აშშ-ის ხელისუფლება უცხოელებზე “Green Card”- ის გაცემის ახალ წესებს აამოქმედებს. წესების მიხედვით, გართულდება ბარათის მიღების პროცედურა გართულდება მათთვის, ვისაც სახელმწიფო შემწეობის მიღება სურს. ამის შესახებ თეთრი სახლის პრესსამსახური იუწყება.
ამერიკის ადმინისტრაციაში აცხადებენ, რომ კმაყოფილი არიან უმაღლესი სასამართლოს გადაწყვეტილებით, რომელმაც მოახსნა ბოლო სასამართლო აკრძალვები ნორმების დაწესების თაობაზე, რომელიც განსაზღვრავს, თუ ვინ საჭიროებს სახელმწიფოს მხრიდან დახმარებას.
როგორც გამოცემა The Hill წერს, ამ წესებს ემიგრანტებისთვის სიმდიდრის ტესტს უწოდებენ.
თეთრი სახლის მიერ გავრცელებულ განცხადებაში ნათქვამია, რომ ახალი წესები დაიცავს იმ ამერიკელებს, რომლებიც იხდიან გადასახადებს, მოახდენს სოციალური უზრუნველყოფის პროგრამის მხარდაჭერას იმ ამერიკელებისთვის, რომლებიც რეალურად საჭიროებენ მას და შეამცირებს ფედერალური ბიუჯეტის დეფიციტს.
გარდა ამისა, ახალი წესები აღადგენს ფუნდამენტურ სამართლებრივ პრინციპს, რომლის მიხედვითაც ამერიკის საზოგადოების ახალი წევრები უნდა იყვნენ ფინანასურად უზრუნველყოფილნი და არ უნდა იყვნენ დამოკიდებულნი ამერიკის გადახდისუნარიან მოსახლეობაზე.
წყარო: ipress