“არსებული ინფრასტრუქტურით 2018 წლიდან ავტომობილების სავალდებულო ტექდათვალიერება ვერ დაიწყება”

“არსებული ინფრასტრუქტურით 2018 წლიდან ავტომობილების სავალდებულო ტექდათვალიერება ვერ დაიწყება”

access_time2017-10-01 10:00:31

ეკონომიკის მინისტრის გიორგი გახარიას განცხადებით ტექდათვალიერება 2018 წლის იანვრიდან ამოქმედდება და არც ერთი დღით არ გადაიდება. მისიმე თქმით, შვეიცარიულმა კომპანიამ სამიდან ორი ეტაპი უკვე გაიარა და მესამეს უკვე თვის ბოლოს დაასრულებს.

 

„ამ პროექტზე მუშაობს ერთ-ერთი საუკეთესო კომპანია „ეს-ჯი-ესი“. მათ სამი ეტაპიდან ორი უკვე დაასრულეს, მესამეს მივიღებთ თვის ბოლოს. დაახლოებით ოქტომბრის ბოლოს დაიწყება სპეციალური კამპანია ტექდათვალიერების დროულად და ხარისხიანად ამოქმედებისთვის. ტექდათვალიერების ამოქმედება არ ნიშნავს, რომ ერთ დღეს ყველა მანქანამ უნდა გაიაროს ერთდროულად, არა, ეს იქნება გეგმა გაწერილი ერთი თვის განმავლობაში, - აღნიშნა გიორგი გახარიამ.

 

საქართველოს ტრანსპორტისა და გზების ასოციაციის თავმჯდომარე დავით მესხიშვილი რადიო „კომერსანტთან“ ტექდათვალიერებისთვის შესაბამისი ინფრასტრუქტურის მზაობასა და აღნიშნული კომპანიის მიერ ჩატარებულ სამუშაოებზე საუბრობს.

 

- რამდენად მზად არის დღეს ინფრასტრუქტურა და მთავრობა, იმისთვის, რომ ავტომანქანების ტექდათვალიერება გახდეს უკვე სავალდებულო მომავალი წლიდან?

 


– არსებული ინფრასტრუქტურით 2018 წლიდან ავტომობილების სავალდებულო ტექდათვალიერება ვერ დაიწყება. ჩემი აზრით, ქვეყანა ამისთვის მზად არ არის.  ჩვენ მომხრე ვართ ამ კანონპროექტის, რადგან მსოფლიო ჯანდაცვის ორგანიზაციამ გამოაქვეყნა კვლევა, რომლის მიხედვითაც საქართველოში ყველაზე მეტი ადამიანის გარდაცვალების მიზეზი ხდება ჰაერის დაბინძურება. ჰაერის დაბინძურების 75% კი მოდის გამონაბოლქვზე. ჩვენ ამას მხარს ვუჭერთ, მაგრამ უნდა მოხდეს ეტაპობრივი დაგეგმვა. დღეს ჩვენ გვაქვს სიტუაცია, რომ შვეიცარიულმა კომპანიამ „ეს-ჯი-ეს“, რომელმაც მთავრობისთვის კონსულტაციის გასაწევად, გაიმარჯვა ინტერესთა გამოხატვაში და მიიღო 3 მილიონი ლარი. ამ კომპანიას მთელი საზოგადოებისთვის უნდა ეთქვა, როგორ შეიძლებოდა ამის დანერგვა. ჯერ კიდევ მაის-ივნისში უნდა გამოქვეყნებულიყო პირველი რეპორტი, მეორე უნდა გამოქვეყნებულიყო სექტემბერში, მაგრამ ჩვენ მსგავსი არაფერი გვინახავს. ეს კომპანია თავს ვერ ართმევს დაკისრებულ მოვალეობას და ერთგვარად ჩიხურ სიტუაციაში ვართ. ჩვენ კომუნიკაცია გვქონდა აკრედიტაციის სააგენტოსთან, მის ხელმძღვანელთანაც, ის მონდომებულია, რომ ეს ყველაფერი დროზე განხორციელდეს, მაგრამ ვაწყდებით წინააღმდეგობას, როცა ეს კომპანია ვერ ახერხებს მთავრობისთვის რეკომენდაციების გაწევას. ეს კომპანია ვერ აწვდის ინფორმაციას პრესცენტრებს და ისინი არ არიან მზად. დღეს არის 35 ხაზი და გვჭირდება დაახლოებით 100, ინვესტიციები შეჩერებულია, რამდენიმე კომპანია მე ვიცი, რომელიც აპირებდა შემოსვლას, მაგრამ არ შემოდის ახალი რეგულაციების გამოქვეყნებამდე, პერსონალი გადასამზადებელია, აპარატურა მინიმუმ ტესტ-რეჟიმშია გასაშვები და მძღოლებმა არ იციან რა და როგორ უნდა შემოწმდეს.

