აშშ შავ ზღვაში სამხედრო გემებს აგზავნის, რუსები მათზე „დატაკება-მიწოლით“ იმუქრებიან

აშშ შავ ზღვაში სამხედრო გემებს აგზავნის, რუსები მათზე „დატაკება-მიწოლით“ იმუქრებიან

access_time2018-12-06 22:00:12

„აშშ-ს გემების შესვლას შავ ზღვაში ის ამოცანა ექნება, რაც საქართველოს პორტებში ომის დროს შემოსვლას - ეს რუსეთის წინააღმდეგ ძალის დემონსტრირებაა და ერთგვარად, ფარული მუქარაც. ამასთანავე, აშშ-ის მხრიდან უკრაინის მიმართ სოლიდარობის გამოხატვა.

 

„(რუსეთის) შავი ზღვის ფლოტი ადეკვატურ ზომებს მიიღებს და ამან შესაძლოა უფრო მეტად დაძაბოს სიტუაცია, - აცხადებს ანალიტიკოსი სამხედრო საკითხებში ვახტანგ მაისაია.

 

აშშ შავ ზღვაში სამხედრო გემების გასაგზავნად ემზადება, რაც ქერჩის სრუტეში ვითარების ესკალაციას უკავშირდება. ამის შესახებ საკუთარ წყაროზე დაყრდნობით „სი-ენ-ენი იტყობინება. მათი ინფორმაციით, ამერიკელმა სამხედროებმა აშშ-ის სახელმწიფო დეპარტამენტს სთხოვეს, თურქეთს შეატყობინონ შავ ზღვაში ამერიკული სამხედრო ხომალდის შესაძლო შესვლის თაობაზე

 

ამერიკული ხომალდების რაოდენობა და მარშრუტი ჯერჯერობით უცნობია. თუმცა, თუკი ისინი აზოვის ზღვაში შესვლას შეეცდებიან, რუსეთის შავი ზღვის ფლოტი შეეცდება მათ ამის საშუალება არ მისცეს. ამის შესახებ რუსი სამხედრო ექსპერტი, პირველი რანგის კაპიტანი ვასილი დანდიკინი აცხადებს.

 

მისი მტკიცებით, აშშ-ის სამხედრო ხომალდებს იურიდიული უფლება არ აქვთ ქერჩის სრუტის გავლით და აზოვის ზღვაში შევიდნენ, სადაც ორიოდე კვირის წინ რუსული ხომალდები უკრაინულ სამხედრო გემებს დაესხნენ თავს. რუსი ექსპერტი აცხადებს, რომ ასეთი მცდელობის შემთხვევაში აშშ-სა და რუსეთის სახმედრო გემებს შორის შეტაკება გარდაუვალი იქნება.


 

ამასთან დაკავშირებით დანდიკინი 1988 წელს შავ ზღვაში მომხდარ ინციდენტს იხსენებს, როდესაც საბჭოთა გემებმა ამერიკულ სამხედრო ხომალდებზე მიზანმიმართული დატაკება-მიწოლა (Навал) განახორციელეს და იძულებით დაატოვებინეს შავი ზღვა. რუსი ექსპერტი ვარაუდობს, რომ ამჯერადაც რაღაც მსგავსი მოხდება.

 

ვახტანგ მაისაია რუსების მხრიდან ამერიკული გემების მიმართულებით ცეცხლის გახსნასაც არ გამორიცხავს, რაც, მისი თქმით, ვითარებას საკმაოდ დაძაბავს.

 

„რუსეთი უკვე იქამდე მიდივა, რომ შესაძლოა ცეცხლი გახსნას ისევე, როგორც უკრაინულ გემებზე გააკეთა. თუ მოხდა ამერიკული გემის ანალოგიური ტრაექტორიის გავლა, რაც უკრაინულმა გემებმა გააკეთეს, რუსებიც იმავეს გააკეთებენ, რაც უკვე უკრაინელებთან განახორციელეს.

 

„იმედია, რომ რუსეთი და აშშ ამ დონემდე არ მივლენ. შესაძლოა ორივე მხრიდან ძალის დემონსტრაცია განხორციელდეს და ამით ამოიწუროს ეს ინციდენტიც.

 

„თუკი ამერიკელებმა გააგრძელეს და დემონსტრაციულად უკრაინულ წყლებში გასლვა მოიდომეს, რაც აბსოლუტურად სამართლებრივად სწორია, რუსები ძალას გამოიყენებენ. ისეთ დონეზე მივიდა პუტინის რეჟიმი, რომ უკვე ელოდება, რომ ამერიკელებთანაც მოახდინოს რაღაც ძალის დემონსტრირება, - განაცხადა ვახტანგ მაისაიამ.

