აშშ-ს ხელისუფლებას ჩინურ კორპორაცია Huawei-ს წინააღმდეგ  გამოძიება აქვს დაწყებული - წერს გაზეთი Wall Street Journal.

გამოცემის ცნობით, ჩინური ტექნოლოგიური გიგანტი ეჭვმიტანილია ამერიკელი საქმიანი პარტნიორების კომერციული ინფორმაციის მიტაცებაში. ასევე საუბარია რობოტიზირებულ მოწყობილობაზე, რომლსაც ფირმა T-Mobile US იყენებს სმარტფონების შესამოწმებლად - სავარაუდოდ, ჩინელებმა მოიპარეს ამ აპარატურის შექნის ტექნოლოგია და ამჟამად საპატენტო ნებართვის გარეშე აწარმოებენ.

Huawei და აშშ-ს იუსტიციის სამინისტროს ამ ეტაპზე თავს იკავებენ ყოველგვარი კომენტარებისგან.

გამოძიება ნაწილობრივ დაკავშირებულია Huawei-ს წინააღმდეგ სასამართლოში შეტანილ საჩივრებთან. ქალაქ სიეტლში,  სასამართლომ Huawei კომპანია T-Mobile US-ის მფლობელობაში მყოფი ტექნოლოგიის მითვისებაში დამნაშავედ სცნო.

2018 წლის დეკემბერში აშშ-ში დააკავეს ჩინეთის ერთ-ერთი მოქალაქე, რომელსაც ბრალად ედება ერთ-ერთი ამერიკული ნავთობკომპანიის კომერციული ინფორმაციის მოპარვა, რის გამოც კომპანიის მიერ მიღებულმა ზარალმა  1 მლრდ. დოლარს გადააჭარბა.

ასევე დეკემბერში ცნობილი გახდა, რომ ამერიკის პრეზიდენტი დონალდ ტრამპი გეგმავს ამერიკული კომპანიების მიერ ჩინური Huawei-ს და ZTE-ს მიერ წარმოებულ სატელეკომუნიკაციო აღჭურვილობის შეძენის აკრძალვას.

ტრამპის თქმით, ეს ნაბიჯი გამოწვეული იმით, რომ ჩინური კომპანიების საქმიანობა შეიცავს დიდ რისკებს აშშ- ს ეროვნული უსაფრთხოებისთვის.

Reuters იტყობინება, რომ ამერიკელი მაღალჩინოსნები ახდენდნენ ზეწოლას სატელეკომუნიკაციო ჰოლდინგ Deutsche Telekom AG-ზე, რომელიც აკონტროლებს ამერიკულ T-Mobile-ს  და მოითხოვდნენ მისგან Huawei-ს აპარატურის ყიდვაზე უარის თქმას.

ასევე, Wall Street Journal-ის ინფორმაციით, ამერიკელი პოლიტიკოსები ცდილობდნენ მოკავშირე ქვეყნების მთავრობების დარწმუნებას, რომ მათთვის წამგებიანია Huawei-ს პროდუქციით სარგებლობა.

აშშ-ს ხელისუფლება თვლის, რომ ჩინეთის მთავრობა იყენებს Huawei-ს და  ZTE-ს შპიონაჟისთვის, ევროკავშირის არაერთმა მაღალჩინოსანმაც განაცხადა,  რომ ჩინური კომპანიების წარმოადგენენ საფრთხეს ევროპისთვის.

თუმცა, თავად Huawei და ZTE უარყოფენ ამ ბრალდებებს.