კომპანია „არქი“: უძრავი ქონების შეძენის მიმართულებით ნაკლებად მკაცრი რეგულაციები უნდა დაწესდეს

კომპანია „არქი“: უძრავი ქონების შეძენის მიმართულებით ნაკლებად მკაცრი რეგულაციები უნდა დაწესდეს

access_time2018-10-11 11:00:00

2018 წლის 1-ლი ნოემბრიდან პირი, რომელსაც ერთზე მეტი საცხოვრებელი არ ექნება, უძრავი ქონებით უზრუნველყოფილი სესხის აღებას ვეღარ შეძლებს. აღნიშნული რეგულაცია ნოემბრიდან მხოლოდ კომერციულ ბანკებს, 2019 წლის 1-ლი იანვრიდან კი ყველა სესხის გამცემ სუბიექტს შეეხება.

 

შეუშლის თუ არა ეროვნული ბანკის მიერ დაწესებული ახალი რეგულაცია სამშენებლო და დეველოპერულ კომპანიებს განვითარებაში ხელს? ამის შესახებ „კომერსანტი“ დეველოპერულ კომპანია „არქის“ წარმომადგენელს ესაუბრა. როგორც „არქიში“ აცხადებენ, უძრავი ქონების შეძენის მიმართულებით ნაკლებად მკაცრი რეგულაციები უნდა დაწესდეს. მათივე განცხადებით, ამ ეტაპზე დეველოპერულ კომპანიებსა და ეროვნულ ბანკს შორის საკითხზე კონსულტაციების პროცესი მიმდინარეობს.

 

„ეს რეგულაცია ჯერ არ არის საბოლოო სახით წარმოდგენილი. ჩვენი მოსაზრებაა, რომ  ბინის შეძენის დროს უფრო ნაკლებად მკაცრი რეგულაციაა საჭირო, რადგან აღნიშნული მოთხოვნა საქართველოს ბაზრის რეალობას ამ ეტაპზე არ შეესაბამება.


ამჟამად იმართება კონსულტაციები ეროვნულ ბანკთან დეველოპერული კომპანიებისა და ბანკების მხრიდან. ჩვენ გვჯერა, რომ მოხდება შეთანხმების მიღება რომელიც უფრო მოქნილ პირობებს შესთავაზებს მომხმარებლებს,“ - განუცხადეს „კომერსანტს“ არქიში.  

 

რაც შეეხება დეველოპერულ კომპანიებზე დაწესებულ ბოლოდროინდელ სამშენებლო რეგულაციებს, თემაზე კომენტირებისას „არქიში“ აცხადებენ, რომ ახალი რეგულაციები მისასალმებელია, რადგან ის ქალაქის იერსახის შენარჩუნებასა და მომხმარებლის უსაფრთხოების დაცვაზეა მიმართული.



„აქამდე მომხმარებლების უსაფრთხოება მხოლოდ დეველოპერის კეთილსინდისიერებაზე იყო დამოკიდებული. ახალი სამშენებლო რეგულაციების შედეგად მომხმარებელი მაღალ ხარისხსა და უსაფრთხო გარემოს მიიღებს. რა თქმა უნდა, ჩვენ მივესალმებით აღნიშნულ ცვლილებებს. არქის პროექტები მუდმივად  ევროპული სტანდარტების დაცვით ხორციელდებოდა, მათ შორის მოწესრიგებული სახანძრო სისტემებიც საგულისხმოა. ახალი სამომავლო რეგულაციები ჩვენს შემთხვევაში ბინის ფასზე გავლენას არ იქონიებს,“ - აღნიშნეს კომპანიაში. 

 

დეველოპერული კომპანიის წარმომადგენელი ჩვენთან საუბრისას ბიზნესის განვითარების დეტალებზეც ამახვილებს ყურადრებას. კომპანიას შარშანდელ ანალოგიურ პერიოდთან შედარებით გაყიდვების 150%-იანი ზრდა აქვს. „არქის“ მიერ გაკეთებული პროგნოზით 2018 წელს 2017 წელთან შედარებით რიცხობრივი მონაცემები გაორმაგებული შედეგით დაიხურება.

 

 

„არქი ლიდერი“ დეველოპერული კომპანიაა საქართველოში, რომელიც 2006 წელს დაარსდა და უკვე 12 წლიან გამოცდილებას ითვლის.  ამ ეტაპზე კომაპანიას აშენებული 280 000 კვ.მ. აქვს, რაც ჯამში 3 000 ჩაბარებულ ბინას უდრის. ასევე მიმდინარე 190 000 კვ.მ., რაც დამატებით 2 000 ბინას გულისხმობს.

