აშშ ირანული ტანკერის გამო საბერძნეთს აფრთხილებს

აშშ ირანული ტანკერის გამო საბერძნეთს აფრთხილებს

access_time2019-08-20 11:50:14

აშშ-მა საბერძნეთი და ხმელთაშუა ზღვის ყველა პორტი გააფრთხილა შედეგებზე, რომელიც ირანული სუპერტანკერისთვის დახმარების გაწევას მოჰყვება.


სახელმწიფო დეპარტამენტში განაცხადეს, რომ ირანული ტანკერისთვის ნებისმიერ დახმარებას ვაშინგტონი განიხილავს მის მიერ ტერორისტულ ორგანიზაციად აღიარებული „ირანის ისლამური რევოლუციის გუშაგთა კორპუსის“ მატერიალურ მხარდაჭერად.


ამ ორგანიზაციის კუთვნილ ტანკერს სავარაუდოდ, სირიაში მიაქვს ორ მილიონ ბარელზე მეტი ნედლი ნავთობი.


საზღვაო ხომალდების მარშრუტების სამეთვალყურეო სისტემების მონაცემებით, ირანული ტანკერი Adrian Dariya 1, რომელიც მანამდე იწოდებოდა როგორც Grace 1, საბერძნეთის საპორტო ქალაქის, კალამატისკენ მიემართება. საბერძნეთის მთავრობაში აცხადებენ, რომ მსგავსი ინფორმაცია არ მიუღიათ.



ირანულმა ტანკერმა 18 აგვისტოს დატოვა დიდი ბრიტანეთის შემადგენლობაში მყოფი გიბრალტარის პორტი, სადაც ივლისის დასაწყისში დააკავეს ევროკავშირის მიერ დაწესებული სანქციების სავარაუდო დარღვევისთვის.


მიუხედავად აშშ-ის მოთხოვნისა, რომ დაკავებული ტანკერი არ გაეთავისუფლებინათ, გიბრალტარის ხელისუფლებამ განაცხადა, რომ ამას ვერ გააკეთებს, რადგან ევროკავშირის სანქციები ამერიკულზე უფრო სუსტია და ირანულ ნავთობზე სრულ ემბარგოს არ ითვალისწინებს.


თავის მხრივ, თეირანმა პირობა დადო, რომ ნავთობს არ დაცლის იმ პორტებში, რომლებზეც ევროკავშირის სანქციები ვრცელდება. ამასთან, ირანი დღემდე არ ამბობს, საით მიემართება მისი სუპერტანკერი.


გიბრალტარის პორტიდან გათავისუფლების შემდეგ ტანკერზე ირანის დროშა აღმართეს. მანამდე ტანკერი პანამის დროშით ცურავდა.


რადიო თავისუფლება





“საერთაშორისო ბაზრებზე არსებული დღევანდელი სიტუაციის გათვალისწინებით, ფქვილის ფასი შეიძლება 1-2 ლარით გაძვირდეს”

“საერთაშორისო ბაზრებზე არსებული დღევანდელი სიტუაციის გათვალისწინებით, ფქვილის ფასი შეიძლება 1-2 ლარით გაძვირდეს”
access_time2020-01-20 13:37:42
„პირველ ეტაპზე, ფქვილის ფასზე სერიოზულად არ აისახება რუსულ ხორბალზე კვოტირების დაწესების ფაქტორი“ ბოლო წლების განმავლობაში რუსეთში ხორბლის რეკორდული მოსავალი მოდის. 2019 წელს ქვეყანაში 120,7 მლნ ტონა ხორბალი აიღეს, რაც ერთ-ერთი ყველაზე მაღალი მაჩვენებელია ისტორიაში. შედეგად, 2018-2019 წლების სეზონზე რუსეთიდან 35,8 მლნ ტონა ხორბლის ექსპორტი განხორციელდა საქართველოში. აღსანიშნავია, რომ რეკორდული მოსავლების პარალელურად, მზარდია რუსული...

