“აშშ-მა შეძლო ირანის კუთხეში მოქცევა” - მაჭავარიანი

“აშშ-მა შეძლო ირანის კუთხეში მოქცევა” - მაჭავარიანი

access_time2020-01-09 20:30:58

„ვერ ვიტყოდი, რომ ეს აშშ-ს და პრეზიდენტ ტრამპის უკან დახევაა. ნაბიჯი გათვლილი იყო, როდესაც ყასემ სულეიმანზე განახორციელეს შეტევა და ფაქტობრივად, ირანის საქმიანობას რეგიონის გარეთ პარალიზება გაუკეთეს," - აცხადებს „რეზონანსთან" უშიშროების საბჭოს მდივნის ყოფილი მოადგილე ვანო მაჭავარიანი აშშ-ირანს შორის არსებული ვითარებისა და ერთგვარი დაზავების შესახებ საუბრისას.

 

აშშ-ს პრეზიდენტმა, დონალდ ტრამპმა 8 იანვარს საგანგებო განცხადება გააკეთა. მისი თქმით, აშშ ირანს ეკონომიკურ სანქციებს უწესებს, რაც ირანის მოქმედებების პოლიტიკას მკვეთრად შეცვლის.

 

აქვე შეგახსენებთ, რომ 3 იანვარს, დონალდ ტრამპის ბრძანებით, ამერიკელმა სამხედროებმა ბაღდადში, საჰაერო თავდასხმის შედეგად ირანელი გენერალი ყასემ სოლეიმანი მოკლეს. ამერიკული მხარის ამ ქმედებას ირანის საპასუხო ნაბიჯი მოჰყვა; ერაყში მდებარე ორ ბაზაზე, სადაც კოალიციური ძალები არიან განთავსებული, სარაკეტო თავდასხმა განახორციელა.

 

ვანო მაჭავარიანი: გასათვალისწინებელია, რომ ეს ყველაფერი ხდება იმის ფონზე, როდესაც აშშ-ს ირანთან მიმართებაში დაწესებული აქვს უმკაცრესი სანქციები და ამაში ჩართული არიან ევროპელი პარტნიორები. ირანი არის ძალიან სერიოზული წნეხის ქვეშ.

 

ამ ყველაფრის მიზანია ირანის ბირთვული ხელშეკრულება გადაიხედოს და მისაღები გახდეს არა მარტო აშშ-სთვის, არამედ ზოგადად, საერთაშორისო უსაფრთხოებისთვის.

 

ასევე მნიშვნელოვანია ის, რომ აშშ არ იღებს იმ რეალობას, რომლის მიხედვითაც, ირანი „ისლამური სახელმწიფოს" დამარცხების შემდეგ ცდილობს მსგავსი ტიპის უკვე ე.წ. შიიტური რელიგიური დაჯგუფებების მეშვეობით მართოს ერაყი, სირია, იემენი და სხვა ქვეყნები.

 


„რეზონანსი": როგორ ფიქრობთ, შესაძლოა თუ არა უახლოეს პერიოდში აშშ-სა და ირანს შორის ასეთი ტიპის დაპირისპირებამ კვლავ იჩინოს თავი?

 

ვ.მ: დაპირისპირება უკვე წლებია მიმდინარეობს, უბრალოდ ბალანსი შეიცვალა სწორედ ყასემ სულეიმანის ლიკვიდაციით; ირანი გარკვეულწილად შოკშია. ის რეაქცია, რაც ვნახეთ, ძალიან მოკრძალებული კონფრონტაცია იყო აშშ-სთან. ამ შემთხვევაში, აშშ-მა შეძლო და ირანი კუთხეში მოაქცია.

 

ირანი ახლა საკმოდ რთულ ეკონომიკურ, ფინანსურ თუ საერთაშორისო მდგომარეობაშია და ძალიან სერიოზული განხილვა იქნება თვითონ ირანის ხელმძღვანელობაში, თუ რა კომპრომისებზე უნდა წავიდნენ იმისთვის, რომ რეალურად არ ჩამოიშალოს ეკონომიკა, მათი პოლიტიკური მმართველობა და ამ მოლაპარაკებებში მოიძიონ პარტნიორები.

 

ერთ-ერთი ასეთი პარტნიორი შეიძლება იყოს რუსეთი, ევროკავშირი. ირანი მაქსიმალურად შეეცდება ამ კონფლიქტის დეესკალაციას, რაც აშშ-სთვის სასარგებლო იქნება, რომ მაქსიმალურ კონტროლს მიაღწიოს ირანის ბირთვულ პროგრამასთან დაკავშირებით და არა ის, რაც ხელშეკრულებაში ძალიან გაუგებარია.

 

ასევე, მაქსიმალურად შეზღუდოს ირანის გავლენა ერაყში, იემენში, სპარსეთის ყურეში, რომელიც, ფაქტობრივად, პირდაპირ ემუქრება სუნიტურ სახელმწიფოებს, თავისი დომინაციით, როგორიც არის საუდის არაბეთი, გაერთიანებული ემირატები, სურს, რომ მაქსიმალურად აკონტროლოს ნავთობის მოძრაობა იმ წყლებში, რომელიც მხოლოდ და მხოლოდ სპარსეთის ყურედ მიაჩნია.

 

„რ": აშშ-ს მხრიდან რა ეკონომიკური სანქციები უნდა განვიხილოთ ამ შემთხვევაში?

