6 იანვარი ამერიკისთვის შოკისმომგვრელ დღედ იქცა - მოქმედი პრეზიდენტის დონალდ ტრამპის მომხრეებმა კაპიტოლიუმი შტურმით აიღეს და საპრეზიდენტო არჩევნების შედეგების ოფიციალური ცნობა კონგრესში რამდენიმე საათით ჩაშალეს.
მოგვიანებით სპეცრაზმმა მომიტინგეები შენობიდან ცრემლსადენი გაზის გამოყენებით განდევნა. ამ მოვლენების დროს 4 ადამიანი დაიღუპა.
ვაშინგტონში განვითარებული მოვლენების ფონზე, როგორც მოსალოდნელი იყო, იარაღის მწარმოებლების - პირველ რიგში Smith & Wesson და Sturm Ruger & Co-ს აქციები გაძვირდა. ეს ლოგიკურია, რადგანაც შტატებში ყოველთვის ასე ხდება - ნებისმიერი არეულობის მოლოდინში ამერიკელები პირველ რიგში კიდევ უფრო მეტ იარაღს ყიდულობენ.
თუმცა, მთლიანობაში ფინანსურმა ბაზარმა დედაქალაქში მიმდინარე მოვლენები თითქოს საერთოდ ვერ შეამჩნია - 6 იანვარს Dow Jones-ის ინდექსმა ისტორიული მაქსიმუმი განაახლა, ინდექსი S&P 500-იც გაიზარდა, ხოლო დაცვით აქტივებზე მოთხოვნა არ გაზრდილა?
რატომ?
Oanda-ს ანალიტიკოსის ედვარდ მოიას თქმით, კაპიტოლიუმის შტურმზე ინვესტორების სუსტი რეაგირება გასაკვირიც იყო, და ამავე დროს მოსალოდნელიც.
„ბაზრებზე ყველამ იცოდა, რომ ტრამპი უხმაუროდ არ წავიდოდა, თუმცა, ის რაც მოხვდა ყველასთვის მოულოდნელი იყო. მაგრამ საბოლოო ჯამში ბიზნესმა იცის, რომ კაპიტოლიუმის ირგვლივ განვითარებული მოვლენები არჩევნების შედეგებს ვერ შეცვლიან. პირიქით, ამით დემოკრატების გავლენა არათუ არ შემცირდება, არამედ გაიზრდება“ - განაცხადა მან.
კაპიტოლიუმის შტურმმა ამერიკის უახლოეს ეკონომიკურ და პოლიტიკურ პერსპექტივებზე მოლოდინები ვერ შეცვალა, ხოლო დახმარების ახალი პაკეტის დამტკიცებამ ფინანსური ბაზრის ზრდას ხელი შეუწყო.
საპრეზიდენტო არჩევნებთან ერთად დემოკრატებმა სენატის არჩევნების მოიგეს, რაც ჯო ბაიდენს გადაწყვეტილებების მიღების და აღსრულების მეტ თავისუფლებას ანიჭებს. მას გაცილებით უფრო თავისუფლად შეუძლია თავისი ეკონომიკური პოლიტიკოს გატარება რესპუბლიკელების წინაამღდეგობის გარეშე.
ბაიდენის ეკონომიკური პროგრამის ნაწილია დიდი ინვესტიციები ინფრასტრუქტურაში და სუფთა ენერგეტიკაში. ინფრასტრუქტურული სამუშაოების მასშტაბების დაპირებული ზრდა მომგებიანია მრეწველობისთვის და ნედლეულის სექტორებში. ხოლო სუფთა ენერგეტიკაზე აქცენტი - მაღალტექნოლოგიური კომპანიებისთვის.
ამ ფონზე ფინანსური სექტორის პოზიტიური მოლოდინებიც იზრდება.
„კაპიტოლიუმის შტურმის მიუხედავად, დემოკრატების ტრიუმფის ფონზე ეკონომიკური ზრდი პერსპექტივები უოლ-სტრიტს ოპტიმიზმის საფუძველს აძლევს“ - მიიჩნევს კომპანია CFRA-ს ანალიტიკოს სემ სტოვალი.
მისი თქმით, დემოკრატების ხელში ძალაუფლების კონცენტრაცია როგორც წესი ეკონომიკაზე დადებითად აისახება.
„1990 წლიდან შტატებში 8 პრეზიდენტი-დემოკრატი იყო, რომელიც სენატის და წარმომადგენელთა პალატაში დემოკრატიულ უმრავლესობას ეყრდნობოდა. ხელისუფლებაში მათი ყოფნის 1 წელს 6 შემთხვევაში საფონდო ბაზრის ზრდამ საშუალოდ 11,3% შეადგინა“ - ამბობს ის.
კომპანია TD Securities-ის ანალიტიკოსის პრიუ მისრუს თქმით, ბაზარი ყველა კარგ სიახლეს და აღდგენასთან დაკავშირებულ მოლოდინების ითვალისწინებს.
„ინვესტორები კმაყოფილები არიან ვაქცინის გამოჩენით, რაც მათ ნორმალური ცხოვრების აღდგენის იმედს აძლევს. ინვესტორები ვაშინგტონში დატრიალებულ მოვლენებზე შორს იყურებიან. მათთვის ამჟამად მთავარი საკითხებია ვაქცინაცია, ეკონომიკის აღდგება და სახელმწიფო მხარდაჭერის ახალი ზომები“ - მიიჩნევს ის.
RBC.RU
მოამზადა თენგიზ აბლოთიამ