აშენდება თუ არა დიდ დიღომში „ომეგა ჯგუფის“ უნივერსალური მინი ქალაქი, უცნობია - კომპანიას მშენებლობის ნებართვა მერიიდან  ამ დრომდე არ მიუღია

აშენდება თუ არა დიდ დიღომში „ომეგა ჯგუფის“ უნივერსალური მინი ქალაქი, უცნობია - კომპანიას მშენებლობის ნებართვა მერიიდან ამ დრომდე არ მიუღია

access_time2019-04-16 11:00:17

დიდ დიღომში ახალი უნივერსალური მინი ქალაქის მშენებლობასთან დაკავშირებით ახალი დეტალები ხდება ცნობილი. „ომეგა ჯგუფს“ Omega home-ის მშენებლობა გასულ წელს, მას შემდეგ უნდა დაეწყო, რაც თბილისის მერიისგან მშენებლობის ნებართვას მიიღებდა.


„კომერსანტი“ დაინტერესდა, რა ეტაპზეა პროექტის მიმდინარეობა და ამის გასარკვევად თავად „ომეგა ჯგუფს“ დაუკავშირდა, თუმცა, მათგან კომენტარი ამ დრომდე ვერ მიიღო.


როგორც აღმოჩნდა, კომპანიას მშენებლობის ნებართვა ამ დრომდე არ მიუღია. თბილისის მერიის არქიტექტურის სამსახურში „კომერსანტს“ განუცხადეს, რომ დიდ დიღომში კომპანიის საკუთრებაში არსებულ ნაკვეთზე 2017 წლის ნოემბერში შეტანილი იყო გრგ-ს შეთანხმებაზე განაცხადი, თუმცა, მერიამ კომპანიას შენიშვნების გასათვალისწინებლად უკან დაუბრუნა.


„სამსახურმა შეამოწმა მათ მიერ წარმოდგენილი დოკუმენტაცია და რიგი გარემოებების დაზუსტება მოითხოვა. კომპანიას დეტალურად ეცნობა შენიშვნების შესახებ, მიეცა ვადა გამოსასწორებლად და განაცხადის ხელახლა წარსადგენად. გადაწყვეტილება 2017 წლის 8 ნოემბერს იქნა გამოტანილი, კანონის მიხედვით, კომპანიას ახალი განაცხადი 30 სამუშაო დღეში უნდა წარმოედგინა. დღევანდელი მდგომარეობით, „ომეგა ჯგუფს“ ახალი განაცხადი არ წარმოუდგენია„- აცხადებენ თბილისის მერიის არქიტექტურის სამსახურში.



როგორც ცნობილია, მშენებლობა 400 მილიონი ლარის ბრიტანულ-ქართული ინვესტიციით უნდა განხორციელებულიყო.


პროექტის ფარგლებში იგეგმება 40 საცხოვრებელი კორპუსის, ასევე კომერციული და გასართობი ცენტრების მშენებლობა. ახალ ქალაქში 5000 ოჯახი იცხოვრებს, გარემო კი მაქსიმალურად იქნება მორგებული მათ საჭიროებებსა და ბიზნეს ინტერესებზე. „ომეგა ჯგუფში“ 2018 წლის ზაფხულში აცხადებდნენ, რომ პროექტი ჯამში 160 ათასი კვადრატულ მეტრ ტერიტორიაზე სკოლების, საბავშვო ბაღების, თეატრის, კინოს, სპორტული კომპლექსის და სავაჭრო ცენტრების მშენებლობას  გულისხმობს.


„ომეგა ჯგუფში“ აცხადებდნენ, რომ განსაკუთრებით საინტერესოა არქიტექტურის ნაწილი. კერძოდ, უნიკალური პროექტის ავტორი ბრიტანელი სპეციალისტია, რომელიც გასულ წელს გაერთიანებულ სამეფოში საუკეთესო ქალ არქიტექტორად დასახელდა.





სოფო ქსოვრელი 




„სოფელში უმუშევრობა უფრო დაბალ დონეზეა, მაგრამ სიღარიბე ბევრად მაღალია“

„სოფელში უმუშევრობა უფრო დაბალ დონეზეა, მაგრამ სიღარიბე ბევრად მაღალია“
access_time2019-11-19 11:45:51
საერთაშორისო რესპუბლიკური ინსტიტუტის (IRI) საქართველოში ივნისის აქციების შემდეგ პირველ კვლევას აქვეყნებს. როგორც ორგანიზაციის მიერ გავრცელებულ პრესრელიზშია აღნიშნული, პირველი კვლევის მიხედვით, რომელიც საერთაშორისო რესპუბლიკურმა ინსტიტუტმა საქართველოში 2019 წლის ივნისის ანტირუსული საპროტესტო აქციების შემდეგ ჩაატარა,გამოკითხულთა 80%-მა ქვეყნის მასშტაბით უმთავრეს პრობლემებად დაასახელა უმუშევრობა, საცხოვრებელი ხარჯები და სიღარიბე. „ზემოაღნიშული, ასევე,...

