ბაზარზე არმატურის ფასი მკვეთრად გაიზარდა - ეს პროცესი ყველა სამშენებლო პროექტზე იმოქმედებს

ბაზარზე არმატურის ფასი მკვეთრად გაიზარდა - ეს პროცესი ყველა სამშენებლო პროექტზე იმოქმედებს

access_time2021-01-15 12:00:44

მსოფლიო ბაზარზე სამშენებლო მასალების ღირებულების ზრდა განსაკუთრებით არმატურის ფასებზე აისახა. საქართველოში მეტწილად ქართული, უკრაინული, თურქული და ირანული არმატურა გამოიყენება, რომელთა ფასმა ბოლო პერიოდში 40 პროცენტიანი ზრდა განიცადა. ხომ არ შეაყოვნებს ეს სურათი მიმდინარე და დაგეგმილ პროექტებს ქვეყანაში და როგორ უმკლავდებიან მშენებლები ბაზარზე ცვლილებებს, ამის შესახებ კომერსანტთან „კავკასუს როუდ პროჯექტის“ დამფუძნებელმა პაატა ტრაპაიძემ ისაუბრა. მისი განმარტებით, ენერგომოხმარების კოლოსალურმა ზრდამ მეტალის ფასებზე იმოქმედა, ამან კი თავის მხრივ გავლენა მოახდინა ყველა შიდა პროექტზე ქვეყანაში.


„ადგილობრივი წარმოებისა და უკრაინული არმატურის ფასი ნამდვილად გაზრდილია, ასევე თურქეთიდან შემოდის ძალიან ცოტა. ეს მდგომარეობა გამოწვეულია იმით, რომ მსოფლიოში გაიზარდა ენერგომოხმარების მაჩვენებელი. არმატურის და მეტალის ფასის დიდი ნაწილის შემადგენელია ენერგომომხმარებელი, როგორც ელექტრობა ისე ნავთობისა და გაზის ფასები. მშენებლობები ასე თუ ისე მიდის და ქვეყნები მეტ ფულს დებენ ინფრასტრუქტურაში, აქედან გამომდინარე ჩვენ ვერ ვარეგულირებთ ამ ფასებს. ყველა შიდა პროექტებზე ამან იმოქმედა, მაგრამ არ იმოქმედა გრძელვადიან, დონორების მიერ დაგეგმილ პროექტებზე იმიტომ, რომ მათ ფიქსირებული აქვთ ფასები. თუ მოიმატა სამშენებლო მასალის ფასმა , მაშინ ინდექსაცია ხდება. სამწუხაროდ ამის მიღწევა გვინდა ჩვენც ქართულ ტენდერებში, მაგრამ ჯერჯერობით არავინ აქცევს ყურადღებას ამ ყველაფერს. არამგონია არმატურის ფასის ცვლილება დიდად აისახოს პროექტებზე იმიტომ, რომ ვისაც კომერციული გამოცდილება აქვს, მან ყოველთვის უნდა გაითვალისწინოს მსგავსი შემთხვევები. თუ მოგება იყო იყო 6-7 ან 8 პროცენტი, ახლა მიიღებ 2 პროცენტიან მოგებას, რომელიც უმუშევრობას სჯობია,“- განმარტავს პაატა ტრაპაიძე.


სამშენებლო კომპანია დომუსში განმარტავენ, რომ მსგავსი დიდი ცვლილება სამშენებლო მასალების ფასებში, მომავალში ბინის ფასებზე აისახება, თუმცა მშენებლები პროექტების შეჩერებას მაქსიმუმ ორი თვით შეძლებენ, რათა დააკვირდნენ ხომ არ არის ეს სპეკულაციური ფასის ცვლილება.



„ჩვენ რკინა-ბეტონის სამუშაოები რაც გვქონდა დავასრულეთ, თუმცა მიმდინარე მშენებლობებს არმატურის ფასის გაძვრება ხელს არ შეუშლის. სამომავლოდ იმდენად დიდი მატება გვაქვს არმატურის ფასის, რომ შეიძლება მშენებლებმა მოკლე ვადით თავი შეიკავონ. ეს შესაძლოა იყოს ერთი ან ორთვიანი, შეიძლება შეხედონ ხომ არ არის ეს სპეკულაციური მატება და ისევ უკან ხომ არ ჩამოვა. გრძელვადიან ჭრილში არავინ შეაჩერებს პროექტებს ამის გამო. როცა ტენდერში შევდივართ ვაფიქსირებთ, რომ მასალებზე ფასის 5-10 პროცენტის ზრდის შემთხვევაში შეიძლება გადახედილ იქნეს ჯამური მოცულობა სამუშაოს. ეს თუ მშენებელს არ აქვს ჩადებული კონტრაქტში, ეს მისი რისკია და ცუდ მდგომარეობაში აღმოჩნდება. შეიძლება ფასების ზრდა ბინის ფასებზე გადაიტანონ მშენებლებმა, მაგრამ პროექტს ეს ვერ დააყოვნებს,“ - განმარტავენ კომპანია „დომუსში“.

