არეულობა აშშ-ში – თეთრ სახლთან აქციის გამო ტრამპი ბუნკერში გადაიყვანეს

არეულობა აშშ-ში – თეთრ სახლთან აქციის გამო ტრამპი ბუნკერში გადაიყვანეს

access_time2020-06-01 12:40:52

უკვე რამდენიმე დღეა, აშშ-ის არაერთ ქალაქში საპროტესტო აქციები არეულობის ფონზე მიმდინარეობს – არბევენ და წვავენ მაღაზიებს, პოლიციის მანქანებსა და შენობებს. დემონსტრანტები აპროტესტებენ მინესოტის შტატის დედაქალაქ მინეაპოლისში პოლიციის მიერ უაიარაღო აფროამერიკელის, ჯორჯ ფლოიდისადმი ძალადობრივ მოპყრობას, რომელსაც შესაძლოა მისი სიკვდილი გამოეწვია და უფრო ფართო პრობლემას — პოლიციის მიერ აფროამერიკელებისადმი სასტიკ მოპყრობას.


პოლიციის ერთ-ერთმა ოფიცერმა — დერეკ ჩაუვინმა დაკავებულ ფლოიდს, რომელიც ძირს დააწვინეს, ყელზე მუხლი დააჭირა და მიუხედავად იმისა, რომ ფლოიდმა არაერთხელ თქვა, რომ სუნთქვა არ შეეძლო და მუხლის აღება სთხოვა, მუხლი არ აიღო. ფლოიდი, საბოლოო ჯამში, გარდაიცვალა. დაკავებაში მონაწილე სხვა ოფიცრები გაათავისუფლეს სამსახურიდან, ხოლო თავად ჩაუვინი მკვლელობის ბრალდებით დააკავეს. სასამართლოს წინაშე იგი ორშაბათს წარსდგება.



როგორია ბოლო ცნობები?


თავდაპირველად მინეაპოლისში დაწყებული საპროტესტო აქციები ახლა უკვე სხვა შტატების ქალაქებშიც მიმდინარეობს — ლოს ანჯელესში, პორტლენდში, ნიუ იორკში, დედაქალაქ ვაშინგტონში და ასე შემდეგ.


ზოგ შტატში გუბერნატორებმა სიტუაციის დასაწყნარებლად ეროვნული გვარდიის მობილიზება გადაწყვიტეს, რიგ ქალაქებში დაწესდა კომენდანტის საათი.



ამასთან ერთად, მოვლენების გაშუქებისას მინიაპოლისში პირდაპირ ეთერში დააკავეს CNN-ის გადამღები ჯგუფი. თუმცა, მალევე შტატის გუბერნატორმა ტიმ ვოლფმა ამ შემთხვევის გამო მაუწყებელს ბოდიში მოუხადა და ჟურნალისტებიც გაათავისუფლეს.


ასევე, პროტესტების მიმდინარეობისას დააკავეს ქალაქ ნიუ-იორკის მერის — ბილ დე ბლასიოს შვილი, ხოლო თეთრ სახლთან მიმდინარე პროტესტების გამო, მიწისქვეშა ბუნკერში გადაიყვანეს პრეზიდენტი დონალდ ტრამპი.


გარდა ამისა, ქვეყნის მასშტაბით, მთლიანობაში, დაკავებულია ათასზე მეტი ადამიანი, იუწყება The Washington Post.


მოქალაქეებისა და პოლიტიკური სპექტრის ნაწილი პროტესტებზე რეაგირებისთვის აკრიტიკებს აშშ-ის პრეზიდენტ ტრამპს — მან არაერთხელ დაწერა, რომ წესრიგის დამყარება იყო საჭირო, დემონსტრანტებს ჯორჯ ფლოიდთან საერთო არაფერი ჰქონდათ და მოუწოდა დემოკრატიული პარტიის წევრ გუბერნატორებსა და მერებს, უფრო „მკაცრები“ ყოფილიყვნენ.


ზოგიერთ ქალაქში კი პოლიციელები მომიტინგეებს შეუერთდნენ და მომხდარი მათთან ერთად გააპროტესტეს.


netgazeti.ge





კომპანია Emirates-ი 9 ათას თანამშრომელს გაათავისუფლებს

კომპანია Emirates-ი 9 ათას თანამშრომელს გაათავისუფლებს
access_time2020-07-11 12:55:09
ავიაკომპანია Emirates-ის დირექტორის, ტიმ კლარკის განცხადებით, 9 ათასამდე სამუშაო ადგილს გაუქმებას გეგმავენ. მიზეზი პანდემიაა, - ამის შესახებ BBC...

მილიარდერების რეიტინგში ილონ მასკმა უორენ ბაფეტს გადაასწრო

მილიარდერების რეიტინგში ილონ მასკმა უორენ ბაფეტს გადაასწრო
access_time2020-07-11 19:00:04
ამერიკელმა ბიზნესმენმა ილონ მასკმა მსოფლიოს ყველაზე მდიდარი ადამიანების რეიტინგში, რომელსაც ყოველდღიურად ანახლებს Bloomberg-ი, მეშვიდე ადგილი დაიკავა. ამ შედეგით მან საინვესტიციო ფონდ...

2019 წელს ტელევიზიების ჯამური შემოსავალი 13.9%-ით გაიზარდა

2019 წელს ტელევიზიების ჯამური შემოსავალი 13.9%-ით გაიზარდა
access_time2020-07-11 18:00:17
ტელევიზიების ჯამური შემოსავალი 2019 წელს, წინა წელთან შედარებით, 11.3 მლნ ლარით (13.9%) გაიზარდა. ამის შესახებ „საერთაშორისო გამჭვირვალობა - საქართველოს” მიერ გამოქვეყნებულ კვლევაშია...

რას ხედავენ ამერიკელები საქართველოში და ვის მოეთხოვება "ჭკუით მოქცევა"

რას ხედავენ ამერიკელები საქართველოში და ვის მოეთხოვება
access_time2020-07-11 16:00:42
რისი მანიშნებელია ამერიკის საბიუჯეტო კანონპროექტის ჩანაწერი საქართველოსთვის შესაძლო სასჯელის დაწესების თაობაზე? რისი მანიშნებელია ოლიგარქებისა და არაფორმალური მმართველობის ხსენება თანდართულ განმარტებებში? არის ეს დიდი სურათის ნაწილი თუ მხოლოდ ცალკეული კონგრესმენების იდეებია? აქვს ...

თვითდასაქმებულთათვის კომპენსაცია და სირთულეები, რომლებსაც მოვაჭრეები აწყდებიან

თვითდასაქმებულთათვის კომპენსაცია და სირთულეები, რომლებსაც მოვაჭრეები აწყდებიან
access_time2020-07-11 14:00:11
პანდემიისა და ზაფხულის ცხელ დღეების გამო დეზერტირების ბაზრობის დახლებთან სავაჭროდ მისული ადამიანები კანტი-კუნტად შეიმჩნევა. ხანშიშესული ქალები ე.წ. საკიდი დახლებით ქოლგებს აფარებენ თავს და გამვლელებს სხვადასხვა პროდუქციას სთავაზობენ. პანდემიის დროს გამოწვეული სირთულეების შესახებ მოვაჭრებებთან საუბარი გვსურდა, მათი უმრავლესობა მედიასთან...


მსგავსი სიახლეები

up