არჩილ თალაკვაძე - ყველა შესაძლებლობა უნდა გამოვიყენოთ, რათა დიპლომატიური გზებით მოვაგვაროთ ჩვენი ნომერ პირველი გამოწვევა, რაც არის ოკუპაცია

არჩილ თალაკვაძე - ყველა შესაძლებლობა უნდა გამოვიყენოთ, რათა დიპლომატიური გზებით მოვაგვაროთ ჩვენი ნომერ პირველი გამოწვევა, რაც არის ოკუპაცია

access_time2019-09-28 16:10:31

ჩვენ უნდა გამოვიყენოთ ყველა შესაძლებლობა, რომელზეც საერთაშორისო პარტნიორები მხარს გვიჭერენ, რათა დიპლომატიური გზებით მოვაგვაროთ ნომერ პირველი გამოწვევა, რაც არის ოკუპაცია, – ამის შესახებ საქართველოს პარლამენტის თავმჯდომარემ, არჩილ თალაკვაძემ განაცხადა.

როგორ  არჩილ თალაკვაძემ აღნიშნა, საქართველოსა და რუსეთის საგარეო საქმეთა მინისტრების შეხვედრას გაერო-ს ასამბლეის ფარგლები დადებითი შეფასება მისცეს ჩვენმა საერთაშორისო პარტნიორებმა და საერთაშორისო საზოგადოებამ.

„ეს განიხილება როგორც შესაძლებლობა, რომ საქართველომ მშვიდობიანი გზით, დიპლომატიის გამოყენებით სცადოს იმ პრობლემის მოგვარება, რომელიც უკვე დიდი ხანია ჩიხშია შესული და ყოველწლიურად აუარესებს ჩვენი მოქალაქეების, აფხაზი და ოსი დების და ძმების ცხოვრების დონეს.  ჩვენ უნდა გამოვიყენოთ ყველა შესაძლებლობა, რომელზეც საერთაშორისო პარტნიორები მხარს გვიჭერენ, რათა დიპლომატიური გზებით მოვაგვაროთ ნომერ პირველი გამოწვევა, რაც არის ოკუპაცია. საერთაშორისო სამართლის პრინციპების და სამართლის თანახმად ჩვენი ტერიტორია უკანონოდაა ოკუპირებული და სიმართლე არის ჩვენს მხარეს, ამიტომ ჩვენ მხოლოდ და მხოლოდ ამ დაშვებით ვმონაწილეობთ ნებისმიერ ფორმატში“, – განაცხადა თალაკვაძემ.

მისივე თქმით, პასუხისმგებლიანი პრაგმატული მიდგომა საგარეო პოლიტიკაში დეოკუპაციის მიმართ, არის სწორი, ვინაიდან ამ პოლიტიკის დამსახურებით საქართველომ შეძლო 2012 წლიდან დღემდე უსაფრთხოების და მშვიდობის შენარჩუნება.


„რაც შეეხება ლავროვის განცხადებას, აქ არანაირი რუსოფობია, არანაირი სუბიექტური მიდგომები არ არსებობს და საქართველოს მოქალაქეებმა იციან, რაც ჩვენ ვიცით, რომ რუსეთს საერთაშორისო სამართალი აქვს დარღვეული და უკანონოდ ახორციელებს ჩვენი ტერიტორიების ოკუპაციას. შესაბამისად, აქ არის ელემენტარულად იმის განცდა, რომ უსამართლობა უკვე გრძელდებაწლების განმავლობაში და გრძელდება საერთაშორისო კანონმდებლობის და ჩვენი ტერიტორიული მთლიანობის დარღვევით. ეს რუსეთის სახელმწიფომ უნდა გაითავისოს. ეს რაც უფრო ადრე მოხდება, მით უფრო მალე მოგვარდება ოკუპაციის პრობლემა და კონფლიქტი ორ სახელმწიფოს შორის“, – განაცხადა არჩილ თალაკვაძემ.

ამასთან, არჩილ თალაკვაძემ რუსეთთან ფრენების აღდგენაზე ისაუბრა და აღნიშნა, რომ ფრენები უნდა აღდგეს.

„საქართველოს ეკონომიკაზე ზეწოლა ვერ მოხდება მხოლოდ ფრენების შეზღუდვით, ან სხვა ბერკეტების საშუალებით, რადგან ჩვენ ვართ უფრო მეტად ინტეგრირებული მსოფლიო ბაზრებზე, გვაქვს დივერსიფიცირებული ეკონომიკა, უფრო დამოუკიდებელი ენერგეტიკა და ძლიერი მხარდაჭერა საერთაშორისო პარტნიორების მხრიდან. ამიტომ საქართველო თავის ეროვნულ ინტერესებს ოკუპაციასთან მიმართებაში არ დათმობს არანაირი სხვა სიკეთის ფასად, ამავე დროს ჩვენ არ ჩავერთვებით არანაირ პროვოკაციაში და არ მივიღებთ ემოციურ გადაწყვეტილებებს, რომელმაც შეიძლება ჩვენი მოქალაქეები დააზარალოს“, – განაცხადა არჩილ თალაკვაძემ.

