აშშ-ის სახელმწიფო დეპარტამენტის ანგარიში - მიუხედავად გამოწვევებისა, საქართველო რეგიონში მაღალ პოზიციას იკავებს, როგორც ბიზნესის კეთების კარგი ადგილი

აშშ-ის სახელმწიფო დეპარტამენტის ანგარიში - მიუხედავად გამოწვევებისა, საქართველო რეგიონში მაღალ პოზიციას იკავებს, როგორც ბიზნესის კეთების კარგი ადგილი

access_time2020-09-10 16:12:00

აშშ-ის სახელმწიფო დეპარტამენტი მსოფლიოს 170 ქვეყანაში, მათ შორის, საქართველოში საინვესტიციო კლიმატის თაობაზე ანგარიშს აქვეყნებს.


ანგარიშში წერია, რომ საქართველოში, საერთო ჯამში, ბიზნესისა და ინვესტიციის პირობები მდგრადია.


ანგარიშში ხაზგასმულია, რომ საქართველო მაღალ პოზიციებს იკავებს მსოფლიო ბანკის ბიზნესის კეთების სიმარტივის, ასევე ეკონომიკური თავისუფლების ინდექსის სიებში. აღნიშნულია, რომ „საქართველო 2020“ ეკონომიკური სტრატეგია ბიზნესისთვის მომგებიან პოლიტიკას და ინკლუზიურ ზრდას ითვალისწინებს ქვეყნის მასშტაბით.


„თუმცა, ზოგიერთი კომპანია გამოთქვამს მზარდ უნდობლობას სასამართლო სექტორის უნარისადმი, განიხილოს კომერციული საქმეები დამოუკიდებლად, დროულად ან კომპეტენტურად. ზოგიერთი ბიზნესდავის საქმეები სასამართლო სისტემაში წლების განმავლობაში იწელება. სხვა კომპანიები მუნიციპალურ დონეზე გადაწყვეტილების მიღების არაეფექტურ პროცესებს უჩივიან, ასევე, ინტელექტუალური საკუთრების უფლებების განხორციელების ნაკლოვანებებს, ეფექტური ანტიმონოპოლური პოლიტიკის ნაკლებობას, ეკონომიკური კანონმდებლობის შერჩევით აღსრულებას და საკუთრების უფლებებთან დაკავშირებული დავების მოგვარებისას არსებულ სირთულეებს. საქართველოს მთავრობა განაგრძობს მუშაობას ამ საკითხების გადასაჭრელად და, მიუხედავად ამ დარჩენილი გამოწვევებისა, საქართველო რეგიონში მაღალ პოზიციას იკავებს, როგორც ბიზნესის კეთებისთვის კარგი ადგილი“, – ნათქვამია ანგარიშში.


სახელმწიფო დეპარტამენტის ანგარიშში ასევე საუბარია ანაკლიის პორტზე.



„ტრანზიტი და ლოჯისტიკა საქართველოში პრიორიტეტული სექტორებია, რადგან საქართველოს სურს, ისარგებლოს ქვეყნის გავლით აღმოსვლეთ-დასავლეთს შორის გაზრდილი ვაჭრობით. ბაქო-თბილისი-ყარსის რკინიგზამ საქართველოს ტრანზიტული შესაძლებლობები გაზარდა. თუმცა, ანაკლიის ღრმაწყლოვანი პორტის პროექტი 2016 წელს მისი თავდაპირველი კონტრაქტის შემდეგ, ბევრჯერ დაგვიანდა და გადავადდა. მთავრობამ ანაკლიის განვითარების კონსორციუმთან კონტრაქტი 2020 წელს შეაჩერა, რადგან კონსორციუმმა საკმარისი კაპიტალი ვერ მოაგროვა. თუმცა, მთავრობა მაინც აპირებს ანაკლიის პორტის აშენებას და პროექტზე ტენდერის ხელახლა გამოცხადებას“, – აღნიშნულია ანგარიშში.


სახელმწიფო დეპარტამენტის ანგარიშის თანახმად, ლოჯისტიკისა და პორტის მშენებლობის კომპანიებმა დაიწყეს ფოთის პორტის განვითარებისა და გაფართოების სამუშაოები, რომელიც საქართველოში ამჟამად ყველაზე დიდი პორტია.


„პეის ჯგუფმა“ წამოიწყო 120-მილიონიანი პროექტი ფოთის ნავთმშენებელი ქარხანის ადგილას ახალი პორტის ტერმინალის ასაშენებლად. ამასთან, „ეიპიემ ტერმინალმა“ 2019 წელს დააანონსა, რომ ფოთში ღრმაწყლოვანი პორტის აშენებას გეგმავს“, – ნათქვამია ანგარიშში.


