არჩილ თალაკვაძემ პარლამენტის მიერ 2019 წელს შესრულებულ სამუშაოზე ანგარიში წარადგინა

არჩილ თალაკვაძემ პარლამენტის მიერ 2019 წელს შესრულებულ სამუშაოზე ანგარიში წარადგინა

access_time2019-12-31 10:21:47

პარლამენტის მიერ 2019 წელს შესრულებულ სამუშაოზე პარლამენტის თავმჯდომარემ არჩილ თალაკვაძემ მოკლე ანგარიში წარადგინა.


როგორც თალაკვაძე საკუთარ ვიდეომიმართვაში აღნიშნავს, ახალი რეგლამენტის თანახმად, პარლამენტმა 2019 წელს 13-ჯერ მოუსმინა მინისტრებს, 3 თემატური მოკვლევა და 4 ინტერპელაცია ჩაატარა. არჩილ თალაკვაძის თქმით, 2019 წელს საქართველოს პარლამენტმა 67 პლენარული სხდომა ჩაატარა, განიხილა და მიიღო 402 კანონი, მიიღო 1241 დადგენილიება და რატიფიცირება გაუკეთა 61 საერთაშორისო ხელშეკრულებას, აგრეთვე შეარჩია და დაამტკიცა სხვადასხვა თანამდებობის პირები.


„შევეცდები ძალიან მოკლედ ჩაგაბაროთ ანგარიში, თუ რა სამუშაო შეასრულა საქართველოს პარლამენტრმა 2019 წელს და რა გადაწყვეტილებები იყო ყველაზე მნიშვნელოვანი. ჩვენ მივიღეთ ბავშვის უფლებათა კოდექსი, რომელიც ძალაში შედის 2020 წლის პირველი ივნისიდან და ქმნის სრულიად ახალ, სოციალურ და სამართლებრვ გარანტიებს თქვენი შვილებისთვის. მივიღეთ კანონი ქალთა მიმართ და ოჯახის ძალადობის წინააღმდეგ, რომელიც უფრო ეფექტურად იცავს ქალებს, ბავშვებს და ხანდაზმულებს. მთავრობასთან ერთად შევიმუშავეთ და დავამტკიცეთ 2020 წლის სახელმწიფო ბიუჯეტი, რომელიც უკეთ პასუხობს სოციალურ გამოწვევბს და ორიენტირებულია ეკონომიკურ განვითარებაზე.


2020 წლიდან იზრდება პენსიები, ხელფასები ეზრდებათ პედაგოგებს, ექიმეს, ბაღების აღმზრდელებს, ჯარისკაცებს, პოლიციელებს და მათთან გათანაბრებულ პირებს. დევნილებისთვის ახალი საცხოვრისების ასაშენებლად გამოყოფილია 122 მილიონ ლარზე მეტი, ინფრასტრუქტურული პროექტებისთვის გამოყოფილია 3,7 მილიარდ ლარზე მეტი, მცირე და საშუალო ბიზნესის ხელშეწყობისთვის დაიხარჯება 240 მილიონ ლარზე მეტი, სოფლის მეურნეობას მოხმარდება 131 მილიონი ლარი, რეგიონებს მუნიციპალური ბიუჯეტის გარდა დამატებით მოხმარდებათ 350 მილიონი ლარი.



2019 წელს დავამტკიცეთ კანონმდებლობა, რომლითაც მარტივდება მიწის ნაკვეთებზე უფლებათა რეგისტრაცია, ამით მოქალაქეებს გაუმარტივდათ მიწაზე საკუთრების მოპოვება. შევიმუშავეთ და ფართო კონსენსუსით დავამტკიცეთ სასამართლო რეფორმის მეოთხე ტალღა, რომელიც უზრუნველყოფს სასამართლში ახალი კადრების სამართლიან შერჩევასა და მომზადებას, კონტროლის მექანიზმების გაძლიერებას და მოსამართლეთა საქმიანობის მეტ დამოუკიდებლობას. აღსანიშნავია, რომ ამ რეფორმის მიღებას დადებითი შეფასებები მოჰყვა ჩვენი საერთაშორისო პარტნიორების მხრიდან. ჩვენ მივიღეთ კანონი მედიაციის შესახებ, რომლითაც მხარეები მედიატორის ჩართულობით სასამართლოს გარეშე შეძლებენ მოაგვარონ თავიანთი დავა. მივიღეთ კანონი განახლებადი წყაროებიდან ენერგიის წარმოებისა და გამოყენების შესახებ, რაც ხელს უწყობს ელექტროსექტორის გაძლიერებას და მასში თანამედროვე ტექნოლოგიების მეტად შემოტანას“, - განაცხადა არჩილ თალაკვაძემ.


