აშშ-ის ხელისუფლებას გაყიდვაში გამოაქვს კიდევ 10 მილიონი ბარელი ნავთობი მისი სტრატეგიული მარაგებიდან პრეზიდენტ ჯო ბაიდენის განცხადების ფარგლებში ნახევარი წლის განმავლობაში ეროვნული მარაგებიდან 1 მილიონი ბარელი ნავთობის/დღე-ღამეში გამოთავისუფლების შესახებ. ნათქვამია აშშ-ის ენერგეტიკის სამინისტროს მიერ გავრცელებულ განცხადებაში.
„ენერგეტიკის სამინისტრომ დღეს გააკეთა განცხადება ნოემბერში სტრატეგიული მარაგებიდან კიდევ 10 მილიონ ბარელამდე ნავთობის გაყიდვის შესახებ“, - ნათქვამია განცხადებაში.
ბაიდენმა 31 მარტს განაცხადა, რომ აშშ გამოათავისუფლებს სტრატეგიული მარაგებიდან დღეში 1 მილიონ ბარელ ნავთობს ექვსი თვის განმავლობაში ქვეყანაში ბენზინის ფასის შემცირების მიზნით. ამავდროულად, აშშ-ის ენერგეტიკის სამინისტრო გამოიყენებს მარაგებიდან ნავთობის გაყიდვიდან მიღებულ შემოსავალს ენერგომატარებლების შესაძენად და შემდგომ წლებში მის შესავსებად. იგეგმებოდა, რომ ოქტომბრის ბოლომდე გამოათავისუფლებდნენ 180 მილიონი ბარელ ნავთობს, თუმცა ამ დროისთვის ხელისუფლებამ ეროვნული მარაგებიდან ბაზარზე 155 მილიონი ბარელი ნავთობი გაგზავნა. მიმდინარე 10 მილიონ ბარელს კომპანიებს ნოემბერში მიაწოდებენ.
წყარო: oilnews.ge