სახელმწიფო დეპარტამენტის ანგარიშში წერია, რომ გასხვისების თაობაზე დავები საქართველოში ხშირი არ არის, თუმცა 2012 წლამდე, წინა მთავრობის ქვეშ, აღიარებულმა არასამთავრობო ორგანიზაციებმა წამოჭრეს ისტორიული მფლობელობის უფლებების არაკანონიერი გაუქმების ფაქტები სვანეთში, ანაკლიაში, გონიოსა და შავი ზღვის მიმდებარე ტერიტორიებზე.


„წინა მთავრობისას ასევე ფიქსირდებოდა ქონების გადაცემის ფაქტები, რომლებსაც აკლდა გამჭვირვალობა და არსებობს ვარაუდი, რომ მათ იძულების წესით ახორციელებდნენ“, – წერია ანგარიშში.


1tv.ge



თეგები:
ანგარიში



29 ოქტომბერი - რეგიონში ქართული ლარი გამყარდა, თურქული ლირა გაუფასურდა

29 ოქტომბერი - რეგიონში ქართული ლარი გამყარდა, თურქული ლირა გაუფასურდა
access_time2020-10-29 18:05:03
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 29 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება...

„სილქფესტი“ ორი დღით ულიმიტო პირობებს შეთავაზებს მომხმარებლებს

„სილქფესტი“ ორი დღით ულიმიტო პირობებს შეთავაზებს მომხმარებლებს
access_time2020-10-29 16:55:29
სილქნეტის მობილური ქსელის მომხმარებლები 30 და 31 ოქტომბერს „სილქფესტის“ აქციით შეძლებენ 30 დღით გაიაქტიურონ ულიმიტო პირობები სასაუბრო და ინტერნეტ პაკეტებზე: კომბინაციით *019# მომხმარებელი ჩაირთავს ულიმიტო ინტერნეტს 19 ლარად, ხოლო კოდით *202# - ულიმიტო სასაუბრო* პირობას 10 ლარად გაიაქტიურებს. „სილქფესტით“ სარგებლობა შეეძლებათ ფიზიკურ და იურიდიულ პირებს. ასევე, შეზღუდვის გარეშე ორივე პაკეტის გამოყენება. *უსასრულო...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-29 21:00:29
დღის Top 10 საინტერესო ამბავი: 1.წლების შემდეგ ქართული ექსპორტი ისევ რუსეთზე დამოკიდებული ხდება - დინამიკა ციფრებში და პრობლემები, რაც შეიძლება მომავალშიც განმეორდეს რუსეთი საქართველოს ეკონომიკაზე გავლენას ზრდის. წლების შემდეგ რუსეთი ქართული პროდუქციის უმსხვილესი...

რას გვპირდება მმართველი გუნდი - „ქართული ოცნების“ საარჩევნო პროგრამის ეკონომიკური ნაწილი

რას გვპირდება მმართველი გუნდი - „ქართული ოცნების“ საარჩევნო პროგრამის ეკონომიკური ნაწილი
access_time2020-10-29 17:00:01
8 წლიანი მმართველობის დასასრულს „ქართული ოცნება“ მესამე ვადით ცდილობს ხელისუფლებაში დარჩენას. მთავარ ორიენტირად ისევ მემარცხენე მიმართულება რჩება. საარჩევნო პროგრამაში პირველივე გვერდზე ვკითხულობთ სიტყვებს „მზრუნველი ხელისუფლება.“ პროგრამის ეკონომიკურ ნაწილში აღნიშნულია, რომ ქართულმა ოცნებამ მმართველობის პირველივე წლებიდან „ეკონომიკის ხარისხობრივი განვითარებისთვის ფუნდამენტური...

ქართულმა ავტომობილების რეექსპორტმა სომხური ბაზარი დაკარგა

ქართულმა ავტომობილების რეექსპორტმა სომხური ბაზარი დაკარგა
access_time2020-10-29 14:00:38
სომხეთში ექსპორტი სექტემბერში შემცირებულია, წლიურად (Y.Y) 67%-ი (09/2020 მთლიანი ექსპორტი ზრდა 8.6%Y.Y). $16 მლნ -და (L/Y - $44.6 მლნ, 7.7) ადგილობრივმა ექსპორტმა - 8,5 მლნ. დოლარი შეადგინა. კლება რეექსპორტის ხარჯზეა. რაც მსუბუქი ავტომობილების შემცირებით აიხსნება, რაც ძირითადი საექსპორტო ჯგუფია. 2019 წლის სექტებერში სომხეთში საქართველოდან $31 მლნ -ის ავტომობილი გავიდა, 09/2020 - 0. საქტატში აღრიცხული არ არის და მსხვილი ექსპორტიორის კავკასიის...


მსგავსი სიახლეები

up