საქართველოში მარცვლეულის მოყვანის და მრავალფეროვანი პურეულის ცხობის საკმაოდ დიდი ტრადიცია არსებობს. ყველაზე გავრცელებული საკვები პროდუქტი ყველა ოჯახში მოიპოვება და უმეტესწილად, იგი ხორბლის ფქვლისგან ცხვება. თუმცა, ხორბლის დამუშავების ტექნოლოგიამ პურის ფასეულობაც შეცვალა და მრავალგვარი საკვები დანამატებით გამდიდრებულმა, გემურ თვისებებთან ერთად განსხვავებული ფორმა და ვიზუალი შეიძინა.
საზოგადოებისთვის აქტუალობას არ კარგავს კითხვები თუ რისგან შედგება მათი არსებობისათვის მნიშნვნელოვანი პროდუქტი. მით უმეტეს, ბევრი მითი თუ რეალობა ვრცელდება პურში გამოყენებული საკვები დანამატების შესახებ.
თავისი შემადგენლობით უნიკალური ხორბლის მარცვალი, რომელიც უამრავ ვიტამინს, მათ შორის A, E, F, B-ს, ასევე დიდი რაოდენობით მინერალებს - სპილენძს, სელენს, მაგნიუმს, კობალტს, თუთიას, ნატრიუმს, სილიციუმს, მარგანეცს, კალიუმს, იოდს ... შეიცავს, რატომ საჭიროებს საკვებ დანამატს? რა მიზნით გამოიყენება იგი ხორბლის ფქვილის წარმოებაში? ან რა სახისა და ხარისხის დანამატებით ხდება ფქვილის გამდიდრება და როგორ ხდება მათი კონტროლი საქართველოში, ამ საკითხზე წისქვილკომბინატ „ბარაქას“ დირექტორს, ლადო ბიძინაშვილს გავესაუბრეთ.
რა სახის დანამატების გამოყენება ხდება ხორბლის ფქვილის წარმოებაში?
ისევე, როგორც ყველა სხვა საკვებ ინდუსტრიაში, ფქვილის წარმოებაშიც გამოყოფენ 2 სახის დანამატს. პირველი - ბუნებრივი და მეორე - ქიმიური დანამატი. საქართველოში ფქვილის წარმოება-რეალიზაცია რეგულირდება მთავრობის მიერ დამტკიცებული ხორბლის ფქვილის ტექნიკური რეგლამენტით, რომელშიც დეტალურად არის გაწერილი, როგორი უნდა იყოს ფქვილის შემადგენლობა სახეობების მიხედვით. საკვები დანამატების გამოყენების საკითხსაც რეგლამენტი ადგენს.
საიდან შემოდის საქართველოში დანამატები და რამდენად საიმედოა ისინი?
ჩვენს ქვეყანაში საკვები ფქვილის დანამატები ბევრი სხვადასხვა ქვეყნიდან შემოდის. ამ ეტაპზე ჩვენი კომპანია იყენებს გერმანულ და ჰოლანდიურ დანამატებს. დაახლოებით 6-7 წლის წინ, აქტიურად ვიყენებდით თურქულ დანამატებს, მცირე რაოდენობით - რუსულსაც, მაგრამ გარკვეული პერიოდის შემდეგ სრულად მოხდა ჩანაცვლება გერმანული და ჰოლანდიური დანამატებით, რომლებიც მაღალი ხარისხით გამოირჩევიან და ადამიანის ჯანმრთელობისთვის საფრთხეს არ შეიცავენ.
რამდენად მნიშვნელოვანია, ან რატომ არის აუცილებელი მათი გამოყენება ხარისხიანი ფქვილის წარმოებაში?
დანამატების გამოყენება არ ხდება მასიურად ყველა სახეობის ხორბლის ფქვილის წარმოებაში. ძირითადად, მივმართავთ იმ შემთხვევაში, როდესაც მომხმარებელს კონკრეტული მაჩვენებლის გაუმჯობესება სურს, თუმცა დანამატის რაოდენობაც მკაცრად განსაზღვრულია. მაგალითად, თუ მომხმარებელს სურს რომ რომელიმე კომპონენტი თუნდაც 2-ჯერ გაუმჯობესდეს, ეს შეუძლებელია. დანამატები, ძირითადად, გამოიყენება მასიური ცხობისთვის განკუთვნილ ფქვილზე, როდესაც მომხმარებელს სურს, ყველა მიწოდებული ფქვილის პარტია ერთმანეთს ჰგავდეს და არ ქონდეს თუნდაც მცირედი გადახრა სხვა დანარჩენი მიწოდებებიდან.
როგორ კონტროლდება დანამატების უსაფრთხოება და რომელი დანამატის გამოყენება არის კატეგორიულად დაუშვებელი?
დაუშვებელია ქიმიური დანამატების გამოყენებით ხორბლის ფქვილის წარმოება, რომელიც ადამიანის ჯანმრთელობისთვის საფრთხეს წარმოადგენს. რაც შეეხება უსაფრთხოებას, მისი გადამოწმება მხოლოდ ლაბორატორიული გზით არის შესაძლებებლი, რომელსაც სახელმწიფო მაკონტროლებელი ორგანო - სურსათის ეროვნული სააგენტო, საკმაოდ ინტენსიურად აკონტროლებს.
განსხვავდება თუ არა დანამატების სახეობა ფქვილის კლასების მიხედვით? ახდენს თუ არა გავლენას დანამატები პურის გემოვნურ თვისებებზე?
საკვები დანამატების გამოყენებით გემოვნური თვისებები არ იცვლება. სხვადასხვა სახეობის ფქვილი განკუთვნილია სხვადასხვა დანიშნულების გამოყენებისთვის, შესაბამისად, დანამატებიც განსხვავდება ერთმანეთისგან, იმის მიხედვით, საბოლოოდ თუ რა პროდუქტის მიღება გვჭირდება.
საზოგადოება ხშირად გამოთქვამს წუხილს დანამატების გამოყენებაზე. არსებობს მოსაზრება, რომ საკვები დანამატების გამოყენებით ჯანსაღი პური არ იწარმოება. თქვენ ეთანხმებით თუ არა ამ მოსაზრებას?
თუ ფქვილის წარმოებაში ქიმიური დანამატებია გამოყენებული, რა თქმა უნდა, მოახდენს გავლენას, ბუნებრივი წარმოშობის საკვები დანამატები კი ნამდვილად უსაფრთხოა ადამიანის ჯანმრთელობისთვის.
რა სახის საკვებ დანამატებს იყენებს ბარაქა? როგორ აკონტროლებთ მის ხარისხს?
ხორბლის ფქვილის წარმოებაში ჩვენ მხოლოდ ბუნებრივ საკვებ დანამატს ვიყენებთ. როგორც აღვნიშნეთ, გერმანიიდან და ჰოლანდიიდან იმპორტირებული, უსაფრთხო, ასევე, მაღალხარისხიანი საკვები დანამატებით ხდება ფქვილის გამდიდრება. ხარისხისა და უვნებლობის კონტროლის მიზნით, პერიოდულად ვატარებთ ლაბორატორიულ კვლვებს. გარდა ამისა, სურსათის უვნებლობის სფეროში სახელმწიფო მაკონტროლებელი ორგანო - სურსათის ეროვნული სააგენტო ამოწმებს მათ ხარისხსა და უვნებლობას. არანაკლებ მნიშვნელოვანია საკვები ინდუსტრიის წარმოებაში კეთილსაიმედო ქვეყნებიდან საჭირო ნედლეულის იმპორტი, რასაც ჩვენ მივმართავთ.
(R)
პური