 

- თავიდან უნდა გამოცხადდეს ინტერესთა გამოხატვა თუ რაში ხედავთ გამოსავალს?

 

- პირველ რიგში, ეს სამუშაო პროცესი უნდა გახდეს საჯარო, ჩაგვრთონ ჩვენც არასამთავრობო ორგანიზაციები, რომლებიც არც 3 მილიონს ვთხოვთ და არც 3 ლარს. ამასთან, გვაქვს გარკვეული გამოცდილება, პირადად მე ისრაელში ვიყავი და სპეციალური გადამზადება გავიარე და ვარ სერთიფიცირებული ამ დარგში. სრულიად უანგაროდ შემიძლია დავჯდე და დავეხმარო იმ სამუშაო ჯგუფს, რომელიც ამ თემაზე მუშაობს. ეს არის ჩვენი ვალდებულება, რომელიც ევროპასთან ინტეგრაციის გზაზე ავიღეთ და ასოცირების ხელშეკრულების მიხედვით მაქსიმუმ დრო გვაქვს 2018 წლის სექტემბრამდე. აკრედიტაცია უნდა მინიჭდეს მათზე, ვინც უნდა შეამოწმოს ავტომობილები, მაგრამ მთლიანად პროცესზე ვინ არის პასუხისმგებელი ჩვენ ვერ გავიგეთ. მაგალითად, აირბალონიან სისტემებზე შემოწმება 3-ჯერ ჩავარდა, რადგან პროცესის მენეჯერი არ არსებობს სახელმწიფოს მხრიდან.

 

- თქვენი მონაცემებით რა მდგომარეობაშია დღეს ავტოპარკი?

 

- ავტოპარკი არის მძიმე მდგომარეობაში. 90% ჩვენი ავტომობილების არის 10 წელზე უფრო ასაკოვანი. ჩვენ მოვუწოდებთ ხელისუფლებას და გაუჩინარებულ შვეიცარიულ კომპანიას, რომ ეტაპობრივად დაინერგოს პერიოდული ტექნიკური ინსპექტირება. ჩვენ თუ დღესვე მოვითხოვთ გერმანულ სტანდარტს, დარჩება ძალიან ცოტა ავტომობილი. ჩვენი მიზანი არ უნდა იყოს ავტომობილების რაოდენობის შემცირება ამ გზით, თვითმიზანი უნდა იყოს ჰაერის გაჯანსაღება.

 

 

კომერსანტი



აბრამოვიჩის კომპანია Evraz -მა ბაქო -თბილისი - ყარსის რკინიგზით პროდუქციის გადაზიდვა გატესტა

აბრამოვიჩის კომპანია Evraz -მა ბაქო -თბილისი - ყარსის რკინიგზით პროდუქციის გადაზიდვა გატესტა
access_time2020-01-28 14:46:59
აზერბაიჯანულმა ADY Express -მა ბაქო -თბილისი - ყარსის რკინიგზით კომპანიის Evraz პროდუქციის გადაზიდვა დაიწყო.30 ვაგონი რკინით რუსეთის სვერდლოვსკის ოლქში დაიტვირთა. სატვირთო ვაგონებმა გაირეს რუსეთის, აზერბაიჯანის და საქართველოს ტერიტორიებზე 5175 კილომეტრი და ჩავიდა ყარსში, შემდეგ კი - თურქეთის რკინიგზის სადგურ „პაიასში“. ADY Express-ის ცნობით, ტვირთის საერთო წონა იყო 2053 ტონაა. სატესტო რეჟიმში იგეგმება გადასაზიდი ტვირთების მოცულობის რამდენჯერმე გაზრდა, ყოველთვიური...