მისივე თქმით, საშემოდგომო სესიაზე მივიღეთ რეზოლუციის ჩარჩოს შესახებ კანონი, რომელიც საფინანსო სექტორის მდგრადობისა და ბიზნესის გარემოსთვის წინ გადადგმული ნაბიჯია.


„პირველი მოსმენით ტყის კოდექსი მივიღეთ, რომელიც ხე-ტყის დამზადების ლიცენზიების გონივრულ მართვას, ტყის რესურსებზე ხელმისაწვდომობას, ტყის ინვესტარიზაციას და საინფორმაციო ბაზის შექმნას ითვლისწინებს. მივიღეთ ახალი რეგლამენტი, რომელიც პარლამენტის საქმიანობას უფრო ეფექტურს და შედეგიანს ხდის. სწორედ ახალი რეგლამენტის თანახმად, პარლამენტმა 2019 წელს 13-ჯერ მოუსმინა მინისტრებს, ჩაატარა 3 თემატური მოკვლევა და 4 ინტერპელაცია. მთლიანობაში 2019 წელს საქართველოს პარლამენტმა ჩაატარა 67 პლენარული სხდომა, განიხილა და მიიღო 402 კანონი, მიიღო 1241 დადგენილიება და რატიფიცირება გაუკეთა 61 საერთაშორისო ხელშეკრულებას, აგრეთვე შეარჩია და დაამტკიცა სხვადასხვა თანამდებობის პირები.


საქართველოს პარლამენტმა უმასპინძლა და მონაწილეობა მიიღო ევროპის საბჭოს, ნატო-ს და ეუთო-ს მაღალი დონის კონფერენციებსა და ანსამბლეაში. ამით ჩვენ დავხურეთ 2019 წლის საშემოდგომო სესია და ვიწყებთ მომზადებას 2020 წლის საგაზაფხულო სხდომებისთვის. მადლობას ვუხდი ჩემს კოლეგებს, ჩემს თანამშრომლებს და საზოგადოებას მხარდაჭერისა და მონაწილეობისთვის“, - აცხადებს თალაკვაძე.


ipn.ge





„სოკარის“ მხარდაჭერით პროექტის „აქტიური ცხოვრება ჩემი სტიქიაა“ ფარგლებში 8 დღიანი „ბანაკი 2020“ ჩატარდა

„სოკარის“ მხარდაჭერით პროექტის „აქტიური ცხოვრება ჩემი სტიქიაა“ ფარგლებში 8 დღიანი „ბანაკი 2020“ ჩატარდა
access_time2020-09-24 10:15:56
პროექტის „აქტიური ცხოვრება ჩემი სტიქიაა“ ფარგლებში, კომპანია „სოკარის“ მხარდაჭერით, სამშვიდობო მისიებსა და სხვადასხვა საომარ მოქმედებაში დაჭრილი ჯარისკაცებისა და ვეტერანებისთვის, თერჯოლაში, მეღვინეობა „მახარეში“ 8 დღიანი „ბანაკი 2020“ ჩატარდა. 20–ზე მეტმა დაჭრილმა სამხედრო მოსამსახურემ და საქართველოს სხვადასხვა რეგიონში მცხოვრებმა 100–ზე მეტმა შშმ პირმა საკუთარი ძალები 10 სხვადასხვა ინტეგრირებულ სპორტულ–კულტურულ შეჯიბრებაში მოსინჯა. მათ იასპარეზეს ნარდისა და დომინოს ტურნირებში,...