 

ამ ეტაპზე კომპანიას 18 დასრულებული და 14 მიმდინარე სამშენებლო პროექტი თბილისსა და ბათუმში აქვს.  უახლოეს მომავალში კი რამდენიმე ახალი მრავალბინიანი საცხოვრებელი კომპლექსის მშენებლობის დაწყება იგეგმება  განსხვავებულ ლოკაციებზე.

 

 

ავტორი: ლიკა გურაბანიძე






გურჯაანში ღვინის უნივერსიტეტი გაიხსნება

გურჯაანში  ღვინის უნივერსიტეტი გაიხსნება
person access_time2018-10-20 20:30:41
გურჯაანში კავკასიის უნვერსიტეტი ღვინის უნივერსიტეტს გახსნის. მაჟორიტარი დეპუტატის დავით სონღულაშვილის განცხადებით, ეს გადაწყვეტილება საბოლოოა და მუნიციპალიტეტი არ შეიცვლება. ერთ-ერთ ლოკაციად ყოფილი სკოლა-ინტერნატის ტერიტორია განიხილება, თუმცა საბოლოო გადაწყვეტილება ამ დროისთვის მიღებული არ არის. ამჟამად არსებული პროექტის მიხედვით აშენდება სამი შენობა: ღვინის ლაბორატორია, ღვინის მცირე წარმოება და სტუდენტური საერთო...

რა გავლენას ახდენს ნავთობის ფასების ცვლილება საქართველოში ბენზინის ფასზე?

რა გავლენას ახდენს ნავთობის ფასების ცვლილება საქართველოში ბენზინის ფასზე?
person access_time2018-10-20 14:57:39
საქართველოში ბენზინის ფასები მჭიდრო კავშირშია საერთაშორისო ბაზრებზე ნავთობის არსებულ ფასებთან, და კიდევ უფრო მაღალ კორელაციაშია ბენზინის ფასებთან ევროპაში. თუ შევადარებთ ბენზინის ფასებს საქართველოსა და ევროპაში (გადასახადების გარეშე)1, ვნახავთ, რომ მათ შორის...

საქართველო - მოედანი რუსეთის ბიზნესისთვის

საქართველო - მოედანი რუსეთის ბიზნესისთვის
person access_time2018-10-19 20:02:10
ევროკავშირის ბაზარზე რუსული პროდუქციის ირიბად მოსახვედრად, საქართველოს გამოყენებას გეგმავს რუსეთის მცირე და საშუალო ექსპორტიორების ასოციაციის აღმასრულებელი დირექტორი იური შურიგინი. ის საქართველოს განიხილავს, „მიწად“ რომლიდანაც, ევროკავშირის ბაზარზე უნდა მოხვდეს რუსული პროდუქცია, რომელსაც ამჟამად ევროკავშირის ეკონომიკური სანქციები აქვს დაწესებული.   „თბილისში ძალიან კარგი ახალი შესაძლებლობები ჩნდება ევრაზიული ქვეყნების ბიზნესისთვის, საქართველოს აქვს თავისუფალი ვაჭრობის...

ზვიად ხორგუაშვილი ლარის გაუფასურების 5 ძირითად მიზეზს ასახელებს

ზვიად ხორგუაშვილი ლარის გაუფასურების 5 ძირითად მიზეზს ასახელებს
person access_time2018-10-19 19:31:12
მთავრობამ განსაკუთრებულად უარყოფითი გავლენა იქონია ქვეყნის ეკონომიკურ განვითარებაზე. ყოველწლიურად მთავრობა გვთავაზობდა მავნებლურ ეკონომიკურ პოლიტიკას, მაგრამ 2018 წელს პიკს მიაღწია,- ასე აფასებს ეკონომისტი ზვიად ხორგუაშვილი ქვეყნის ეკონომიკაში მიმდინარე პროცესებს. ხორგუაშვილი  იმ განწყობებსა და მოლოდინებზე საუბრობს, რაც დღეს ლართან დაკავშირებით ხდება.   სხვა თანაბარ პირობებში, ლარის კურსი დოლართან მიმართებაში დგება პრინციპულად იგივენაირად, როგორც მაგალითად თონის პურის...

რა პირობებში აცხობენ პურპროდუქტებს საქართველოში?

რა პირობებში აცხობენ პურპროდუქტებს საქართველოში?
person access_time2018-10-20 19:00:03
რა პირობებში ცხვება მომხმარებლისათვის განკუთვნილი პურპროდუქტები? შემოწმების შედეგები საკმაოდ დამაფიქრებელია. 781 შემოწმებული საცხობიდან 72-ს საწარმოო პროცესი შეუჩერდა. სტანდარტები იმდენად გაუფასურდა, რომ თუკი მომხმარებელმა ტარაკანი, ბუზი ან თმა...


მსგავსი სიახლეები

up