 





კერძო ბაღების 50% ბაზარზე ვეღარ დაბრუნდა - „ვამუშავებთ გაიდლაინს, რათა ნებისმიერ პირობებში შევძლოთ ფუნქციონირება“

კერძო ბაღების 50% ბაზარზე ვეღარ დაბრუნდა - „ვამუშავებთ გაიდლაინს, რათა ნებისმიერ პირობებში შევძლოთ ფუნქციონირება“
access_time2021-03-05 14:30:22
,,ასოციაციის ფარგლებში თავად ვქმნით რეგულაციების ახალ პაკეტს, რათა მზად ვიყოთ უფრო მკაცრი პირობებისთვისაც”, - განუცხადა „ბიზნესპრესნიუსს“ საგანმანათლებლო (კერძო საბავშვო-ბაღების) ასოციაცია “ნათის” აღმასრულებელმა დირექტორმა. გიგი სისვაძე ამბობს, რომ ბაზარზე დიდი დახურვის შემდეგ კერძო ბაღების 50% ვერ დაბრუნდა. ,,თითქმის 1-წლიანი დახურვის შემდეგ, ბაზარზე დაბრუნება კერძო ბაღების 50%-მა შეძლო. ვერ ვიტყვი, რომ ამ რეგულაციებით მუშაობა მარტივია, თუმცა არ...

ყველა დახმარების პაკეტი ყველა რესტორანს ვერ მოერგება - რესტორატორთა ასოციაცია

ყველა დახმარების პაკეტი ყველა რესტორანს ვერ მოერგება - რესტორატორთა ასოციაცია
access_time2021-03-05 13:00:52
ფულადი დახმარების გარეშე დარჩენილი რესტორნებისთვის ასოციაცია ეკონომიკურ გუნდთან მოლაპარაკებების გაგრძელებას გეგმავს. მსჯელობა იქნება როგორც რეგიონში არსებული ასევე მსხვილი რესტორნებისთვის გარკვეული დახმარების გამოყოფაზე. „პანდემიის დაწყებიდან დღემდე იყო დახმარების რამდენიმე პაკეტი. ეს იყო საშემოსავლო და ქონების გადასახადის გადავადება, საბანკო პროცენტების სუბსიდირების პროგრამა და ბოლო ფულადი დახმარება. რა თქმა უნდა, ყველა რესტორანი ერთდროულად ამ სამ დახმარების პაკეტს ვერ...

„ეკონომიკური თავისუფლების ინდექსით“ საქართველო მსოფლიოში მე-12 ადგილზეა

„ეკონომიკური თავისუფლების ინდექსით“ საქართველო მსოფლიოში მე-12 ადგილზეა
access_time2021-03-05 14:00:00
2021 წლის „ჰერითიჯის ფონდის“ მიერ გამოქვეყნებული ეკონომიკური თავისუფლების ინდექსის თანახმად, საქართველო, 77.2 საერთო ქულით, მსოფლიოში მე-12, ხოლო ევროპის რეგიონის 45 სახელმწიფოს შორის მე-7 ყველაზე თავისუფალ ეკონომიკად არის დასახელებული. ამის შესახებ ინფორმაციას საქართველოს ეკონომიკისა და მდგრადი განვითარების სამინისტრო ავრცელებს. „ქვეყანა მოთავსებულია ინდექსის უმეტესწილად თავისუფალი ეკონომიკების ჯგუფში. 2020 წლის ინდექსთან შედარებით, მიმდინარე საანგარიშო წელს საქართველომ...

საკრედიტო პორტფელში უმოქმედო სესხები გაორმაგებულია - ლიდერი „ქართუ ბანკია“

საკრედიტო პორტფელში უმოქმედო სესხები გაორმაგებულია - ლიდერი „ქართუ ბანკია“
access_time2021-03-05 11:00:01
2020 წლის კრიზისის ფონზე, საკრედიტო პორტფელში უმოქმედო სესხების წილი წლის დასაწყისიდან 3.9 პროცენტული პუნქტით გაიზარდა და მიმდინარე მდგომარეობით 8.4%-ს შეადგენს, რაც წინა წელთან შედარებით გაორმაგებული მაჩვენებელია, - ამის შესახებ ინფორმაცია საქართველოს ეროვნული ბანკის ფინანსური სტაბილურობის კომიტეტმა სხდომის გადაწყვეტილების...

დღის Top 10 საინტერესო ამბავი

დღის Top 10 საინტერესო ამბავი
access_time2021-03-04 21:30:17
დღის Top 10 საინტერესო ამბავი:   1. გაზრდილი ფასები და შემცირებული მომხმარებელი - ბათუმის რესტორნებს მოგებაზე გასვლა აგვისტომდე შეუძლებლად მიაჩნიათ   ბათუმში რესტორნების შიდა სივრცეები 1-ლი მარტიდან გაიხსნა, კვების ობიექტებს...


მსგავსი სიახლეები

up