ვაშინგტონმა ჩეჩნეთის პრეზიდენტის რამზან კადიროვის მიერ დაარსებული მამამისის სახელობის ახმატ კადიროვის ფონდის და მასთან დაკავშირებული სპორტული კლუბების წინააღმდეგ სანქციები შემოიღო.
ამ ფონდის შემადგენლობაში 2 დიდი სუბიექტი შედის - საფეხბურთო კლუბი „ახმატი“, რომელიც რუსეთის ჩემპიონატის უმაღლეს ლიგაში თამაშობს, და შერეული ორთაბრძოლების ფედერაცია ММА-ს ფილიალი Absolute Championship Akhmat, სადაც გაერთიანებულები არიან ჩეჩენი მებრძოლები. ამ ასოციაციაში წევრობა მათ საერთაშორისო, მათ შორის, ამერიკულ არენაზე, გზას უხსნის.
სანქციების პირდაპირი შედეგი იქნება შტატებთან ყოველგვარი კონტაქტების შეწყვეტა.
ამ მხრივ, საფეხბურთო კლუბის მდგომარეობა შედარებით ნაკლებად პრობლემურია.
„ახმატს“ არც აქამდე ჰქონდა შეხება ამერიკული ფიზიკურ ან იურიდიულ პირებთან, ამიტომაც ამ მხრივ ბევრი არაფერი შეიცვლება, კლუბს რუსეთის მთავრობა აფინანსებს, და მას ამერიკის, ან ზოგადად საერთაშორისო ფინანსურ ბაზართან წვდომა არაფერში არ სჭირდება. ასევე ის შტატებში არავითარ აქტივებს არ ფლობს“ - განაცხადა ბრიტანული კონსალტინგური კომპანია Aperio Intelligence -ის ანალიტიკოსმა ჯორჯ ვოლოშინმა.
გაცილებით უფრო დიდი პრობლემები Absolute Championship Akhmat (ACA)-ს მოელის. საფეხბურთო კლუბისგან განსხვავებით ეს საერთაშორისო ორგანიზაციაა, და ის ამერიკასთან პირდაპირაა დაკავშირებული - პირველი რიგში თუნდაც იმიტომ, რომ შერეული ორთაბრძოლების სამყაროში ამერიკა შეუცვლელი პარტნიორია.
სწორედ შტატებში მოქმედებს ყველა ძირითადი ფედერაცია, მათ შორის MMA და UFC, ამერიკელი მებრძოლები ითვლებიან მსოფლიოში საუკეთესოებად, და ყველა პოპულარული შეჯიბრებები სპორტის ამ სახეობაში სწორედ შტატებში ტარდება.
შერეულის სტილის მებრძოლი, რომლისთვისაც ამერიკა დახურულია - ზრდის და წინსვლის ყოველგვარ პერსპექტივას კარგავს.
ACA-ს უცხოეთთან, და პირველ რიგში შტატებთან უამრავი კავშირები გააჩნია - ჩეჩენი სპორტსმენები ამერიკაში გამართულ შეჯიბრებებში ხშირად მონაწილეობენ, გარდა ამის ACA ტურნირებს უცხოელი, მათ შორის ამერიკელი სპორტსმენების მონაწილეობთ ხშირად ატარებს.
ამ დროისთვის ACA-ს ჩემპიონი მძიმე წონაში ამერიკელი ტონი ჯონსონია, და მას ასოციაციის დატოვება მოუწევს ახლახანს ხელმოწერილი 3-წლიანი კონტრაქტის მიუხედავად.
Absolute Championship Akhmat-ის ატლეტური კომისიის რამდენიმე წევრი და კომენტატორი ასევე ამერიკელია, ასოციაცია კი ტურნირებს არა მხოლოდ ჩეჩნეთში და რუსეთში, არამედ ევროპაში და ამერიკაშიც ატარებს.
სანქციები ამერიკასთან დაკავშირებულ ყველას და ყველაფერს შეეხება - მაგალითად, ბრაზილიის მოქალაქეს, რომელიც ფლობს პლასტიკურ ბარათს, ან აქვს გახსნილი საბანკო ანგარიში, რომელსაც SWIFT-ის სისტემა ემსახურება.
ეს ძალიან მნიშვნელოვანი საკითხია, რადგანაც ბრაზილია შერეული ორთაბრძოლების მეორე ცენტრია შტატების შემდეგ, და АСА-სი რამდენიმე ბრაზილიელი მებრძოლიცაა გაწევრიანებული. მათ გაერთიანების დატოვება მოუწევთ წინაამღდეგ შემთხვევაში ისინი აშშ-ს ვიზას ვერასდროს მიიღებენ,
შეზღუდვები საბოლოოდ გაანადგურებს Absolute Championship Akhmat-ს, როგორც საერთაშორისო ორგანიზაციას - ის ვერ უცხოეთში თავის მებრძოლებს გააგზავნის, ვერც ჩეჩნეთში უცხოელ სპორტსმენებს ჩამოიყვანს, და ვერც სხვა ქვეყნებში შეჯიბრებებს ვერ ჩაატარებს.
სადღეისოდ, АСА-ს რამდენიმე მებრძოლი ამერიკულ UFC-ში გამოდის - ჩეჩნები მაგომედ ანკალაევი და საიდ ნურმაგომედოვი, რუსი მაქსიმ გრიშინი, და ქართველი ლიანა ჯოჯუა. სანქციების შემოღების შემდეგ მათ ან АСА-სთან დამშვიდობება, ან ამერიკის დატოვება მოუწევთ.
ასევე მოსალოდნელია, რომ АСА-ს აკაუნტები Facebook, Instagram და YouTube-ში დაიბლოკება, ისევე როგორც ეს რამზან კადიროვის პირად აქაუნტების დაემართა. ასოციაცია სოციალურ ქსელებს აქტიურად იყენებს, და მათი დაკარგვაც მისთვის მძიმე დანაკლისი იქნება.
rbc.ru
მოამზადა თენგიზ აბლოთიამ