ეპიდემიოლოგიური მდგომარეობიდან გამომდინარე ჯერ კიდევ მარტში დახურული თეატრების კარი ამ დრომდე დაკეტილია. მსახიობებს რეალიზაციის საშუალება არ აქვთ, მაყურებლებს და გულშემატკივრებს კი კულტურული ღონისძიების დანაკლისი გაუჩნდათ.

სასტუმრო ამბასადორი კაჭრეთი მუდმივად ცდილობს სპორტისა და ხელოვნების ხელშეწყობას, ამიტომ 1 ოქტომრიდან 17 ოქტომბრამდე ციფრული თეატრს უმასპინძლებს.

„ჩვენ მუდმივად ვართ ჩართული კულტურული ღონისძიებების ხელშეწყობაში, პირველებმა ვუმასპინძლეთ ექსპერიმენტალურ სპექტაკლს, რომელიც ტარდებოდა სასტუმროს ნომერში. ახლა კი ამ სფეროს კიდევ უფრო დიდი მხარდაჭერა სჭირდება. დიდი ხანია საზოგადოებას თეატრის კარი არ შეუღია, ამიტომ ჩვენს პარტნიორებთან ერთად გადავწყვიტეთ, ჩვენი სასტუმროს სტუმრებს და უბრალოდ თეატრის მოყვარულებს მივცეთ საშუალება ახალ რეალობაშიც შეძლონ ხელოვნებასთან ახლოს ყოფნა. ამასთან ძალიან მნიშვნელოვანია მსახიობების გამხნევება, მათი რეალიზება და კოვიდ ეპოქაში საკუთარი ადგილის დამკვიდრება. ამბასადორი კაჭრეთი პროექტს Mooz art Festival-თან და რია ქებურიას ფონდის დახმარებით განახორციელებს“,-ამბობს ამბასადორი კაჭრეთის საზოგადოებასთან ურთიერთობის მენეჯერი ნათია სოსიაშვილი.

მოზარდმაყურებელთა თეატრიდან 5 სპექტაკლი სასტუმროს 5 გარე ლოკაციაზე გადაინაცვლებს და ღია სივრცეში უსაფრთხოების ნორმების დაცვით გაიმართება.

„ჩვენთვის, რა თქმა უნდა, განსაკუთრებულად მნიშვნელოვანია სტუმრების უსაფრთხოება. გვაქვს გარე ტერიტორიები, სადაც ამ სტანდარტების დაცვა ძალიან კარგად არის შესაძლებელი. სპექტაკლებზე დასწრება ჩვენი სტუმრებისთვის იქნება უფასო. თუმცა იმ ადამიანებს, ვისაც მხოლოდ სპექტაკლის ნახვა მოუნდებათ შეუძლიათ ბილეთები შეიძინონ“,- განაცხადა ნათია სოსიაშვილმა.

არტ შემოდგომა მხოლოდ თეატრალურ ღონისძიებებს არ მოიცავს, მაშინ როცა უფროსებს სპექტაკლზე დასწრება მოუნდებათ, პატარებისთვის ხატვის მასტერკლასები გაიმართება. 

„ჩვენ მუდამ ვფიქრობთ, როგორ შევუქმნათ მაქსიმალური კომფორტი ჩვენს სტუმრებს. მაშინ როცა საზოგადოების დიდი ნაწილი ოფისებში აღარ მუშაობს მათთვის მისაღები გარემოს შექმნაზე ვიზრუნეთ. თუ ჩვენს სტუმარს დღის განმავლობაში მუშაობა უწევს და ყავს ბავშვი, მათთვის სპეციალური შემოქმედებითი მასტერკლასები გაიმართება. გვეყოლება გურამ წიბახაშვილი, რუსუდან რუხაძე, რუსუდან ხიზანიშვილი, თორნიკე რობაქიძე - ეს ადამიანები თქვენი პატარებისთვის განსაკუთრებულ და დასამახსოვრებელ გარემოს შექმნიან“,- ამბობს სასტუმროს საზოგადოებასთან ურთიერთობის მენეჯერი.

შეგახსენებთ, ამბასადორი კაჭრეთი „ამბასადორის“ ქსელის ერთ-ერთი სასტუმროა, რომელიც თბილისდან 80 კილომეტრში მდებარეობს. სასტუმრო მოიცავს 181 თანამედროვე დიზაინის ნომერს, გოლფის, მინიგოლფის, ფეხბურთის, კალათბურთის და ჩოგბურთის მოედნებს. შიდა და დახურულ საცურაო აუზებს, საცხენოსნოს, სასროლეთს, მოტოსკოლას და ა.შ.