აშშ-ის თავდაცვის ყოფილმა მდივანმა, ჯეიმს მეტისმა უკრაინაში რუსეთის ომი გააკრიტიკა და მას ამორალური და ოპერატიულად სულელური ომი უწოდა.
„ამერიკაში გამონათქვამი გვაქვს, ჩვენ ვამბობთ, რომ ქვეყნები, რომლებსაც მოკავშირეები ჰყავთ, აყვავდებიან, ხოლო მოკავშირეების გარეშე მყოფი ქვეყნები ჭკნებიან. რუსეთი ჩვენს თვალწინ ჭკნება“, - აღნიშნა აშშ-ის თავდაცვის ყოფილმა მდივანმა.
ჯეიმს მეტისმა ასევე დაგმო უკრაინაში რუსეთის კამპანიის ამორალური, ტაქტიკურად არაკომპეტენტური, ოპერატიულად სულელური და სტრატეგიულად სულელური ძალისხმევა.
„ჩვენი დროის ტრაგედია ის არის, რომ პუტინი პირდაპირ დოსტოევსკიდან ამოღებული არსებაა. ის ყოველ ღამე გაბრაზებული იძინებს, ის ყოველ ღამე შეშინებული იძინებს, ის ყოველ ღამე იმაზე ფიქრით იძინებს, რომ რუსეთი კოშმარებით არის გარშემორტყმული და ის ამით ხელმძღვანელობს“, - განაცხადა მან.