2019 წელს სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა

2019 წელს სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა
access_time2020-01-20 12:07:34
„საქსტატის“ წინასწარი მონაცემებით, 2019 წელს საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 12 834.7 მლნ აშშ დოლარი შეადგინა, რაც წინა წლის შესაბამის მაჩვენებელზე 2.7 პროცენტით მეტია. აქედან ექსპორტი 3 771.5 მლნ აშშ დოლარს (12.4 პროცენტით მეტი), ხოლო იმპორტი 9 063.2 მლნ აშშ დოლარს (0.8 პროცენტით ნაკლები) შეადგენს. საქართველოს უარყოფითმა სავაჭრო ბალანსმა, 2019 წელს, 5 291.8 მლნ აშშ დოლარი შეადგინა, რაც საგარეო სავაჭრო ბრუნვის 41.2...

დავით საგანელიძე: „საპარტნიორო ფონდი“ ბიუჯეტიდან არ უნდა ფინანსდებოდეს,მას აქვს საშუალება თავად მოიზიდოს თანხები

დავით საგანელიძე: „საპარტნიორო ფონდი“ ბიუჯეტიდან არ უნდა ფინანსდებოდეს,მას აქვს საშუალება თავად მოიზიდოს თანხები
access_time2020-01-20 11:30:36
„საპარტნიორო ფონდის“ ხელმძღვანელი დავით საგანელიძე მიიჩნევს, რომ „საპარტნიორო ფონდი“ ბიუჯეტიდან არ უნდა ფინანსდებოდეს და მას აქვს საშუალება თავად მოიზიდოს თანხები. ამის შესახებ დავით საგანელიძემ საპარტნიორო ფონდის სტრუქტურულ რეფორმაზე საუბრისას განაცხადა და აღნიშნა, რომ ფონდს დღეს უკვე სხვა გამოწვევები და ამოცანები აქვს, ამიტომ აუცილებელია სტრუქტურული რეფორმა სწრაფად განხორციელდეს. ამასთან, დავით საგანელიძე მიიჩნევს, რომ სახელმწიფო საწარმოები არ უნდა...

სვანეთში ბიტკოინის მაინერების წარმოებას სემეკი მკაცრად გააკონტროლებს

 სვანეთში ბიტკოინის მაინერების წარმოებას სემეკი მკაცრად გააკონტროლებს
access_time2020-01-20 12:30:24
მას შემდეგ, რაც სვანეთის მოსახლეობა ელექტროენერგიის გადასახადისგან განთავისუფლდა, „ენერგო პრო ჯორჯიას“ ზარალი ამ მიმართულებით გაიზარდა. საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი) ინფორმაციით, კომპანიის ზარალმა 2019 წლის 9 თვეში,  სვანეთისთვის მიწოდებული და გადაუხდელი ელექტროენერგიის ნაწილში, 7 მლნ. ლარი შეადგინა. მარეგულირებელი კომისიის თავმჯდომარე დავით ნარმანიას  რამდენიმე კვირის წინ გაკეთებული...

Forbes - პრინც ჰარის და მეგან მარკლის შემოსავლის შესაძლო წყაროებზე

Forbes - პრინც ჰარის და მეგან მარკლის შემოსავლის შესაძლო წყაროებზე
access_time2020-01-19 21:00:10
  რამდენიმე დღის წინ ბრიტანეთის პრინცმა ჰარიმ და მისმა მეუღლემ, ამერიკელმა მსახიობმა მეგან მარკლმა განაცხადეს, რომ  მათ სურთ ფინანსური დამოუკიდებლობა.   თუ გავითვალისწინებთ, რომ პრინცმა განაცხადა, რომ ის უარს ამბობს ტიტულზე, ამ პროცესს აქვს ორი მხარე   - ერთია, რომ უკვე ყოფილ პრინცს მკვეთრად შეუმცირდება დაფინანსება ოჯახიდან, მეორე კი - ამჟამად მას უკვე აქვს დამოუკიდებლად მუშაობის უფლება.   რას აირჩევენ ჰარი და...


მსგავსი სიახლეები

up