აშშ-ის სურსათისა და მედიკამენტების ადმინისტრაციამ „მოდერნასა“ და „ჯონსონ ენდ ჯონსონის“ კორონავირუსის საწინააღმდეგო ვაქცინების ე.წ. „ბუსტერ“ დოზის გამოყენების ნებართვა გასცა და ასევე განაცხადა, რომ მოქალაქეებს შეუძლიათ „ფაიზერის“, „მოდერნას“ ან „ჯონსონ ენდ ჯონსონის“ ვაქცინებიდან ნებისმიერით აიცრან, მიუხედავად იმისა, რომელი ვაქცინით არიან მანამდე ვაქცინირებულები.

The Guardian-ი წერს, რომ ეს გადაწყვეტილება უდიდესი ნაბიჯია აშშ-ში „ბუსტერ“ კამპანიის გასაფართოებლად, რომელიც გასულ თვეში „ფაიზერის“ ვაქცინის დამატებითი დოზებით აცრით დაიწყო.

მიმდინარე კვირის ბოლოს აშშ-ის დაავადებათა კონტროლისა და პრევენციის ცენტრის საკონსულტაციო კომიტეტი შეიკრიბება და გასცემს რეკომენდაციებს იმასთან დაკავშირებით, ვინ და როდის უნდა მიიღოს ვაქცინების დამატებითი დოზა.

ცნობისათვის, „ფაიზერის“ „ბუსტერ“ დოზით აშშ-ში ამ დროისთვის 11.2 ადამიანია აცრილი.

Ipn.ge