 

ვ.მ: ძალიან მძლავრი ფინანსური სანქციები: ეს შესაძლოა შეეხოს კონკრეტული ეკონომიკის სფეროებს, ფინანსურ პირობებში საბანკო მიმართულებას, გადაადგილების შეზღუდვას და ეს არის აშშ-ს და ზოგადად, საერთაშორისო თანამეგობრობის ხელში ძალიან მძლავრი ინსტრუმენტი.

 

ირანმა ძალიან კარგად იცის, რომ შესასრულებელი აქვს ვალდებულებები, რომელიც ბირთვული შეიარაღების აკრძალვას შეეხება. ძალიან კონკრეტულად აქვს შესათანხმებელი მისი შემდგომი როლი ახლო აღმოსავლეთში.

 

resonancedaily





2021 წელს ევროკავშირში სპორტის სექტორში 1,37 მილიონი ადამიანი იყო დასაქმებული

2021 წელს ევროკავშირში სპორტის სექტორში 1,37 მილიონი ადამიანი იყო დასაქმებული
access_time2022-09-25 13:00:46
2021 წელს ევროკავშირში სპორტის სექტორში 1,37 მილიონი ადამიანი იყო დასაქმებული, რაც მთლიანი დასაქმების 0,7%-ს წარმოადგენს. ევროკავშირის დონეზე, ევროკავშირში სპორტში მომუშავე ადამიანების რიცხვი გამოჯანმრთელდა COVID-19-ის პანდემიის დაბლოკვის სიმაღლის პერიოდში (1.37 მილიონი თანამშრომელი 2019 წელს; 1.31 2020 წელს) — აღიშნულის შესახებ EUROSTAT-ი...

სსიპ „საზოგადოებრივი მაუწყებლის“ შენობის გასასხვისებლად მორიგი აუქციონი 30 სექტემბერსაა ჩანიშნული

სსიპ „საზოგადოებრივი მაუწყებლის“ შენობის გასასხვისებლად მორიგი აუქციონი 30 სექტემბერსაა ჩანიშნული
access_time2022-09-24 23:00:00
თბილისში კოსტავას 68-ში მდებარე სსიპ „საზოგადოებრივი მაუწყებლის“ შენობა მორიგ აუქციონზე იყიდება. მიმდინარე აუქციონზე, რომელიც 30 სექტემბერსაა ჩანიშნული, ობიექტის საწყისი ღირებულება დღგ-ს გარეშე 65 000 000 ლარს, ხოლო დღგ-ს ჩათვლით 76 700 000 ლარს შეადგენს, რომელიც მყიდველს შემდეგი გრაფიკით უნდა გადაიხადოს: 45% - ხელშეკრულების დადებიდან 1 თვეში; 20% - არაუგვიანეს 2022 წლის 31...

ევროპის ავტომობილების ბაზარი პანდემიამდელ ზრდის დონეს დაუბრუნდა

ევროპის ავტომობილების ბაზარი პანდემიამდელ ზრდის დონეს დაუბრუნდა
access_time2022-09-25 11:00:20
აგვისტოს თვეში, ევროპაში ავტომობილების გაყიდვები 4,4%-ით გაიზარდა, რაც 650,305 მანქანას შეადგენს.    ევროპის ავტომობილების მწარმოებელთა ასოციაციის (ASEA) მონაცემებით, ეს პირველი დადებითი შედეგი იყო 13 თვიანი ვარდნის...

ბელარუსმა მარცვლეულის ექსპორტის აკრძალვა 6 თვით გაახანგრძლივა

ბელარუსმა მარცვლეულის ექსპორტის აკრძალვა 6 თვით გაახანგრძლივა
access_time2022-09-24 21:01:27
ბელარუსის მინისტრთა საბჭომ ქვეყნიდან ხორბლისა და სხვა მარცვლეულის ექსპორტზე აკრძალვა, კიდევ ექვსი თვით გაახანგრძლივა. ამავდროულად, რეზოლუციის მოქმედება არ ვრცელდება ბელარუსის რესპუბლიკის გარეთ ექსპორტირებულ საქონელზე ევრაზიის ეკონომიკური კავშირის (EAEU) წევრ ქვეყნებში. ბელარუსიდან დროებითი ექსპორტისთვის აკრძალული საქონლის სიაშია ხორბალი, ჭვავი, ქერი, სიმინდი, ფეტვი, წიწიბურა, შვრია და სხვა...

საომარ მოქმედებებში მონაწილეობაზე უარის თქმა 10 წლამდე პატიმრობას ითვალისწინებს - პუტინმა კანონს ხელი მოაწერა

საომარ მოქმედებებში მონაწილეობაზე უარის თქმა 10 წლამდე პატიმრობას ითვალისწინებს - პუტინმა კანონს ხელი მოაწერა
access_time2022-09-24 18:00:05
რუსეთის პრეზიდენტმა, ვლადიმერ პუტინმა ხელი მოაწერა კანონს, რომელიც საომარ მოქმედებებში მონაწილეობაზე უარის თქმის შემთხვევაში თავისუფლების 10 წლამდე ვადით შეზღუდვას ითვალისწინებს, - ინფორმაციას რუსული მედია ავრცელებს. მათივე ცნობით, შესაბამისი დოკუმენტი გამოქვეყნებულია იურიდიული ინფორმაციის ოფიციალურ ინტერნეტ პორტალზე. ამასთან, კანონი დეზერტირობისთვის, ან სამხედრო მოსამსახურეების მიერ გაწვევის შემთხვევაში სამხედრო სამსახურში გამოუცხადებლობის...


მსგავსი სიახლეები

up