IRI - გამოკითხულთა 80%-მა ქვეყნის მასშტაბით უმთავრეს პრობლემებად უმუშევრობა, საცხოვრებელი ხარჯები და სიღარიბე დაასახელა

IRI - გამოკითხულთა 80%-მა ქვეყნის მასშტაბით უმთავრეს პრობლემებად  უმუშევრობა, საცხოვრებელი ხარჯები და სიღარიბე დაასახელა
access_time2019-11-19 10:05:21
საერთაშორისო რესპუბლიკური ინსტიტუტის (IRI) საქართველოში ივნისის აქციების შემდეგ პირველ კვლევას აქვეყნებს. როგორც ორგანიზაციის მიერ გავრცელებულ პრესრელიზშია აღნიშნული, პირველი კვლევის მიხედვით, რომელიც საერთაშორისო რესპუბლიკურმა ინსტიტუტმა საქართველოში 2019 წლის ივნისის ანტირუსული საპროტესტო აქციების შემდეგ ჩაატარა, ხელისუფლებისადმი ნდობის მაჩვენებელმა საგრძნობლად დაიკლო. მათივე ცნობით, არც ერთ პარტიას არ გააჩნია გამოკვეთილი უპირატესობა მომავალი...

„ფრესკო“ პროტესტის ნიშნად 24 საათით იკეტება

„ფრესკო“ პროტესტის ნიშნად 24 საათით იკეტება
access_time2019-11-18 21:29:59
„ფრესკო“ პროტესტის ნიშნად 24 საათით იკეტება. ამის შესახებ კომპანია ინფორმაცია სოციალურ ქსელში ავრცელებს. ქსელური ჰიპერმარკეტის განცხადებას კომერსანტი უცვლელად გთავაზობთ:   „მიგვაჩნია, რომ ის, რაც დღეს ჩვენს ქვეყანაში ხდება, ჩვენთვის და ჩვენი მოქალაქეებისთვის კონსტიტუციური უფლების წართმევაა! დღეს, კიდევ ერთხელ ვრწმუნდებით, რომ ადამიანის ფუნდამეტური უფლება - აზრისა და სიტყვის გამოხატვის თავისუფლება იზღუდება.   რთულია, ამ სიტუაციაში იყო უმოქმედოდ, მაგრამ...

თბილისის მოვლენებს მსოფლიოს წამყვანი გამოცემები ეხმაურება

თბილისის მოვლენებს მსოფლიოს წამყვანი გამოცემები ეხმაურება
access_time2019-11-18 21:00:20
თბილისში მიმდინარე მოვლენები მსოფლიო მედიის ყურადღების ცენტრშია. “საქართველოში მიმდინარე პროტესტს პარლამენტთან შეერთებული შტატები და ევროკავშირი უჭერს მხარს“, - სტატიას ამ სათაურით France 24 აქვეყნებს. გამოცემა წერს, რომ მიმდინარე აქციები, ბოლო წლების მანძილზე ყველაზე მასშტაბური ანტისამთავრობო გამოსვლებია საქართველოს დედაქალაქში. გამოცემის ცნობით, დაახლოებით 20 000 ადამიანი თბილისის ქუჩებში რიგგარეშე საპარლამენტო არჩევნებს ითხოვს. საპროტესტო აქციებზე წერს ასევე...

კახა კალაძე –სახელმწიფომ საკუთარი ვალდებულება შეასრულა და პარლამენტის უკანონო ბლოკირება აღკვეთა

კახა კალაძე –სახელმწიფომ საკუთარი ვალდებულება შეასრულა და პარლამენტის უკანონო ბლოკირება აღკვეთა
access_time2019-11-18 20:15:51
გვინდა გამოვეხმაუროთ რუსთველის გამზირზე მიმდინარე მოვლენებს და საპოლიციო ღონისძიებას, რომელიც წესრიგის აღსადგენად ჩატარდა. საქართველოში, დაცულია სიტყვისა და გამოხატვის თავისუფლება, თუმცა პარლამენტთან, ოპოზიციის ქმედებები გასცდა კანონის ჩარჩოებს.   ჩვენ, ორი დღის განმავლობაში, ვაფრთხილებდით აქციის ორგანიზატორებს, რომ სახელწიფო ინსტიტუტის, პარლამენტის ბლოკირება არის უკანონო ქმედება, თუმცა, მიუხედავად ამისა, ნახეს რა, რომ არ ჰქონდათ ხალხის სათანადო მხარდაჭერა, აქციის...


მსგავსი სიახლეები

up