 

წყარო: რეზონასი






საბანკო რეგულაციები შესაძლოა შერბილდეს - პრემიერი ანალიტიკოსების დასკვნას ელოდება

საბანკო რეგულაციები შესაძლოა შერბილდეს - პრემიერი ანალიტიკოსების დასკვნას ელოდება
access_time2019-03-20 23:27:24
„პასუხისმგებლიანი დაკრედიტების სისტემის შემოღებიდან ვფიქრობ, არ გასულა საკმარისი დრო, რომ დასკვნები გავაკეთოთ, - ამის შესახებ საქართველოს პრემიერ-მინისტრმა მამუკა ბახტაძემ “ფეისბუქლაივში”...

ყაზახეთში ოპერაცია „მემკვიდრე“ დაიწყო

ყაზახეთში  ოპერაცია „მემკვიდრე“ დაიწყო
access_time2019-03-20 20:30:32
ყაზახეთის უცვლელი პრეზიდენტის ნურსულთან ნაზარბაევის გადადგომასთან დაკავშირებით ბოლო წლებია აქტიურად საუბრობენ. ეს თემა აქტუალური განსაკუთრებით  2019 წლის თებერვალში გახდა, როდესაც მან საკონსტიტუციო საბჭოს პრეზიდენტის ნებაყოფლობითი გადადგომის პროცედურის განმარტებასთან დაკავშირებით მიმართა. პროცესი კი  ბევრად უფრო დიდი ხნის წინ დაიწყო - ჯერ კიდევ 2010 წელს, როდესაც ყაზახეთში მიღებულ იქნა კანონი ეროვნული ლიდერის - ელბასის - თაობაზე,...

სპა-კურორტების განსავითარებლად საქართველოში ყველანაირი ბუნებრივი პირობაა და ამის არგამოყენება დიდი დანაშაულია

სპა-კურორტების განსავითარებლად საქართველოში ყველანაირი ბუნებრივი პირობაა და ამის არგამოყენება დიდი დანაშაულია
access_time2019-03-20 18:30:00
საქართველოს მასშტაბით 2000-ამდე მინერალური და სამკურნალო წყლის რესურსი არსებობს, რომლებიც ჯანმრთელობის სხვადასხვა პრობლემების მოგვარების საუკეთესო და ყველაზე ხელმისაწვდომი საშუალებაა. წყალტუბო, შოვი, ახტალა, აბასთუმანი, ურეკი - ეს ის კურორტებია, რომლებიც სპა-ტურიზმის განვითარებისთვის მთავარი რესურსია, თუმცა როგორც  „საქართველოს შემომყვან ტურ-ოპერატორთა ასოციაციის“ თავმჯდომარე ია თაბაგარი „კომერსანტთან“ საუბარში აღნიშნავს, ეს მიმართულება ქვეყანაში ძალიან ნაკლებად არის...

Instagram-ის ახალი ფუნქცია - ნივთების შეძენა პირდაპირ აპლიკაციიდან იქნება შესაძლებელი

Instagram-ის ახალი ფუნქცია - ნივთების შეძენა პირდაპირ აპლიკაციიდან იქნება შესაძლებელი
access_time2019-03-19 19:30:55
Instagram-ი შოპინგის მოყვარულთ სიახლეს სთავაზობს - სოციალური პლატფორმა მომხმარებელს პროდუქტების შეძენისა და შეკვეთების განხორციელების საშუალებას აძლევს. ფუნქცია ყველაზე ადრე აშშ-ში იქნება ხელმისაწვდომი 20 ცნობილი ბრენდისთვის, მათ შორისაა H&M, Kyle cosmetics, Nike, Warby Parker და Zara. კომპანიის განცხადებით, სხვა ბრებდების დამატება უახლოეს თვეებში იგეგმება. „ Instagram-ი არის ადგილი იმ ადამიანებისთვის, რომელთაც სურთ საკუთარ თავს მეტი...

ანა დოლიძე: საბოლოოდ, მივალთ იქამდე, რომ ნელ-ნელა მოხდება საქართველოს უზბეკიზაცია

ანა დოლიძე: საბოლოოდ, მივალთ იქამდე, რომ ნელ-ნელა მოხდება საქართველოს უზბეკიზაცია
access_time2019-03-20 19:30:00
„ხელისუფლებას საერთოდ არ აინტერესებდა, რა მოუვიდა სასამართლო ხელისუფლებას, სანამ ეს არ გახდა პოლიტიკურად მოგებიანი, მაგრამ სასამართლო სისტემასთან ბრძოლას ბოლომდე მივიყვანთ. გამორიცხულია, არ გავჩერდებით და ეს არ იქნება ხავერდოვანი პროცესი. პროტესტის ყველა ფორმას მივმართავთ, რათა სასამართლოში არ დაინიშნონ კლანის წევრები“, — აცხადებს იუსტიციის უმაღლესი...


მსგავსი სიახლეები

up