1tv




ბიძინა ივანიშვილის გარემოცვა ჩართული არის ელიტარულ კორუფციაში

ბიძინა ივანიშვილის გარემოცვა ჩართული არის ელიტარულ კორუფციაში
access_time2020-02-25 19:00:51
პარლამენტის დარგობრივ სხდომაზე ფინანსთა მინისტრი არ მივიდა. ფრაქცია „დამოუკიდებელი დეპუტატების“ წევრმა ლევან კობერიძემ გადაცემაში „პოლიტიკის ფორმულა“  განაცხადა,რომ ფინანსთა მინისტრმა ისინი მოატყუა. „ჩვენ გავაგზავნეთ ფინანსთა და ჯანდაცვის მინისტრებთან წერილი,რომ მობრძანებულიყვნენ ფრაქციაში და კონკრეტულ საკითხებზე გვესაუბრა. ეს საკითხებია დღგ-ს ნაწილში ყალბი აქტივის შექმნა, ტელევიზიების მიერ არგადახდილი დღგ და აზარტული თამაშები.  კითხვები გვქონდა...

როგორ მივაღწიოთ ინკლუზიურ ეკონომიკურ ზრდას საქართველოში?

როგორ მივაღწიოთ ინკლუზიურ ეკონომიკურ ზრდას საქართველოში?
access_time2020-02-25 17:00:17
ISET-ი ინკლუზიურ ეკონომიკურ ზრდასთან დაკავშირებით კვლევას აქვეყნებს. მათი ინფორმაციით,საქართველოში ბოლო ათწლეულებში ეკონომიკური პოლიტიკის გარკვეული ინიციატივები ერთმანეთთან შეუსაბამობაში მოდის. მაგალითად, ერთი მხრივ, მთავრობა ცდილობს, წაახალისოს მცირე ფერმერები, გადაინაცვლონ ეკონომიკის სხვა სექტორებში (რისთვისაც წარმოების ხელშემწყობ სააგენტოებს აარსებს), მეორე მხრივ, ეხმარება მათ სხვადასხვა პროგრამებით (მაგ. კოოპერატივების მხარდაჭერით), აიმაღლონ პროდუქტიულობა და დარჩნენ სოფლის მეურნეობაში....

გლობალური პანდემია შესაძლოა მსოფლიოს 1 ტრილიონი დოლარი დაუჯდეს

გლობალური პანდემია შესაძლოა მსოფლიოს 1 ტრილიონი დოლარი დაუჯდეს
access_time2020-02-25 20:00:35
შემაშფოთებელი პერსპექტივა იმის, რომ კორონავირუსის მასშტაბური გავრცელება გლობალიზაციის ეპოქის პირველი მძლავრი პანდემია აღმოჩნდეს, ბადებს ეჭვებს მსოფლიოს ეკონომიკურ სტაბილურობაზე. კორონავირუსით გარდაცვლილთა რიცხვმა 3000-ს მიაღწია, დაფიქსირდა 80 000-ზე მეტი შემთხვევა.  იტალიაში ვირუსის გავრცელებამ ეკონომიკის უმდიდრეს ზონებს დარტყმა მიაყენა. ზოგი ეკონომისტი საუბრობს, თუ რა შეიძლება გამოიწვიოს არათანაბარმა განვითარებამ გლობალურ...

876 ათასი ლარი ავეჯის შესაძენად – ვინ მართავს ბათუმის სტადიონს

876 ათასი ლარი ავეჯის შესაძენად – ვინ მართავს ბათუმის სტადიონს
access_time2020-02-25 18:00:17
ბათუმის საფეხბურთო სტადიონისთვის ავეჯის შესაძენად აჭარის ფინანსთა და ეკონომიკის სამინისტროს შპს „სტადიონმა“ ელექტრონული ტენდერი გამოაცხადა. სკამების, მაგიდების, დივნების, კარადების და სხვა ინვენტარის შესაძენად აჭარის ბიუჯეტიდან 876 ათასი ლარია გამოყოფილი.ავეჯის დიზაინი, დეტალური ტექნიკური მახასიათებლები, განლაგების სქემა და ნახაზები ტენდერის პირობებშია...

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან
access_time2020-02-25 15:45:46
თხევადი აირი (LPG) სულ უფრო პოპულარული ხდება ქართველ მომხმარებელში და ამას აქვს არაერთი მიზეზი. მაგალითად არაოფიციალური მონაცემებით (ოფიციალური სტატისტიკა არ იწარმოება), თუ 2 წლის წინ ამ საწვავზე მომუშავე ავტომანქანების რაოდენობა 1 000 ავტომობილს აღწევდა, დღეს მათი რიცხვი 10 000 ავტომობილს აჭარბებს. LPG -ის სწრაფი პოპულარობის მიზეზი კი როგორც ვახსენეთ რამდენიმეა. პირველი და, რა თქმა უნდა, მთავარი არის ფასი. ერთი კოლოგრამი LPG-ის ღირებულება, საშუალოდ 1.25 ლარია. საგულისხმოა ის გარემოებაც, რომ...


მსგავსი სიახლეები

up