ქუთაისის „ტორპედო“ იტალიელებმა იყიდეს

ქუთაისის „ტორპედო“ იტალიელებმა იყიდეს
access_time2020-01-28 13:30:26
ქუთაისის „ტორპედოს“ ახალი მფლობელი ჰყავს. ამის შესახებ ქუთაისის ტორპედოს გულშემატკივართა კლუბმა ჩვენ ვართ ტორპედომ ფეისბუქის გვერდზე დაწერა.მაშ ასე, გვინდა გამცნოთ ქართული ფეხბურთის გულშემატკივრებს, რომ საგა, რომელიც ტორპედოს თავზე თითქმის ერთი წელია ტრიალებს, დასრულდა. ტორპედოს გულშემატკივრებისათვის ბოლო იმედი ფაბიო მანინის სახით გამართლდა! როგორც ჩვენთვის ექსკლუზიურად გახდა ცნობილი, საფეხბურთო კლუბი ტორპედო იტალიელ ინვესტორს, ფაბიო მანინს გადაეცა. ჩვენი წყარო...

კანონის მიღება დაგვიანებულია- სპეციალისტები უსაფრთხო სათამაშოებზე ინიცირებულ კანონს განიხილავენ

კანონის მიღება დაგვიანებულია- სპეციალისტები უსაფრთხო  სათამაშოებზე ინიცირებულ კანონს განიხილავენ
access_time2020-01-28 15:45:25
სათამაშოების უსაფრთხოების ტექნიკურ რეგლამენტს, რომელიც პირველი იანვრიდან შევიდა ძალაში, სპეციალისტები დაგვიანებულად მიიჩნევენ. მათი განმარტებით,კანონის აღსრულება 2021 წლამდე გადაიწევს,რაც ბაზარზე პრობლემის განვითარებას წინ ვერ აღუდგება....

გაიზარდა თუ არა საქართველოში კორუფციის რისკები?!

გაიზარდა თუ არა საქართველოში კორუფციის რისკები?!
access_time2020-01-28 12:30:07
წინა ხელისუფლებაც მისი მმართველობის ბოლო პერიოდში ასე იქცეოდა და შემოდგომის ბუზივით იკბინებოდა, მაგრამ რა ემართება ზამთარში ბუზს, ყველამ კარგად...

„ქართული ოცნების“ პრემიებზე დახარჯული მილიონები და 112-ის გაუმართავი ინფრასტრუქტურა

„ქართული ოცნების“ პრემიებზე დახარჯული მილიონები და 112-ის გაუმართავი ინფრასტრუქტურა
access_time2020-01-28 10:45:30
ბორჯომი-ხაშურის მაგისტრალზე მომხდარმა ტრაგედიამ, რომელსაც ბანძელაძეების ოჯახის 4 წევრის გარდაცვალება მოჰყვა, კიდევ ერთხელ დაანახა საზოგადოებას, თუ რამდენად მნიშვნელოვანია სისტემის კოორდინირებული და გამართული მუშაობა მაშინ, როდესაც საქმე გადაუდებელ დახმარებას და ადამიანების სიცოცხლეს ეხება.   26 იანვარს ბაქარ ბანძელაძემ, რომელიც მეუღლესთან და 3 მცირეწლოვან ბავშვთან ერთად მგზავრობდა, ავტომობილის მართვისას საჭე ვერ დაიმორჩილა, გზაზე მოცურდა და...


მსგავსი სიახლეები

up