აშშ-ს პრეზიდენტ ბაიდენის სახაზინო დეპარტამენტმა გადაწყვიტა, რომ დააჩქაროს 20 დოლარიანი ბანკნოტის გამოშვების პროცესი, რომელზეც აფრო-ამერიკელი აქტივისტი ქალის ჰარიეტ ტუმბანის პორტრეტი იქნება გამოსახული. - ამის შესახებ თეთრი სახლის პრეს-მდივანმა ჯენ ფსაკიმ განაცხადა.
აღნიშნული გადაწყვეტილება პირველად აშშ-ის პრეზიდენტმა ბარაკ ობამამ მიიღო თუმცა, ტრამპის ადმინისტრაციამ პროცესი შეაჩერა. ბარაკ ობამამ გადაწყვიტა, რომ ენდრიუ ჯექსონი ქალბატონი ტუბმანის პორტეტით შეეცვალა.
პრეზიდენტი დონალდ ტრამპი ამ იდეას ეწინააღმდეგებოდა და მისმა სახაზინო მდივანმა სტივენ მნუჩინმა ვალუტის შეცვლის პროცესზე მუშაობა შეწყვიტა, რადგან მისი მტკიცებით ფულისთვის ახალი უსაფრთხოების მახასიათებლების დამატება გადაუდებელი პროცესი იყო.
მნუჩინმა თქვა, რომ 20 დოლარიანის ახალი გამოსახულებით მიმოქცევაში ჩაშვება 2028 წლამდე შეუძლებელია და მან 20 დოლარიანი ბანკნოტის ცვლილებაზე გადაწყვეტილების მიღების საშუალება მომავალ სააზინო მდივანს დაუტოვა.
ბაიდენის სახაზინო დეპარტამენტი პროცესის დაჩქარებას გეგმავს. სახაზინო მდივანს მიაჩნია, რომ აშშ-ის ფული ისტორიას და მრავალფეროვნებას უნდა ასახავდეს.
”სახაზინო დეპარტამენტი იღებს ზომებს იმისთვის, რომ 20 დოლარიანს ჰარიეტ ტუმბანის პორტრეტი დაატანოს, მნიშვნელოვანია, რომ ჩვენი ფული ჩვენი ქვეყნის ისტორიასა და მრავალფეროვნებას ასახავდეს.” - აღნიშნა ფსაკიმ.
სახაზინო სპიკერის განმარტებით ჯერჯერობით უცნობია თუ როდის ჩაეშვება ახალი 20 დოლარიანი მიმოქცევაში.
დონალდ ტრამპა აღნიშნა, რომ ის ენდრიუ ჯექსონს , რომელიც ამ ეტაპზე 20 დოლაიანზეა გამოსახული დიდ პატივს სცემს და მისი ადმინისტრაცია ისტორიული სურათების და ქანდაკებების შეცვლის წინააღმდეგი იყო.
New york Times- მოიპოვა მასალები იმის შესახებ, რომ 20 დოლარიანის შეცვლაზე კონცეპტუალური მუშაობა, დონალდ ტრამის დანიშვნამდე მიმდინარეობდა.
თაკო კვაჭანტირაძე
Nttimes.com