლის აკრძალვაზე ადმინისტრაცია გადაწყვეტილების ნაჩქარევად გაუქმებას არ აპირებს, რადგან სამუშაო ჯგუფებს საქმიანობისთვის დრო დასჭირდებათ. თეთრმა სახლმა ავიაკომპანიები და ტურისტული ინდუსტრიის წარმომადგენლები სამუშაო ჯგუფების შექმნაზე საქმის კურსში უკვე ჩააყენა. ადმინისტრაციაში აცხადებენ, რომ სამუშაო ჯგუფების ნებისმიერი გადაწყვეტილება „მთლიანად იქნება დაფუძნებული მედიცინისა და ჯანდაცვის სფეროს ექსპერტების ობიექტურ ანალიზსა და რეკომენდაციებზე.“


სამუშაო ჯგუფებს უხელმძღვანელებენ თეთრი სახლის კოვიდზე რეაგირების ჯგუფი და ეროვნული უშიშროების საბჭო. მასში ჩაერთვებიან დაავადების კონტროლის ცენტრი და აშშ-ს სხვა სააგენტოები.


გუშინ ამერიკის დაავადების კონტროლის ცენტრმა გაავრცელა განცხადება, რომ 110 ქვეყანაში, მათ შორის კანადაში, მექსიკაში, იაპონიაში, სამხრეთ აფრიკასა და ირანში სამოგზაურო რეკომენდაციებს არბილებს, მაგრამ ყველანაირი კოვიდშეზღუდვა ძალაში რჩება. ცენტრის დირექტორი, როშელ ვალენსკი აცხადებს, რომ აშშ-ში შემოსვლის შეზღუდვები, რომლებიც 2020 წლიდან მოქმედებს, უწყებათაშორისი მოლაპარაკების საგანია და ამ მხრივ წინსვლა მხოლოდ რეალურ მონაცემებზეა დამოკიდებული.


ბაიდენის ადმინისტრაცია ზოგიერთმა კანონმდებელმა გააკრიტიკა, რომ სახმელეთო შეზღუდვების გამო კანადის საზღვართან მცხოვრები აშშ-ს სათვისტომოები ეკონომიკურ სირთულეებს აწყდებიან. შეზღუდვების გაუქმებას ითხოვენ ავიაკომანიებიც, რადგან დიდი ბრიტანეთის, ევროპის შენგენის ზონის 26 ქვეყნის, ირლანდიის, ჩინეთის, ინდოეთის, სამხრეთ აფრიკის, ირანისა და ბრაზილიის მოქალაქეები აშშ-ში სამოგზაუროდ ვერ ჩადიან. ასევე, აკრძალულია მექსიკასა და კანადასთან სახმელეთო საზღვის გადაკვეთა ისეთი მგზავრობებისთვის, თუკი გადაუდებელი არაა და ე.წ. მეორეხარისხოვანია.


Airlines for America-ს სავაჭრო ჯგუფი, რომელშიც American Airlines, Delta Air Lines, Southwest Airlines და სხვა ავიაკომპანიებია გაერთიანებული, სამუშაო ჯგუფების შექმნას მიესალმა. თუმცა ორგანიზაციაში აცხადებენ, რომ ამ ჯგუფებმა სწრაფად უნდა იმოქმედონ და სრულად ვაქცინირებულ ტურისტებს აშშ-ში ჩასვლის საშუალება მალაე მისცენ.



„აქ გასაღები მხოლოდ სწრაფი მოქმედებაა,“ - აცხადებენ Airlines for America-ში.


დროულ გადაწყვეტილებებს მოითხოვს ავიაკომპანია United Airlines, რომელშიც იმედოვნებენ, რომ სამუშაო ჯგუფები შედეგს მეტად დაძაბული საზაფხული სეზონის წინ დადებენ.


„მგზავრობების სწრაფად აღდგენის სტრატეგია როგორც ტურისტების, ისე ეკონომიკურ ინტერესებში შედის,“ - აცხადებენ ავიაკომპანიაში.


ორშაბათს დიდ ბრიტანეთსა და აშშ-ს შორის სამგზავრო რეისების მქონე ყველა ავიაკომპანიის ხელმძღვანელობამ ერთობლივი განცხადება გაავრცელა და ორივე ქვეყნის მთავრობას ტრანსატლანტიკურ მგზავრობებზე შეზღუდვების გაუქმებისკენ მოუწოდა. ისინი არ მოელიან, რომ თეთრმა სახლმა, სულ მცირე,4 ივლისამდე შეზღუდვები მოხსნას, რადგან ადმინისტრაცია სულ უფრო მეტი ამერიკელის ვაქცინირებას ცდილობს.


სამუშაო ჯგუფების შექმნას მიესალმა აშშ-ს მოგზაურთა ასოციაციაც.


„სამთავრობო და კერძო სექტორის ერთობლივ მიზნობრივ ჯგუფებს შესწევთ ძალა, სწრაფად შეიმუშაონ საერთაშორისო მგზავრობების აღდგენის გეგმა, რომ შეიქმნას სტბილური სამუშაო ადგილები და აღდგეს ეკონომიკა,“ - ნათქვამია ასოციაციის განცხადებაში.