კრედიტების გაიაფების იდეას მივესალმები, რადგან ყოფილ ბანკირს უკეთესად ესმის ეს საკითხი - კახა ოქრიაშვილი ხაზარაძის ინიციატივას ემხრობა

კრედიტების გაიაფების იდეას მივესალმები, რადგან ყოფილ ბანკირს უკეთესად ესმის ეს საკითხი - კახა ოქრიაშვილი ხაზარაძის ინიციატივას ემხრობა
access_time2020-09-24 11:30:45
„კრედიტების გაიაფების იდეას მივესალმები, რადგან ყოფილ ბანკირს უფრო ესმის ეგ საკითხი. ჯობია ბევრი კრედიტი გასცე და დაბალ პროცენტში, ვიდრე ორი კრედიტი და მაღალ პროცენტში,“ - ასე აფასებს ბიზნესმენი და პარტია “პროგრესი და თავისუფლების” დამფუძნებელი კახა ოქრიაშვილი მამუკა ხაზარაძის ინიციატივას საკრედიტო რესურსების გაიაფებასთან დაკავშირებით. ყოფილი ბანკირი და პირველი ქართული ბანკის დამფუძნებელი მამუკა ხაზარაძე პოლიტიკაში წასვლის შემდეგ...

გიორგი გახარია - დღესაც, საქართველო მწვანე ზონად რჩება

გიორგი გახარია - დღესაც, საქართველო მწვანე ზონად რჩება
access_time2020-09-24 11:00:18
მობილობის ზრდის შედეგია ის, რაც დღეს ხდება, განსაკუთრებით აჭარაში, თუმცა ყველას კარგად უნდა გვესმოდეს, რომ ეს იყო აბსოლუტურად პროგნოზირებადი და ჩვენ ამისთვის ვემზადებოდით, -  ამის შესახებ საქართველოს პრემიერ-მინისტრმა გიორგი გახარიამ მთავრობის სხდომაზე განაცხადა.   მთავრობის მეთაურმა ქვეყანაში არსებულ ეპიდემიოლოგიურ მდგომარეობაზე ისაუბრა და აღნიშნა, რომ ფიქსირდება ინფიცირების რაოდენობის მკვეთრი ზრდა, თუმცა ეს მოსალოდნელი იყო.   „ჩვენ, ჩვენს...

Financial Times: რუსული ფული ბრიტანულ პოლიტიკაში

Financial Times: რუსული ფული ბრიტანულ პოლიტიკაში
access_time2020-09-23 21:00:36
ბრიტანეთის კონსერვატიული პარტიის ერთ-ერთი უმსხვილესი დონორის მეუღლე  კრემლთან დაკავშირებული რუსი ბიზნესმენისგან დაფინანსებას იღებდა. ეს დონორი - რუსული წარმოშობის ბრიტანეთის მოქალაქე ლუბოვ ჩერნუხინაა, რომლის გვარიც საეჭვოდ ემთხვევა ახლო წარსულში რუსეთის ფინანსთა მინისტრის მოადგილის გვარს.   არსებული ინფორმაციის თანახმად, ეს რუსი მილიარდერია პუტინის კარის ოლიგარქი სულეიმან კერიმოვი, რომელიც ამერიკული სანქციების ქვეშაა.   პირველმა ეჭვები...

კრიპტოვალუტის მაინინგის გამო აფხაზეთი ენერგოკოლაფსის ზღვარზეა

კრიპტოვალუტის მაინინგის გამო აფხაზეთი ენერგოკოლაფსის ზღვარზეა
access_time2020-09-23 20:00:02
ამ დღეებში აფხაზეთის დე ფაქტო რესპუბლიკის მთავრობამ კრიპტოვალუტის მოპოვების რეგულირების თაობაზე კანონი მიიღო.   პარალელურად კი არ აღიარებული რესპუბლიკის სახელმწიფო ენერგეტიკული კომპანია „ჩერნომორენერგო“-ს დირექტორმა მიხაილ ლოგუამ განაცხადა, რომ უახლოეს პერიოდში სავარაუდოდ ენერგიის პერიოდული გათიშვები დაიწყება.   „ისეთი დატვირთვა ენერგოსისტემაზე, როგორიც დღეს არის არასდროს ყოფილა, მაშინაც კი, როდესაც ტურისტული სეზონი ძალიან აქტიური იყო. დღეს მოხმარება...


მსგავსი სიახლეები

up