არეა ექსპო 2020 -უძრავი ქონების მასშტაბური გამოფენა გაყიდვა 4-5 აპრილს ჩატარდება შერატონ გრანდ თბილისი მეტეხი პალასში. არეა ჯგუფი, ღონისძიებას უკვე მესამედ მართავს თბილისში. საქართველოში პირველი უძრავი ქონების გამოფენა -გაყიდვა არე ექსპო 2018 წელს ჩატარდა და წარმოადგენს ერთიან პლატფორმას დეველოპერებისთვის, კონკურენტულ გარემოში შეხვდნენ მიზნობრივ აუდიტორიას, უძრავი ქონების სექტორითა და შეძენით დაინტერესებულ მომხმარებლებს.

აღსანიშნავია, რომ გამოფენის ფარგლებში დეველოპერები ტრადიციულად პროდუქტს სპეციალური ფასებითა და პირობებით წარმოადგენენ. არეა ექსპო არის სივრცე, სადაც წელიწადში ერთხელ, ორი დღის განმავლობაში, უძრავი ქონების ბაზრის ძირითადი მოთამაშეები: დეველოპერული და სამშენებლო კომპანიები, არქიტექტორები და საპროექტო კომპანიები, ინვესტორები და საცალო მომხმარებლები ერთ სივრცეში იყრიან თავს და მარტივად უზრუნველყოფენ ინფორმაციის გაცვლასა და win-win გარიგების დადებას.

არეა ექსპო 2020 -ს გენერალური პარტნიორია myhome, რომელსაც ყოველთვიურად 500 000 უძრავი ქონების მაძიებელი სტუმრობს. დღიურად უნიკალური ვიზიტორი 33 000 შეადგენს. Myhome უზრუნველყოფს მის მიერ განვითარებული ახალი პლატფორმის გამოყენებას, რომლის მეშვეობითაც მონაწილე დეველოპერების შეთავაზებას წინასწარ დაუგზავნის ბაზაში დაფილტრულ მომხმარებლებს, მათი ინტერესების გათვალისწინებით. მაგალითისთვის, საბურთალოზე კონკრეტული ბიუჯეტის ფარგლებში ბინის მაძიებელი პერსონალურად მიიღებს შეტყობინებას გამოფენაზე მონაწილე დეველოპერთა შეთავაზებების შესახებ აღნიშნულ უბანსა და რეგიონში, რაც ხელს შეუწყობს პირდაპირი მიზნობრივი აუდიტორიის მოზიდვას. ანალოგიური შეთავაზებები ღონისძიებამდე 2 კვირით ადრე დაეგზავნება areaexpo.ge -ზე რეგისტრირებულ ვიზიტორებს.

არეა ექსპო, თავისი უნიკალური პლატფორმიდან გამომდინარე, ყოველთვის ექცევა მედიისა და საერთაშორისო ასოციაციების ყურადღების ქვეშ. ღონისძიების უცვლელ პარტნიორებს წარმოადგენენ ჯორჯია თუდეი, კომერსანტი, მარკეტერი, წელს შეემატა ჟურნალი ანტერპრენერი და გადაცემა ბიზნეს პარტნიორი. ღონისძიებას მხარდაჭერა სახელმწიფო სტრუქტურებუსგანაც აქვს, შესაბამისად საქართველოს ეკონომიკისა და მდგრადი განვითარების სამინისტრო, სახელმწიფო ქონების მართვის სააგენტოს სახით წარმოადგენს საინვესტიციოდ გამზადებულ სახელმქიფო საკუთრებაში არსებულ ქონებას. არეა ექსპო იძლევა უპრეცენდენტო წვდომას საქართველოში არსებულ დეველოპერულ პროექტებსა და უძრავი ქონებაზე.
არეა ექსპო 2019 4-5 მაისს, ასევე შერატონ გრანდ თბილისი პალასში გაიმართა. მონაწილეობა მიიღებს 30 მდე დეველოპერმა, რომელმაც ჯამურად 100 ზე მეტი პროექტი წარმოადგინეს. დეველოპერთა შორის წარმოდგენილნი იყვნენ უნიქს დეველოპერი, ბინადარი, ოუშენ კაპიტალი, იორკ თაუერსი, ასევე ბათუმში მოღვაწე დეველოპერები. ვიზიტორთა რაოდენობამ ორი დღის განმავლობაში 1500 დან 2000 მდე დაინტერესებული პირი მოიცვა.

(R)