BPN.GE



თეგები:
მგზავრობა



ევროკავშირი რუსეთის მიერ ოკუპირებულ უკრაინისა და საქართველოს ტერიტორიებზე გაცემულ სამგზავრო დოკუმენტებს არ ცნობს

ევროკავშირი რუსეთის მიერ ოკუპირებულ უკრაინისა და საქართველოს ტერიტორიებზე გაცემულ სამგზავრო დოკუმენტებს არ ცნობს
access_time2022-12-09 00:23:06
ევროკავშირის საბჭომ დაამტკიცა გადაწყვეტილება, რომ რუსეთის მიერ ოკუპირებულ ტერიტორიებზე გაცემულ სამგზავრო დოკუმენტებს არ ცნობს. ამის შესახებ ნათქვამია ევროკავშირის საბჭოს ოფიციალურ გვერდზე გამოქვეყნებულ პრესრელიზში. აღნიშნული გადაწყვეტილების შედეგად, რუსეთის მიერ უკრაინისა და საქართველოს ოკუპირებულ ტერიტორიებზე გაცემული დოკუმენტებით შენგენის ზონაში შესვლა ან სამოგზაურო ვიზის მიღება აკრძალული იქნება. ამ ტერიტორიებზე გაცემული რუსული სამგზავრო დოკუმენტები ევროკავშირის წევრ...

ფინეთი და შვედეთი მზად არიან ნატოში წევრობისთვის - ენტონი ბლინკენი

ფინეთი და შვედეთი მზად არიან ნატოში წევრობისთვის - ენტონი ბლინკენი
access_time2022-12-08 22:27:45
ფინეთი და შვედეთი მზად არიან ნატოში წევრობისთვის, - ამის შესახებ აშშ-ის სახელმწიფო მდივანმა, ენტონი ბლინკენმა ფინეთისა და შვედეთის საგარეო საქმეთა მინისტრებთან შეხვედრის შემდეგ გამართულ პრესკონფერენციაზე განაცხადა. “მათი სამხედროები აშშ-ისა და ნატოს სამხედროებთან ერთად სამსახურს გადიოდნენ კოსოვოში, ავღანეთში, ერაყში, ლიბიაში. ისინი ნატოს “პარტნიორობა მშვიდობისთვის” და “გაფართოებული შესაძლებლობების პარტნიორობა” პროგრამების წევრები არიან. მარტივად რომ ვთქვათ, მათ არმიას...

მოსამართლეები ქალთა მიმართ ძალადობის წინააღმდეგ ბრძოლის მექანიზმებზე - იციან თუ არა საქართველოში ქალებმა საკუთარი უფლებები

მოსამართლეები ქალთა მიმართ ძალადობის წინააღმდეგ ბრძოლის მექანიზმებზე - იციან თუ არა საქართველოში ქალებმა საკუთარი უფლებები
access_time2022-12-08 21:25:37
ქვეყანაში ქალთა უფლებებსა და ქალთა მიმართ ძალადობის წინააღმდეგ ბრძოლის მექანიზმებზე მსჯელობდნენ დღეს რადიო „კომერსანტის“ ეთერში ნინო ლიპარტიას საავტორო გადაცემაში „ბიზნესი და სამართალი“. როგორც გადაცემის ერთ-ერთმა სტუმარმა თბილისის საქალაქო სასამართლოს მოსამართლემ ქეთევან მამაცაშვილმა აღნიშნა, ქალთა მიმართ ჩაგვრასა და ძალადობასთან მიმართებით ქვეყანაში სამწუხარო ვითარებაა. „მნიშვნელოვანია, რომ თავად ქალებმა იცოდნენ თუ რა უფლებები, რა ვალდებულებები და თავისუფლებები...

ევროკავშირმა ხორვატია შენგენის ზონაში მიიღო

ევროკავშირმა ხორვატია შენგენის ზონაში მიიღო
access_time2022-12-08 20:51:47
ევროკავშირის წევრი სახელმწიფოების შინაგან საქმეთა მინისტრებმა მხარი დაუჭირეს ხორვატიის შენგენის ზონაში მიღებას, მაგრამ, ამავდროულად, უარი უთხრეს ბულგარეთსა და რუმინეთს. ინფორმაციას ამის შესახებ გამოცემა Digi24 და ევროკავშირის მინისტრთა საბჭოში ჩეხეთის თავმჯდომარეობა ავრცელებენ. აღინიშნება, რომ შენგენის ზონაში რუმინეთისა და ბულგარეთის შესვლის წინააღმდეგ ხმა ავსტრიამ და ნიდერლანდებმა მისცეს. ნიდერლანდება დააზუსტეს, რომ რუმინეთის წევრობის წინააღმდეგ არ გამოდიან,...

საქართველომ ბიუსტჰალტერების რეალიზაციიდან 5 მლნ დოლარზე მეტი შემოსავალი მიიღო

საქართველომ ბიუსტჰალტერების რეალიზაციიდან 5 მლნ დოლარზე მეტი შემოსავალი მიიღო
access_time2022-12-09 00:00:39
საქართველომ ბიუსტჰალტერების რეალიზაციიდან 5 მლნ დოლარზე მეტის შემოსავალი მიიღო. საქსტატის მონაცემების მიხედვით, იანვარ-ოქტომბერში საქართველოდან ექსპორტზე 5,375.52 ათასი დოლარის ბიუსტჰალტერები (მანქანით ან ხელით ნაქსოვი ტრიკოტაჟისა, ან არატრიკოტაჟისა) გავიდა, რაც გასული წლის იანვარ-ოქტომბერში ექსპორტზე გასული  ბიუსტჰალტერების ღირებულებასთან შედარებით 44%-იან ზრდას აჩვენებს.   2022 წლის ათ თვეში საქართველოდან უცხოეთის სხვადასხვა ბაზრებზე სულ 276.78 ტონა ...


მსგავსი სიახლეები

up